Öll fimm mörk leiksins voru skoruð í fyrri hálfleiknum sem er einn sá skemmtilegasti í sumar.
KA komst í 1-0 á 14. mínútu með marki Bjarna Aðalsteinssonar og undirbúning Sveins Margeirs Haukssonar.
Hinrik Harðarson nýtti sér vel varnarmistök KA-manna og jafnaði metin tveimur mínútum síðar og Ingi Þór Sigurðsson kom ÍA síðan yfir með frábæru skoti á 22. mínútu.
Ingi Þór fékk þá skemmtilega brjóstkassasendingu frá Steinari Þorsteinssyni og skoraði með glæsilegu skoti.
Ívar Örn Árnason jafnaði metin með skalla eftir hornspyrnu Daníels Hafsteinssonar á 37. mínútu.
Það var ekki búið enn því Erik Tobias Sandberg, miðvörður Skagamanna, fékk víti sem Arnór Smárason nýtti af öryggi.
Mark Arnórs kom á 42. mínútu og það reyndist vera sigurmarkið og um leið síðasta mark leiksins.
Eftir fimm mörk á fyrstu 42 mínútunum var ekkert skorað á síðustu 48 mínútunum.
Hér fyrir ofan má sjá öll mörkin úr leiknum sem og mörkin úr 3-3 jafntefli FH og Fram. Tveir leiknir búnir að níundu umferðinni og þegar komin ellefu mörk.
