Heimili myndast þegar fjöl­skyldan ver tíma þar saman

„Eins og er á ég þrjú börn undir fimm ára aldri en elsta dóttirin verður fimm ára í sumar, á sama degi og sonur okkar verður þriggja ára,“ segir Arna. Vignir Þór Bollason, eiginmaður Örnu starfar sem barna- og meðgöngu kírópraktor og rekur stofuna Líf Kírópraktík svo það er óhætt að segja að það sé nóg um að vera hjá ungu hjónunum. Arna segist eyða miklum tíma í þvottahúsinu og því skiptir það hana miklu máli hvaða þvottaefni og önnur efni hún notar til að þvo og þrífa upp úr.

Hvernig lítur venjulegur dagur út í lífi þínu um þessar mundir?

„Ég er heima með eina dásamlega nýfædda stúlku, hana Bellu Dís, svo dagarnir mínir eru ansi misjafnir enda lítil rútína komin svona stuttu eftir fæðingu. Á milli þess sem ég sit í Lazyboy stólnum að gefa brjóst er ég í þvottahúsinu, eldhúsinu eða við tölvuna/símann að vinna. Mér finnst ég lifa í þvottahúsinu þessa dagana enda erum við orðin fimm og sú yngsta er í taubleyjum, en ætli þvottahúsið sé ekki ákveðin núvitund fyrir mig. Annars er ofangreindi Lazyboy stóllinn hápunktur daganna okkar Bellu enda sitjum við þar mikið saman í brjóstagjafa kúri og tengslamyndun.“

Hvað er heimilið fyrir þér?

„Heimili er svigrúm til þess að bara „vera“. Fyrir mér myndast heimili þegar fjölskyldan ver tíma þar saman og verður því bæði til tilfinningalegt öryggi og rými til þess að hafa sínar skoðanir og eiga sínar tilfinningar. Heimili er ekki endilega veraldlegur hlutur heldur er það tilfinning, tilfinning sem er falleg og kærleiksrík.“

Hvað skiptir þig mestu máli þegar kemur að umgengni á heimilinu?

„Samvinna þarf að vera til staðar og að við grípum hvort annað eftir orkustigi hvors annars. En fyrst og fremst varðandi umgengni er að átta sig á því að heimilið er fullt af lífi ungra barna og því ekki raunhæft að ætlast til að það líti út fyrir að hafa enga umgengni. Ég fékk einu sinni ráð frá annarri móður sem sagði: „Ef þú tekur upp hlut, ekki leggja hann frá þér nema á staðinn þar sem hann á heima“. Mér finnst sú regla skipta miklu máli til þess að ná að halda heimilinu skipulögðu, eftir bestu getu.“

Mætum orkustigi hvers annars

Tekur öll fjölskyldan virkan þátt í heimilisstörfunum?

„Já, fyrir utan Bellu Dís. Það má samt deila um hversu gagnleg heimilisstörfin eru frá yngsta heimilisfólkinu sem eru dugleg að taka þátt í heimilisstörfum en enn duglegra í að rusla til eðlilega. Ég og maðurinn minn erum mjög gott teymi þegar kemur að heimilisstörfunum. Við eigum okkar verkefni en mætum orkustigi hvors annars þegar álag bankar upp á.“

Hvernig virkjar þú börnin til þess að taka þátt?

„Ég held að þetta snúist ekki alltaf um að virkja börnin heldur að hægja á okkur sjálfum til þess að leyfa börnunum að taka virkan þátt. Börnin vilja að eðlisfari læra það sem þau sjá foreldra sína gera og þá skiptir ekki öllu máli hvort um er að ræða eldamennsku, skapandi list, þvott eða bílaþrif. Börnin vilja taka þátt en ég hugsa oft að börn sem vilja ekki taka þátt eru mögulega á þeirri skoðun því við fullorðna fólkið gefum okkur ekki nægan tíma til þess að staldra við og leyfa börnunum að taka virkan þátt á þeirra hraða.“

Ertu með sérstaka rútínu þegar kemur að þrifum?

„Rútínan breytist hratt hjá okkur í takt við heimilislífið. En grunn rútína mín byrjar alltaf á því að skila öllu því dóti sem hefur ratað á ranga staði á sína staði. Þá fyrst get ég byrjað að þrífa. Í kjölfarið er ryksugan sett af stað en ég klára þá baðherbergið og þvottahúsið á meðan. Annars erum við fjölskyldan yfirleitt með eitt og eitt vikuverkefni hvað varðar þrif sem eru gerð eftir hentisemi en það gæti verið að þvo gluggana, djúphreinsa rúm, taka einhverja skápa í gegn o.s.frv.“

Sótthreinsi spreyið notað í miklu magni

Hvaða heimilisstörfum sinnir þú daglega og hvaða vörur notar þú við þau störf?

„Ég eyði gífurlega miklum tíma í þvottahúsinu og vil hafa það sem mitt verkefni á heimilinu. Þar nota ég lang mest fljótandi þvottaefni frá Sonett úr línu sem heitir „sensitive“ enda eru barnaföt og bleyjur í hámarki um þessar mundir.

Fyrir föt okkar Vignis, lín og þess háttar, nota ég einnig fljótandi þvottaefni en með fjólubláa límmiðanum „tau laven“ sem gefur ferska lavender lykt frá lífrænni ilmkjarnaolíu.

Eins hef ég þrifið baðherbergið alveg extra oft upp á síðkastið þar sem heimilishaldið er mjög líflegt. Baðherbergið er því oft skrautlegt og gríp ég ansi mikið í baðhreinsiúðann frá Sonett; sem heitir Bathroom Cleaner. Hann virðist ná öllu svo hratt og örugglega.

Að lokum er það auðvitað eldhúsið, staðurinn sem allir fjölskyldumeðlimir nota mikið. Þar er sótthreinsispreyið notað í miklu magni enda allskyns bakteríur og veirur sem berast með bæði okkar höndum og fæðu í matreiðslu. Eftir að ég kláraði áfangann Örveru- og sýklafræði í hjúkrunarfræðinni hef ég verið virkilega meðvituð um hreinlæti í kringum matseld og er „surface disinfectant“ sótthreinsispreyið að skora virkilega hátt hjá mér enda drepur það ansi marga algenga smitandi gerla.“

Leiðinlegasta húsverkið?

„Að þrífa bakaraofninn er mitt allra leiðinlegasta húsverk. Bakaraofninn okkar lítur bara glæsilega vel út að utan en ekki alltaf að innan. Að þrífa bakaraofninn getur tekið langan tíma finnst mér en ég nýt afrakstursins ekki jafn vel og til dæmis eftir að hafa ryksugað og skúrað. Ætli það sé ekki vegna þess að það sést aldrei inn í bakaraofninn og hreingerningin blasir ekki við manni. Auðvitað er þetta samt eitt af þeim húsverkum sem maður gerir en ætti mögulega að gera oftar.“

Að spóla yfir sig í hreiðurgerðinni

Þrífur þú extra vel fyrir sérstök tilefni og hvað er það þá sem þú gerir extra?

„Ég þríf aldrei jafn vel og þegar barn er væntanlegt. Ég fæddi bæði Nóa Hilmar þriggja ára son minn og Bellu Dís heima og fannst mér því virkilega mikilvægt að skapa fæðingar umhverfi sem mér leið vel í sem er hreint heimili. Ofan á það er maður auðvitað að spóla yfir sig í hreiðursgerðinni að þrífa ótrúlegustu staði heimilisins. Væntanleg heimafæðing ásamt hreiðurgerð er sem sagt ávísun á sterílt heimili í gríni.

Fæðingar eru hins vegar ekki „algengar“ í lífi manns en þessi algengari tilefni sem ég þríf extra vel fyrir eru hátíðir og utanlandsferðir, ef ég hef tíma. Mér finnst svo gott að koma heim í hreint heimili eftir frí en þetta „extra touch“ sem heimilið fær fyrir öll ofangreind atriði hafa oftar en ekki verið að skrúbba til dæmis flísarnar inná baði einstaklega vel og ná allri húðfitu úr sturtunni. Ég nota þá Orange Power Cleaner frá Sonett sem leysir fitu mjög vel upp.“

Hvað er það við Sonett vörulínuna sem heillaði þig?

„Númer eitt, tvö og hundrað er að sjálfsögðu það að Sonett vörurnar eru framleiddar úr lífrænum jurta hráefnum sem fylla nútíma staðla á eiturefnalaust umhverfi. Vitundarvakningin um eiturefni í umhverfinu og skaðsemi þess hefur verið gífurlega mikil og hávær en það var fyrsta ástæðan af hverju ég valdi Sonett fyrir heimili mitt.

Í framhaldinu kynnist maður vörunum betur og fer að átta sig á því að hreinsivörur þurfa ekki að vera fullar af eiturefnum til þess að þrífa bæði vel og skilvirkt! Mér finnst skemmtilegt að segja frá því að þvottavélin okkar hefur til dæmis aldrei lyktað jafn vel án þess að fá vonda lykt eftir að við hættum alfarið að nota önnur þvottaefni. Ég held að Sonett og aðrar vörur sem eru lífrænt vottaðar séu framtíðin og yngri kynslóðir muni gapa yfir þeim efnum sem okkar kynslóð ólst upp við.“

Uppáhalds Sonett vörurnar þínar?

Blettaúðinn, enda með tvö leikskólabörn. Sensitive fljótandi þvottaefnið fyrir barnaföt og taubleyjur sömuleiðis en einnig sótthreinsi spreyið sem hægt er að nota á bókstaflega allt. Sú vara sem hefur komið mér skemmtilega á óvart er gallsápan sem vinnur vel í gulum nýbura kúkablettum.“

Lumar þú á einhverju frábæru hreingerningarráð sem þú vilt deila með okkur?

„Eins og vinkona mín og margra barna móðir orðaði það: „Ekki eignast börn,“ sem mér finnst mjög fyndið enda er maður 24/7 að þrífa eftir litla fingur og mikilvægt að velja hreingerningarvörur sem eru bæði þægilegar í notkun, eiturefnalausar og góðar.

En mín hreingerningarráð upp á síðkastið hafa eflaust verið þau að blanda saman gallsápu og ullarsápu til þess að blettahreinsa ull og leyfa sólinni svo að leysa upp rest. Einnig hefur reynst vel að spreyja sótthreinsispreyinu frá Sonett inn í þvottavélina og tromluna annað slagið þegar ekki tími gefst að vinda sér í lengri hreingerningar aðgerðir á þessum stóru og mikið notuðu heimilisvélum.“