Kolbrún Björg Jónsdóttir, aðalvarðstjóri lögreglunnar á Norðurlandi eystra, staðfestir þetta í samtali við Vísi en hún segir að rútan hafi verið á fullri ferð á öðrum tímanum í dag þegar að það kviknaði skyndilega í henni.
Hún segir eldsupptök ekki liggja fyrir að svo stöddu en að það verði rannsakað þegar búið er að tryggja vettvang.
„Það er bara verið að vinna í því að fjarlægja rútuna og hreinsa veginn. Þetta fer vonandi að opnast. Þetta var stór rúta, svipað og strætó. Það voru engir farþegar, sem betur fer.“
Veistu meira um málið? Fréttastofa tekur við ábendingum á netfangið ritstjorn@visir.is. Fullum trúnaði er heitið.
