Nkunku á­fram sjóð­heitur og Chelsea með fullt hús stiga

Chelsea er enn með fullt hús stiga í Sambandsdeild Evrópu eftir 0-2 útisigur á Heidenheim í kvöld.

Fyrir viðureignina höfðu bæði lið unnið fyrstu þrjá leiki sína í keppninni. Eitthvað varð því undan að láta í Heidenheim í kvöld.

Staðan í hálfleik var markalaus en Christopher Nkunku kom Chelsea yfir á 51. mínútu. Frakkinn hefur verið sjóðheitur í Sambandsdeildinni og skorað sjö mörk í henni á tímabilinu.

Mykhailo Mudryk gulltryggði svo sigur Chelsea þegar hann skoraði annað mark liðsins fjórum mínútum fyrir leikslok. Jadon Sancho lagði upp bæði mörk Chelsea.

Lokatölur 0-2, Chelsea í vil. Liðið hefur unnið alla fjóra leiki sína í Sambandsdeildinni með markatölunni 18-3.