Tónlist

Agent Fresco fékk hálfa milljón í styrk

Ýlir – tónlistarsjóður Hörpu fyrir ungt fólk hefur tilkynnt um stuðning við tíu ný tónlistarverkefni sem fara fram í Hörpu á árinu og nemur upphæðin 4,5 milljónum króna.

Hlustaðu á nýja lagið hans Eiríks Fjalars

Tónlistarmaðurinn Eiríkur Fjalar sendir frá sér plötu sem inniheldur öll lögin sem hafa komið út með honum. Hann kallar plötuna "The very best off". Á plötunni er einnig að finna nýja hljóðritun á lagi Eyjólfs Kristjánssonar, Draumur um Nínu, en lagið hefur notið fádæma vinsælda frá því það keppti fyrir Íslands hönd í Eurovision árið 1991. Platan kemur út næsta föstudag 5. apríl og verður fáanleg á tonlist.is sem og í öllum verslunum sem vildu taka við henni. Eiríkur hefur verið karakter á vegum Ladda í um þrjátíu ár en Eiríkur segist vera þreyttur á að vera bara "dreginn fram á tyllidögum og geymdur í kassa þess á milli“. Eiríkur ákvað því að ráðast í gerð þessarar safnplötu, eða ferilsplötu réttara sagt þar sem hún inniheldur allt hans efni, til að mótmæla því að hann og hinir karakterarnir hans Ladda fá ekki að vera með í nýju sýningunni hans Ladda. Umrædd sýning, Laddi lengir lífið, verður frumsýnd í Hörpu á föstudaginn sama dag og platan kemur út. "Ég vona að enginn fari á þessa heimskulegu sýningu hans Ladda, ég veit ekki hvað hann ætlar að gera án okkar. Það hefur engin áhuga á Ladda í eigin persónu. Hann er ekkert án mín!“ segir Eiríkur á facebook síðunni sinni um sýningu skapara síns. Útgefandi plötunnar, Sena, hefur gefið frá sér yfirlýsingu þess efnis að um einstaka útgáfu sé að ræða og að ekki verði um fleiri ný lög frá Eiríki Fjalar á þeirra vegum. Þrátt fyrir að Eiríkur Fjalar kynni að halda því fram að gerður hafi verið útgáfusamningur um fimm plötur á jafnmörgum árum, þá eiga slíkir órar Eiríks sér enga stoð í raunveruleikanum.

Nemur við virtan tónlistarháskóla

Úlfur Hansson mun hefja meistaranám við hinn virta skóla Mills College í ágúst. Hann fær afslátt af skólagjöldunum gegn því að kenna yngri nemendum.

Fulltrúi Metal Hammer dæmir

Sex erlendir blaðamenn frá mörgum af virtustu þungarokkstímaritum heims verða gestir á hljómsveitakeppninni Wacken Metal Battle sem verður haldin í Eldborg í Hörpu á laugardagskvöld.

Jethro Tull kemur í sumar

Breska sveitin Jethro Tull er væntanleg til Íslands í byrjun júní og efnir til þrennra tónleika í heimsókn sinni, þar sem sveitin flytur öll sín þekktustu lög. Tónleikarnir verða í Hofi á Akureyri föstudaginn 7. júní, í Höllinni í Vestmannaeyjum laugardaginn 8. júní og í Eldborgarsal Hörpu í Reykjavík sunnudaginn 9. júní. Íslenskir tónlistarmenn koma jafnframt við sögu á tónleikum Tull í sumar. Jethro Tull kom líka til landsins í fyrra og hélt tvenna tónleika í Eldborgarsal Hörpu í júní.

Fyrsta myndband Sísý Ey loksins frumsýnt

Vísir frumsýnir hér myndbandið við smellinn Ain´t Got Nobody með hljómsveitinni Sísý Ey, sem hefur verið að gera allt vitlaust síðustu vikurnar.

Semja enska texta og safna fyrir nýrri plötu

Hljómsveitin Mammút sér loksins fyrir endann á erfiðu upptökuferli.

Fufanu á Hróarskeldu

Hljómsveitin Captain Fufanu, sem er skipuð Hrafnkatli Flóka Kaktusi Einarssyni og Guðlaugi Halldóri Einarssyni, kemur fram á Hróarskelduhátíðinni í Danmörku í sumar.

Ný hljómplata í september

Næsta plata bandarísku rokksveitarinnar Kings Of Leon er væntanleg í búðir í september.

Góðir dómar og Evróputúr

Sin Fang er á leið í þriggja vikna tónleikaferðalag um Evrópu um miðjan maí næstkomandi.

Reykjavík Music Mess í þriðja sinn

Tónlistarhátðin Reykjavík Music Mess fer fram í þriðja sinn um hvítasunnuhelgina, dagana 24. til 26. maí.

Við höfðum alltaf trú á okkur sko

Hljómsveitin Vök úr Hafnarfirði stóð uppi sem sigurvegari í Músíktilraunum en úrslitakvöldið fór fram í Silfurbergi í Hörpu laugardagskvöldið 23.mars. Hér er myndband sem sýnir stemninguna og nokkur viðtöl sem Davíð Luther tók meðal annars við Óla Palla og meðlimi Vök sem sögðu: "Við erum mjög hógvær að eðlisfari en við höfðum alltaf trú á okkur sko...".

Spila á tónlistarhátíðum í Genf og Vilnius

Feðgarnir í Stereo Hypnosis og tónskáldið Þorkell Atlason leggja land undir fót um páskana.

Sónar-hátíðin haldin aftur að ári

„Við erum ánægðir með að hátíðin fari fram aftur,“ segir Björn Steinbekk, skipuleggjandi tónlistarhátíðarinnar Sónar Reykjavík.

Sálin og Ásgeir Trausti á Þjóðhátíð

Milljón plötur vestanhafs

Fyrsta plata Justins Timberlake í sjö ár, The 20/20 Experience, fór beint í toppsætið í Bretlandi og velti þar með nýjustu plötu Davids Bowie úr sessi. Á sama tíma missti popparinn efsta sætið á smáskífulistanum því lagið hans Mirrors lenti neðar en What About Us með The Saturdays.

Tónleikaferð um heiminn

Bítillinn fyrrverandi Paul McCartney hefur tilkynnt um tónleikaferð um heiminn sem ber yfirskriftina Out There!. Fyrstu tónleikarnir verða í Varsjá í Póllandi 22. júní en þar hefur hann aldrei spilað áður.

Fáar stelpur í sigurhljómsveitum Músíktilrauna

Dúettinn Vök vann Músíktilraunir um helgina. Vök, sem spilar melódíska raftónlist, er skipuð söngkonunni og gítarleikaranum Margréti Rán Magnúsdóttur og saxófónleikaranum, tölvumanninum og bakraddasöngvaranum Andra Má Enokssyni.

Lærði jóðl á Youtube

Hrefna Björg Gylfadóttir sló í gegn með jóðli sínu í úrslitum Gettu betur.

Evróvisjón sungið sitt síðasta

"Orðið Evróvisjón hefur verið notað alllengi og það má eiginlega segja að það hafi verið tilraun sem ekki gekk upp,“ segir Anna Sigríður Þráinsdóttir, málfarsráðunautur RÚV.

Syngja bæði á hebresku og úkraínsku

Friðrik Ómar, Regína Ósk og Selma Björns eru í stífri framburðarkennslu fyrir tónleikaröð.

Partíþokan í síðasta sinn

Partíþokan hófst á Akureyri í október 2011, og teygði sig til Ísafjarðar, og þaðan til Seyðisfjarðar. Hún er komin hringinn og ætlar að leggja árar í bát.

Léttleikandi rokkarar með glænýja plötu

Hljómsveitin The Strokes gefur í næstu viku út sína fimmtu hljóðversplötu.

Gréta Karen vinsæl á YouTube

Hefur fengið um 65 þúsund áhorf á vefsíðunni Youtube á aðeins tveimur vikum.

Svala og Einar gera tónlistarmyndband

Svala Björgvins sem búsett er í Los Angeles var ráðin ásamt kærasta sínum, Einari, til Universal Music og AMVI Australia til að gera tónlistarmyndbandið fyrir áströlsku poppstjörnuna Havana Brown við lagið "Big Banana" sem er hennar nýjasta smáskífa. Svala segir þau ekki hafa sofið mikið þessa tvo daga sem myndbandið var tekið upp. "Einar leikstýrði myndbandinu á sinn snilldarhátt eins og hann er vanur að gera og klippti myndbandið líka. Ég og Einar skrifuðum handritið saman og sáum um art direction sameiginlega. Ég sá um allt styling fyrir Havana Brown og klæddi alla leikarana sem voru 10 talsins í myndbandinu," segir Svala. "Svo sá ég um allai förðun og hár og notaði mitt bjútí team sem er 8 manns sem sáu um alla förðun og hár á Havana Brown og leikurum. Einar var með 8 manna tökulið sem sá um að skjóta myndbandið og lýsa það og svo framvegis. Eddi, yngrii bróðir Einars og okkar hljómsveitarmeðlimur í Steed Lord lék flott hlutverk í myndbandinu sem ríkur sonur fólksins sem er að halda partíið í myndbandinu. "Þetta var meiriháttar gaman og mikið stress og læti en allir unnu svo vel saman. Þetta var algjörlega frábært í alla staði," segir Svala. Hér má sjá útkomuna:

Einbeita sér að hipphoppi og raftónlist

Útvarpsstöðin Flass færir út kvíarnar og opna tvær nýjar útvarpsstöðvar.

Unglingarnir fá líka að njóta stóru atriðanna

Bretarnir í Rudimental eru nýjasta viðbótin við sístækkandi dagskrá Keflavík Music Festival.

Dave Grohl elskar Gangnam Style

Söngvarinn síkáti hélt ræðu á SXSW-hátíðinni í dag.

Tónleikarnir hluti af háskólanáminu

Marsibil, Bergþóra og Jóhann Páll skipuleggja tónleika til styrktar Geðhjálp á Kexi hosteli annað kvöld.

Ekki týpískur blús frá Helga

Valdimar, Sigríður Thorlacius og KK syngja á fjórðu sólóplötu Helga Júlíusar.