Box

Afþakkaði fund með Naomi Campbell

Breska hnefaleikaundrið Amir Khan vakti athygli í heimalandi sínu á dögunum þegar hann afþakkaði tækifæri til að hitta ofurfyrirsætuna Naomi Campbell. Khan er nú að undirbúa sig fyrir erfiðasta bardaga sinn á ferlinum til þessa og afþakkaði því að sitja fyrir á síðum Vogue til að einbeita sér að þjálfuninni.

Sport 14.9.2007 10:16

Klitschko frestar endurkomunni

Fyrrum WBC meistarinn Vitali Klitschko hefur neyðst til að fresta endurkomu sinni inn í hnefaleikahringinn vegna meiðsla. Hinn 36 ára gamli Úkraínumaður hafði ætlað að berjast við Bandaríkjamanninn Jameel McCline þann 22. þessa mánaðar í Munchen, en bakmeiðsli gera það að verkum að ekkert verður úr bardaganum. Vitali er eldri bróðir IBF meistarans Vladimir Klitschko.

Sport 10.9.2007 13:51

Klitschko náði fram hefndum

Úkraínumaðurinn Wladimir Klitschko náði í gærkvöld fram hefndum gegn Bandaríkjamanninum Lamon Brewster þegar þeir áttust við öðru sinni á þremur árum. Klitschko varði þarna IBF titil sinn í þungavigt og hefndi fyrir óvænt tap fyrir Bandaríkjamanninum árið 2004. Dómarinn stöðvaði bardagann í upphafi sjöundu lotu eftir að frábær flétta frá Klitschko vankaði Brewster.

Sport 8.7.2007 12:22

Mayweather boðnar 630 milljónir fyrir að mæta Hatton

Umboðsmaður breska hnefaleikarans Ricky Hatton hefur boðist til að greiða Floyd Mayweather 630 milljónir króna fyrir að taka hanskana fram á ný og berjast við Hatton. Mayweather hefur látið í það skína að hann sé tilbúinn að berjast við Hatton, en það verður þá ekki ókeypis frekar en annað þegar stærstu nöfnin í hnefaleikunum eru annars vegar.

Sport 28.6.2007 16:54

Hatton rotaði Castillo í fjórðu lotu

Englendingurinn Ricky Hatton olli 10,000 stuðningsmönnum sínum ekki vonbrigðum í nótt þegar hann sigraði Jose Luis Castillo með yfirburðum í Las Vegas í nótt. Fyrirfram var búist við jöfnum bardaga en hann var eign Hatton frá upphafi til enda. Hatton var ákaft fagnað af fjölda Englendinga sem fylgdu honum yfir hafið og þar á meðal voru kappar eins og Wayne Rooney, Robbie Williams og Vinnie Jones.

Sport 24.6.2007 11:53

10.000 stuðningsmenn fylgja Hatton til Las Vegas

Ricky Hatton mun fá góðan stuðning í nótt þegar hann mætir Jose Luis Castillo í einum af bardögum ársins í hnefaleikaheiminum. Búist er við að um 10 þúsund manns muni fylgja Englendingnum yfir Atlantshafið og þar á meðal verður knattspyrnumaðurinn Wayne Rooney. Bardaginn í Las Vegas verður sýndur beint á Sýn í nótt.

Sport 23.6.2007 14:22

Hatton vill bara stóra andstæðinga framvegis

Breski hnefaleikarinn Ricky Hatton segist aðeins vilja berjast við "stóra" andstæðinga framvegis á ferli sínum, en hann mætir einum slíkum í Jose Luis Castillo í Las Vegas aðfararnótt sunnudagsins. Bardaginn verður sýndur beint á Sýn.

Sport 20.6.2007 13:20

Toney í bann vegna steraneyslu

Þrefaldi heimsmeistarinn James Toney hefur verið dæmdur í eins árs keppnisbann frá hnefaleikum eftir að hafa í annað skipti á ferlinum fallið á lyfjaprófi vegna steraneyslu. Toney féll á lyfjaprófinu í maí eftir að hann sigraði Danny Bathelder í bardaga, en sá féll reyndar einnig á lyfjaprófi sem tekið var fyrir bardagann. Toney er 38 ára gamall og hefur verið atvinnumaður í nær tvo áratugi.

Sport 14.6.2007 02:18

Castillo: Hatton hefur aldrei mætt manni eins og mér

Jose Luis Castillo gefur lítið fyrir flekklausan árangur andstæðings síns Ricky Hatton fyrir bardaga þeirra í Las Vegas þann 23. júní næstkomandi. Hatton hefur unnið alla 42 bardaga sína á ferlinum en Castillo vill meina að margir þeirra hafi komið gegn lélegum andstæðingum.

Sport 11.6.2007 16:57

Cotto rotaði Judah í elleftu lotu

Miguel Cotto varði í nótt WBA titil sinn í millivigt hnefaleika þegar hann rotaði andstæðing sinn Zab Judah í 11. lotu bardaga þeirra í Madison Square Garden í New York. Judah náði sér aldrei á strik eftir að hafa fengið skurð snemma í bardaganum. Cotto náði honum niður á hné í níundu lotu og kláraði dæmið með góðum vinstri krók í þeirri elleftu. Bardaginn var stöðvaður skömmu síðar.

Sport 10.6.2007 15:25

Zab Judah mætir í hringinn á ný í kvöld

Villingurinn Zab Judah stígur í kvöld inn í hnefaleikahringinn í fyrsta skipti í meira en ár eftir keppnisbann þegar hann tekur á móti Miguel Cotto í bardaga um WBA beltið í veltivigt. Bardaginn verður sýndur beint á Sýn. Judah stormaði inn á sjónvarsviðið um aldamótin og var ósigrandi, en skapsmunir hans og óútreiknanleg hegðun hans hafa gert honum erfitt fyrir allar götur síðan.

Sport 9.6.2007 15:30

De la Hoya - Mayweather rakaði inn 7,6 milljarða

Bardagi þeirra Oscar de la Hoya og Floyd Mayweather á dögunum stóð undir væntingum þegar litið er á fjármálahliðina en nú hefur verið staðfest að bardaginn rakaði 7,6 milljörðum króna í kassann og er því dýrasti bardagi allra tíma.

Sport 10.5.2007 16:26

Diego Corrales lést í bifhjólaslysi

Bandaríski hnefaleikakappinn Diego Corrales lét lífið í bifhjólaslysi í Las Vegas í gærkvöldi. Hann var 29 ára gamall og varð á ferlinum heimsmeistari í tveimur þyngdarflokkum hnefaleika. Dauðsfall hans kemur tveimur árum eftir frægasta bardaga hans þegar hann sigraði Luis Castillo þrátt fyrir að hafa tvisvar verið laminn í gólfið.

Sport 8.5.2007 15:14

Mayweather vann nauman sigur á De la Hoya

Floyd Mayweather stóð við stóru orðin í nótt þegar hann sigraði Oscar de la Hoya naumlega á stigum í bardaga þeirra um WBC titilinn í léttmillivigt. Ekkert varð þó úr barsmíðunum sem Mayweather var búinn að lofa, því De la Hoya barðist hetjulega og veitti andstæðingi sínum góða keppni.

Sport 6.5.2007 05:11

Mayweather - De la Hoya í beinni í nótt

Bardagi ársins í hnefaleikaheiminum verður í Las Vegas í nótt þar sem hinn ósigraði og yfirlýsingaglaði Floyd Mayweather tekur á móti gulldrengnum Oscar de la Hoya. Sjónvarpsstöðin Sýn sýnir bardagann beint og hefst útsending klukkan eitt í nótt.

Sport 5.5.2007 17:50

Dýrasti boxbardagi sögunnar á laugardaginn

Hnefaleikaheimurinn bíður nú spenntur eftir bardaga ársins á laugardaginn þegar Oscar de la Hoya tekur á móti hinum ósigraða Floyd Mayweather í Las Vegas. Þetta verður dýrasti boxbardagi sögunnar og þegar er búið að selja aðgöngumiða fyrir 1,2 milljarða króna á MGM Grand. Miðar á bardagann ganga nú kaupum og sölum fyrir allt að 1,3 milljónir króna.

Sport 2.5.2007 17:10

Davíð lagði Golíat - Valuev tapaði

Rússneska tröllið Nikolai Valuev tapaði fyrsta bardaga sínum á ferlinum í nótt þegar hann tapaði fyrir Ruslan Chagaev frá Úsbekistan á stigum í bardaga þeirra um WBA beltið í þungavigt. Valuev var ósigraður í 46 bardögum. Hinn hugaði andstæðingur hans lét sig ekki muna um að vera feti lægri og 40 kílóum léttari og vann verðskuldaðan sigur.

Sport 15.4.2007 01:23

Ófreskjan mætir Hvíta-Tyson á Sýn í kvöld

Það verður sannkallaður þungavigtarbardagi á dagskrá Sýnar í kvöld þegar rússneska tröllið Nikolai Valuev tekur á móti Ruslan Chagaev frá Úsbekistan í Stuttgart í Þýskalandi. Valuev er handhafi WBA beltisins og hefur ekki tapað í 46 bardögum. Bein útsending Sýnar hefst klukkan 21:55. Chagaev hefur notað óhefðbundnar aðferðir við æfingar til að búa sig undir að mæta tröllinu.

Sport 14.4.2007 18:55

Þetta var mexíkóskur bardagi

Juan Manuel Marquez vann í nótt sigur á fyrrum heimsmeistaranum Marco Antonio Barrera í einvígi þessara mögnuðu mexíkósku hnefaleikara í Las Vegas. Marquez er því handhafi WBC titilsins í fjaðurvigt, en var sigur hans á stigum nokkuð umdeildur þar sem nokkur vafaatriði settu svip sinn á bardagann.

Sport 18.3.2007 18:36

Klitschko fór létt með Austin

Úkraínski hnefaleikakappinn Vladimir Klitschko varði IBF-heimsmeistaratitil sinn í þungavigt í nótt með því að sigra Bandaríkjamanninn Ray Austin í bardaga þeirra í Þýskalandi. Austin reyndist Klitschko auðveld bráð og var bardaginn stöðvaður strax í annari lotu.

Sport 11.3.2007 10:24

Það eru örlög mín að verða óumdeildur meistari

Gamla brýnið Evander Holyfield segir það vera örlög sín að verða óumdeildur heimsmeistari í þungavigt hnefaleika áður en hann leggur hanskana endanlega á hilluna. Holyfield er 44 ára gamall og tók hanskana af hillunni á síðasta ári. Þá vann hann tvo bardaga og sá þriðji er á dagskránni í Texas þann 17. mars.

Sport 28.2.2007 16:23

Lewis mun ekki stíga aftur í hringinn

Lennox Lewis, fyrrum heimsmeistari í hnefaleikum, hefur útilokað endurkomu í hringinn á þessu ári, en sögusagnir þess efnis fóru eins og eldur um sinu í hnefaleikaheiminum í gær. Þungavigtarkappinn fyrrverandi, sem er orðinn 41 árs að aldri, segist aldrei hafa gengið á bak orða sinna – og því ætli hann ekki að byrja á nú.

Sport 26.2.2007 12:58

Lennox Lewis hyggur á endurkomu í hringinn

Hnefaleikakappinn Lennox Lewis, fyrrum heimsmeistari í þungavigt, er sagður vera að hugsa um að snúa aftur í hringinn á þessu ári, 41 árs að aldri. Aðilar innan hnefaleikahreyfingarinnar í Bandaríkjunum segja Lennox vera byrjaðan að æfa af fullum krafti fyrir bardaga sem fara skal fram síðar á þessu ári – gegn Vitali Klitschko frá Úkraínu.

Sport 24.2.2007 12:58

Castillo næsti andstæðingur Hattons

Breski hnefaleikarinn Ricky Hatton fær erfiðan andstæðing næst þegar hann stígur inn í hringinn, en í dag var staðfest að hann mæti fyrrum heimsmeistaranum Jose Luis Castillo í Las Vegas þann 23. júní í sumar. Bardaginn verður í Thomas and Mack Center, höllinni sem hýsti stjörnuleikinn í NBA í nótt og tekur 17.000 manns í sæti.

Sport 19.2.2007 18:32

Rotaði andstæðinginn á 55 sekúndum

Breski hnefaleikarinn Amir Khan heldur áfram að klífa metorðastigann í boxinu en í gærkvöld rotaði hann Mohammed Medjadi á aðeins 55 sekúndum í viðureign þeirra á Wembley. Þetta var ellefti sigur hins tvítuga Khan í ellefu bardögum og er mál manna að styttist í að þetta mikla efni fari nú að berjast um alvöru titla.

Sport 18.2.2007 15:08

Collazo átti ekki möguleika í Mosley

Bandaríkjmaðurinn Shane Mosley tryggði vann öruggan sigur á landa sínum Luis Collazo þegar kapparnir mættust í hringnum í Las Vegas í nótt. Hinn 35 ára gamli Moseley sem er þrefaldur heimsmeistari var mun sneggri og höggfastari þó hann sé 10 árum eldri en Collazo.

Sport 11.2.2007 18:49

Mayweather: Hatton er fitubolla

Bandaríski hnefaleikarinn Floyd Mayweather hefur ekki í hyggju að mæta Bretanum Ricky Hatton í hringnum áður en hann leggur hanskana á hilluna og segir Hatton ekkert annað en pappakassa með bjórvömb sem sé nógu góður til að pússa skóna sína og slá hjá sér grasið.

Sport 5.2.2007 17:24

Klitschko snýr aftur

Úkraínski hnefaleikarinn Vitali Klitschko hefur ákveðið að taka hanskana fram að nýju og stefnir á að mæta Rússanum Oleg Maskaev þann 21. apríl nk. Klitschko lagði hanskana á hilluna árið 2005 en segist vilja snúa aftur til að uppfylla æskudraum sinn.

Sport 24.1.2007 23:03

Tyson lýsir yfir sakleysi sínu

Hnefaleikarinn Mike Tyson lýsti yfir sakleysi sínu í gær þegar hann kom fyrir dómara í Arizona í Bandaríkjunum, en hann er ákærður fyrir fíkniefnavörslu og að hafa ekið undir áhrifum þann 29. desember sl.

Sport 23.1.2007 13:54

Glæsilegur sigur Ricky Hatton

Breski hnefaleikarinn Ricky Hatton stimplaði sig endanlega inn í hjörtu Bandaríkjamanna í nótt þegar hann vann sannfærandi sigur á Kólumbíumanninum Juan Urango á stigum og endurheimti IBF beltið í léttveltivigt. Talið er víst að Hatton muni næst mæta Jose Luis Castillo sem vann sinn bardaga í Las Vegas í nótt.

Sport 21.1.2007 15:24