Helstu seðlabankar koma til bjargar 1. desember 2011 05:00 Mario Monti og Mario Draghi Forsætisráðherra Ítalíu, sem jafnframt er fjármálaráðherra landsins, ræðir við bankastjóra Seðlabanka Evrópusambandsins á fundi fjármálaráðherra Evrópusambandsríkjanna í Brussel í gær.fréttablaðið/AP Seðlabankar Bandaríkjanna, Evrópusambandsins, Englands, Kanada, Japans og Sviss hafa tekið höndum saman til að auðvelda bönkum að útvega sér fé í kreppunni miklu, sem allt stefndi í að myndi kæfa fjármálakerfi heimsins að stórum hluta. Seðlabankarnir hafa meðal annars lækkað vexti á neyðarlánum í dollurum, sem bankar geta notað til að lána áfram til fyrirtækja eða einstaklinga. Þessi neyðarlán verða nú í boði til febrúar 2013 í stað ágúst 2012. Verðbréfamarkaðir tóku myndarlega við sér í kjölfarið og hækkuðu vísitölur víðast hvar um þrjú til fjögur prósent. Ótti við hugsanlegt hrun evrunnar hefur valdið því, að bankar í Evrópulöndum eiga erfitt með að útvega sér fé frá öðrum bönkum til daglegra viðskipta. Bankar hika við að lána hverjir öðrum af ótta við að fá lánin ekki endurgreidd. Innspýtingin frá seðlabönkunum sex leysir þetta vandamál í bili. Þetta gerðist sama daginn og ljóst varð að fjármálaráðherrum Evrópusambandsins tókst ekki að tryggja neyðarsjóði evrusvæðisins næga fjármuni til að hjálpa skuldugustu evruríkjunum í gegnum kreppuna. Evruríkin ákváðu fyrr í vetur að efla neyðarsjóðinn með því að gera honum kleift að útvega sér fé með öðrum hætti en beinum framlögum frá evruríkjunum. Til stóð að ljúka nánari útfærslu þess á fundi fjármálaráðherranna í Brussel nú í vikunni, en það verkefni bíður nú næsta leiðtogafundar Evrópusambandsins, sem haldinn verður í næstu viku. Svo virðist sem útfærslan hafi ekki síst strandað á því að Kína og fleiri ríki hafi ekki haft áhuga á að fjárfesta nógu mikið í skuldabréfum, sem neyðarsjóður evruríkjanna gæti gefið út, þannig að sjóðurinn myndi ekki fá nægilega mikið fé til umráða. Þess í stað eru nú komnar upp hugmyndir um að fá Alþjóðagjaldeyrissjóðinn til liðs við neyðarsjóðinn og útvega viðbótarfé til hans. Jafnframt þessu bíða leiðtogafundarins þær frekari aðgerðir til bjargar evrunni, sem óhjákvæmilegt þykir að ráðast í. Meðal annars hafa verið nefndar hugmyndir um að sterkustu evruríkin myndi með sér nýtt bandalag kjarnaríkja evrusvæðisins, sem fælist í miklu nánara samstarfi í fjármálum en til þessa hefur náðst sátt um. Harðar deilur hafa verið milli evruríkjanna um þessar hugmyndir, sem og um aðrar hugsanlegar lausnir á vandanum. [email protected] Fréttir Mest lesið Kannast ekki við hafa tekið lán að nóttu til en þarf að borga Neytendur Kaupa fyrir 234 milljónir og eiga rúman þriðjung Viðskipti innlent Trump hótar Kínverjum 50 prósenta viðbótartolli Viðskipti erlent Tvö apótek sögðu pass við verðlagseftirlitið Neytendur Áframhaldandi hrun í Kauphöllinni Viðskipti innlent Opus Futura kerfið: Sjálfvirk pörun orðin að veruleika í atvinnuleit og ráðningum Atvinnulíf Fátt rökrétt við lækkanirnar Viðskipti innlent Enn meiri lækkanir í Asíu við opnun markaða Viðskipti erlent Rangt að plástrarnir geti læknað sjúkleika eða röskun á líffærastarfsemi Neytendur Áfram lækkanir við opnun markaða í Evrópu Viðskipti erlent Fleiri fréttir Trump hótar Kínverjum 50 prósenta viðbótartolli Áfram lækkanir við opnun markaða í Evrópu Enn meiri lækkanir í Asíu við opnun markaða Jaguar Land Rover stöðvar sendingar vegna tollahækkana Leiðtogar ESB íhuga háa sekt á X og Musk Verðfall á Wall Street Talaði gegn eigin ráðgjöfum um tollana Lækkanir í Asíu halda áfram Bezos sagður hafa boðið í Tiktok Vaktin: Tollar Trump valda usla Tæknirisarnir sjö fengu skell þegar markaðir opnuðu Ísland ekki á spjaldi Trumps en fær samt tíu prósenta toll Trump boðar „frelsun“ Bandaríkjanna Íhuga hærri tolla á alla Facebook hættu að beina auglýsingum að konu eftir að hún lögsótti Meta Boeing fær að smíða orrustuþotur framtíðarinnar Hótar himinháum áfengistollum á Evrópu Svara tollum Trumps: „Við munum ekki standa aðgerðarlausir hjá“ „Alvarlegt viðskiptastríð“ hafið Northvolt í þrot Vill refsa Kanada svo lesið verði um það í sögubókum Óvænt verkföll á flugvöllum í Þýskalandi hafa víðtæk áhrif Markaðir bregðast illa við tollahækkunum Trump Skype heyrir brátt sögunni til Sjá meira
Seðlabankar Bandaríkjanna, Evrópusambandsins, Englands, Kanada, Japans og Sviss hafa tekið höndum saman til að auðvelda bönkum að útvega sér fé í kreppunni miklu, sem allt stefndi í að myndi kæfa fjármálakerfi heimsins að stórum hluta. Seðlabankarnir hafa meðal annars lækkað vexti á neyðarlánum í dollurum, sem bankar geta notað til að lána áfram til fyrirtækja eða einstaklinga. Þessi neyðarlán verða nú í boði til febrúar 2013 í stað ágúst 2012. Verðbréfamarkaðir tóku myndarlega við sér í kjölfarið og hækkuðu vísitölur víðast hvar um þrjú til fjögur prósent. Ótti við hugsanlegt hrun evrunnar hefur valdið því, að bankar í Evrópulöndum eiga erfitt með að útvega sér fé frá öðrum bönkum til daglegra viðskipta. Bankar hika við að lána hverjir öðrum af ótta við að fá lánin ekki endurgreidd. Innspýtingin frá seðlabönkunum sex leysir þetta vandamál í bili. Þetta gerðist sama daginn og ljóst varð að fjármálaráðherrum Evrópusambandsins tókst ekki að tryggja neyðarsjóði evrusvæðisins næga fjármuni til að hjálpa skuldugustu evruríkjunum í gegnum kreppuna. Evruríkin ákváðu fyrr í vetur að efla neyðarsjóðinn með því að gera honum kleift að útvega sér fé með öðrum hætti en beinum framlögum frá evruríkjunum. Til stóð að ljúka nánari útfærslu þess á fundi fjármálaráðherranna í Brussel nú í vikunni, en það verkefni bíður nú næsta leiðtogafundar Evrópusambandsins, sem haldinn verður í næstu viku. Svo virðist sem útfærslan hafi ekki síst strandað á því að Kína og fleiri ríki hafi ekki haft áhuga á að fjárfesta nógu mikið í skuldabréfum, sem neyðarsjóður evruríkjanna gæti gefið út, þannig að sjóðurinn myndi ekki fá nægilega mikið fé til umráða. Þess í stað eru nú komnar upp hugmyndir um að fá Alþjóðagjaldeyrissjóðinn til liðs við neyðarsjóðinn og útvega viðbótarfé til hans. Jafnframt þessu bíða leiðtogafundarins þær frekari aðgerðir til bjargar evrunni, sem óhjákvæmilegt þykir að ráðast í. Meðal annars hafa verið nefndar hugmyndir um að sterkustu evruríkin myndi með sér nýtt bandalag kjarnaríkja evrusvæðisins, sem fælist í miklu nánara samstarfi í fjármálum en til þessa hefur náðst sátt um. Harðar deilur hafa verið milli evruríkjanna um þessar hugmyndir, sem og um aðrar hugsanlegar lausnir á vandanum. [email protected]
Fréttir Mest lesið Kannast ekki við hafa tekið lán að nóttu til en þarf að borga Neytendur Kaupa fyrir 234 milljónir og eiga rúman þriðjung Viðskipti innlent Trump hótar Kínverjum 50 prósenta viðbótartolli Viðskipti erlent Tvö apótek sögðu pass við verðlagseftirlitið Neytendur Áframhaldandi hrun í Kauphöllinni Viðskipti innlent Opus Futura kerfið: Sjálfvirk pörun orðin að veruleika í atvinnuleit og ráðningum Atvinnulíf Fátt rökrétt við lækkanirnar Viðskipti innlent Enn meiri lækkanir í Asíu við opnun markaða Viðskipti erlent Rangt að plástrarnir geti læknað sjúkleika eða röskun á líffærastarfsemi Neytendur Áfram lækkanir við opnun markaða í Evrópu Viðskipti erlent Fleiri fréttir Trump hótar Kínverjum 50 prósenta viðbótartolli Áfram lækkanir við opnun markaða í Evrópu Enn meiri lækkanir í Asíu við opnun markaða Jaguar Land Rover stöðvar sendingar vegna tollahækkana Leiðtogar ESB íhuga háa sekt á X og Musk Verðfall á Wall Street Talaði gegn eigin ráðgjöfum um tollana Lækkanir í Asíu halda áfram Bezos sagður hafa boðið í Tiktok Vaktin: Tollar Trump valda usla Tæknirisarnir sjö fengu skell þegar markaðir opnuðu Ísland ekki á spjaldi Trumps en fær samt tíu prósenta toll Trump boðar „frelsun“ Bandaríkjanna Íhuga hærri tolla á alla Facebook hættu að beina auglýsingum að konu eftir að hún lögsótti Meta Boeing fær að smíða orrustuþotur framtíðarinnar Hótar himinháum áfengistollum á Evrópu Svara tollum Trumps: „Við munum ekki standa aðgerðarlausir hjá“ „Alvarlegt viðskiptastríð“ hafið Northvolt í þrot Vill refsa Kanada svo lesið verði um það í sögubókum Óvænt verkföll á flugvöllum í Þýskalandi hafa víðtæk áhrif Markaðir bregðast illa við tollahækkunum Trump Skype heyrir brátt sögunni til Sjá meira