Jet Korine kveður Skólavörðustíginn 5. desember 2012 07:00 Jette Corinne Jonkers stækkar við sig og opnar nýja verslun við Laugaveg í desember. „Núverandi húsnæði er orðið of lítið. Það hefur verið gaman að sjá fyrirtækið dafna á heilbrigðan hátt síðustu þrjú árin og nú verðum við að flytja í eitthvað stærra og hentugra. Þá getum við loks boðið viðskiptavinunum upp á almennilega mátunaraðstöðu,“ útskýrir fatahönnuðurinn Jette Corinne Jonkers. Verslun hennar flytur í stærra húsnæði við Laugaveg 37 á næstu dögum. Nýja búðin fær nafnið Gloria og þar mun Jette áfram selja eigin hönnun auk fatnaðar frá tískumerkjunum Humanoid, THVM og Base Range, sem framleiðir nærfatnað úr bambus. Jette hannar undir nafninu Jet Korine og eru flíkurnar allar unnar úr náttúrulegum efnum. Hönnun sinni lýsir hún sem praktískri og heilbrigðri. „Ég tók þá ákvörðun fyrir nokkru að ég vildi aðeins vinna með náttúruleg efni því ég vildi ekki setja nafnið mitt á neitt sem stæði ekki undir væntingum. Hvað hönnunina varðar þá er hún svolítið hollensk eins og ég. Hollendingar eru praktískt fólk sem kann vel að meta hversdagslegan fatnað. Ég vil að kúnnarnir geti byggt upp heilbrigðan fataskáp sem inniheldur flíkur sem gera mann flottan á hverjum degi, ekki bara um helgar. Þar liggur minn helsti styrkur.“ Jette er fædd og uppalin í sveit Hollandi en flutti síðar til Amsterdam. Hún hlaut íslenskan ríkisborgararétt fyrir nokkrum árum og kveðst sátt á Íslandi, enda þykir sveitastúlkunni gott að búa í svo mikilli nálægð við náttúruna. „Flestar stórborgir eru fullar af menningu en þaðan er langt að sækja náttúruna. Í Reykjavík fær maður bæði menningu og náttúru. Íslenskt hugarfar hefur líka gert mér gott því ég er mjög varkár að eðlisfari og tek sjaldan áhættu. Íslendingar eru yfirleitt tilbúnir til að prófa nýja hluti og það hefur ýtt mér af stað með ýmis verkefni og gefið mér aukið sjálfstraust,“ segir hún. [email protected] Mest lesið Stjörnulífið: Skvísupartý, konudagurinn og Söngvakeppnin Lífið Svona skiptust atkvæðin í Söngvakeppninni í heild sinni Lífið Segir galið að vara við kjöti en ekki sælgæti Lífið Setja markið á 29. sætið Lífið Gurrý selur slotið Lífið Vinur Patriks kom upp um hann Lífið Einar og Milla eiga von á barni Lífið Allskonar trix til að spara mikla fjármuni Lífið Minnast Árna Grétars á maraþon-minningartónleikum Lífið Ekkert gefið eftir í elegansinum Tíska og hönnun Fleiri fréttir Ekkert gefið eftir í elegansinum Elín Hall í Vogue „Ég hef alltaf þorað að vera ég sjálfur“ Helen Óttars í alþjóðlegri nærfataauglýsingu Kvenmannsbuxur sem áttu að fara til Chalamet Súrrealískt að ganga tískupallinn á Times Square Þýðingarmikill klæðnaður Kendrick Lamar Rokkaði tíu milljón króna hálsmen Gaman að sjá íslenska hönnun skína í dönsku tískusenunni Tískan við þingsetningu: Snjórinn stoppaði ekki flottheitin Halla forseti rokkar svart og hvítt Best klæddu, flippuðustu og fáklæddustu á Grammy Kaflaskil í tískunni þegar hann var tíu ára Steldu meðgöngustílnum af Tönju Ýr Patrik í hálfrar milljón króna skíðagalla Skemmtilegast klæddu á Golden Globe Halla í peysufötum langömmu sinnar Sjá meira
„Núverandi húsnæði er orðið of lítið. Það hefur verið gaman að sjá fyrirtækið dafna á heilbrigðan hátt síðustu þrjú árin og nú verðum við að flytja í eitthvað stærra og hentugra. Þá getum við loks boðið viðskiptavinunum upp á almennilega mátunaraðstöðu,“ útskýrir fatahönnuðurinn Jette Corinne Jonkers. Verslun hennar flytur í stærra húsnæði við Laugaveg 37 á næstu dögum. Nýja búðin fær nafnið Gloria og þar mun Jette áfram selja eigin hönnun auk fatnaðar frá tískumerkjunum Humanoid, THVM og Base Range, sem framleiðir nærfatnað úr bambus. Jette hannar undir nafninu Jet Korine og eru flíkurnar allar unnar úr náttúrulegum efnum. Hönnun sinni lýsir hún sem praktískri og heilbrigðri. „Ég tók þá ákvörðun fyrir nokkru að ég vildi aðeins vinna með náttúruleg efni því ég vildi ekki setja nafnið mitt á neitt sem stæði ekki undir væntingum. Hvað hönnunina varðar þá er hún svolítið hollensk eins og ég. Hollendingar eru praktískt fólk sem kann vel að meta hversdagslegan fatnað. Ég vil að kúnnarnir geti byggt upp heilbrigðan fataskáp sem inniheldur flíkur sem gera mann flottan á hverjum degi, ekki bara um helgar. Þar liggur minn helsti styrkur.“ Jette er fædd og uppalin í sveit Hollandi en flutti síðar til Amsterdam. Hún hlaut íslenskan ríkisborgararétt fyrir nokkrum árum og kveðst sátt á Íslandi, enda þykir sveitastúlkunni gott að búa í svo mikilli nálægð við náttúruna. „Flestar stórborgir eru fullar af menningu en þaðan er langt að sækja náttúruna. Í Reykjavík fær maður bæði menningu og náttúru. Íslenskt hugarfar hefur líka gert mér gott því ég er mjög varkár að eðlisfari og tek sjaldan áhættu. Íslendingar eru yfirleitt tilbúnir til að prófa nýja hluti og það hefur ýtt mér af stað með ýmis verkefni og gefið mér aukið sjálfstraust,“ segir hún. [email protected]
Mest lesið Stjörnulífið: Skvísupartý, konudagurinn og Söngvakeppnin Lífið Svona skiptust atkvæðin í Söngvakeppninni í heild sinni Lífið Segir galið að vara við kjöti en ekki sælgæti Lífið Setja markið á 29. sætið Lífið Gurrý selur slotið Lífið Vinur Patriks kom upp um hann Lífið Einar og Milla eiga von á barni Lífið Allskonar trix til að spara mikla fjármuni Lífið Minnast Árna Grétars á maraþon-minningartónleikum Lífið Ekkert gefið eftir í elegansinum Tíska og hönnun Fleiri fréttir Ekkert gefið eftir í elegansinum Elín Hall í Vogue „Ég hef alltaf þorað að vera ég sjálfur“ Helen Óttars í alþjóðlegri nærfataauglýsingu Kvenmannsbuxur sem áttu að fara til Chalamet Súrrealískt að ganga tískupallinn á Times Square Þýðingarmikill klæðnaður Kendrick Lamar Rokkaði tíu milljón króna hálsmen Gaman að sjá íslenska hönnun skína í dönsku tískusenunni Tískan við þingsetningu: Snjórinn stoppaði ekki flottheitin Halla forseti rokkar svart og hvítt Best klæddu, flippuðustu og fáklæddustu á Grammy Kaflaskil í tískunni þegar hann var tíu ára Steldu meðgöngustílnum af Tönju Ýr Patrik í hálfrar milljón króna skíðagalla Skemmtilegast klæddu á Golden Globe Halla í peysufötum langömmu sinnar Sjá meira