Þetta var tvöfaldur þýskur sigur því landi hennar, Tatjana Hüfner, varð í öðru sæti og hin bandaríska Erin Hamlin tók síðan bronsið. Tveir kanadískir sleðamenn, Alex Gough og Kimberley McRae, komu síðan í næstu sætum og rétt misstu því af verðlaunum.
Natalie Geisenberger vann glæsilegan sigur því hún kom í mark meira en sekúndu á undan Hüfner. Nýi Ólympíumeistarinn var fljótust í öllum fjórum ferðunum í keppninni. Geisenberger er 26 ára gömul en hún vann bronsið fyrir fjórum árum. Þetta voru mestu yfirburðir Ólympíumeistara frá árinu 1964.
Hinn þrítuga Tatjana Hüfner vann gullið í Vancouver fyrir fjórum árum í þessari grein og tók bronsið á leikunum í Tórínó fyrir átta árum. Hüfner á því núna fullkomið safn, gull, silfur og brons.
Það má sjá myndband með Natalie Geisenberger hér fyrir ofan.
