Annar undanúrslitaþátturinn af Ísland Got Talent verður sýndur á Stöð 2 á sunnudagskvöldið. Sjö atriði af ýmsum toga keppa um atkvæði þjóðarinnar til að eiga möguleika á að komast í úrslitaþáttinn og vinna tíu milljónir króna.
Ásta Birna ætlar að reyna að syngja sig inní hjörtu landsmanna í undanúrslitunum. Við kynntumst henni aðeins betur.
Fullt nafn: Ásta Birna Orellana Björnsdóttir
Aldur: 31 árs
Starf: Mamma, skrifstofudama og námsmaður
Símanúmer til að kjósa hana í Ísland Got Talent: 900-9503
Af hverju á fólk að kjósa þig?
Af því að ég yrði þeim óendanlega þakklát! Það að fá að syngja hefur alltaf reynst mér svo fjarlægur draumur vegna sviðskrekks, en þessi reynsla hefur gefið mér miklu meira en ég þorði nokkurn tímann að vona.
Hver er draumurinn?
Ég er að upplifa hann núna. Söngur og tónlist er mér allt á eftir fjölskyldunni.
Uppáhaldslistamaður/menn?
Á í rauninni engan uppáhalds, það eru bara svo rosalega margir flottir þarna úti, en ef ég yrði að velja þá væru það Adele, Eva Cassidy, Bubbi og Vilhjálmur Vilhjálmsson.
Hvaða lag tekur þú í karókí?
Love me tender með Elvis, sjúklega einfalt en svo yndislega fallegt!
Hvaða minning stendur upp úr úr Ísland Got Talent?
þegar ég kláraði lagið mitt í Austurbænum, fólkið stóð upp og klappaði. Svo byrjuðu dómararnir að tala og ég var engan veginn undirbúin fyrir þau hlýju orð sem þau létu falla. Þetta var það erfiðasta sem ég hef gert á ævinni, en jafnframt það skemmtilegasta.
Jón Jónsson eða Þórunn Antonía?
Get ekki valið á milli, Þórunn Antonía er með svo fallegt og hlýtt hjarta og Jón er bara svo sjúklega fyndinn!
Breiðablik
Afturelding
