McLaren ökumaðurinn Jenson Button og eiginkona hans Jessica Button urðu fyrir þjófnaði í fríi í Saint-Tropez í Frakklandi.
Hjónin sluppu ómeidd en verðmætum var stolið fyrir um 300.000 pund (62,3 milljónir króna), þar á meðal giftingarhring.
Talið er að svefngasi hafi verið dælt inn í herbergi hjónanna í gegnum loftkælinu. Gasið olli algjöru rænuleysi þeirra meðan tveir menn létu greipar sópa.
„Tveir menn brutust inn í húsið á meðan þau sváfu og höfðu ýmsa skartgripi á brott með sér þar á meðal þess sem sárast er saknað, giftingarhring Jessicu,“ sagði talsmaður hjónanna í yfirlýsingu sinni.
„Lögreglan segir að það sé vaxandi vandamál á svæðinu að þjófar noti gas til að komast inn og athafna sig í kringum rænulaust fólk,“ sagði talsmaður Button hjónanna.
Hjónin sluppu ómeidd en var „auðvitað brugðið“ eftir atburðinn.
Svefngasi beitt á Button

Tengdar fréttir

Bílskúrinn: Urmull mistaka í Ungverjalandi
Ungverski kappaksturinn bauð upp á urmul mistaka. Hver gerði þau stærstu, hvaða mistök skiptu engu?

Bottas: Ferrari-orðrómur truflar
Valtteri Bottas segir vangaveltur um mögulega framtíð hans hjá Ferrari trufla. Hann einbeitir sér að því að vinna sína fyrstu keppni með Williams.

Rosberg skilur ekki hraða Hamilton
Nico Rosberg er gáttaður á hraða liðsfélaga síns, Lewis Hamilton í tímatökunum. Rosberg náði flestum ráspólum á síðasta ári en sagan er önnur í ár.

Brösótt endurkoma Honda
Yfirmaður kappakstursmála hjá vélaframleiðandanum Honda segir að endurkoman í Formúlu 1 hafi ekki gengið sem skyldi.