Steindi brýst inn á bóksölulista

Jakob Bjarnar skrifar 6. desember 2018 10:50

Steindi er vinsæll og kemur víða við. Nú gerir hann atlögu að bóksölulistum með nýrri bók sinni og skýtur meðal annarra sjálfum Vísinda-Villa ref fyrir rass.

Þá liggur þriðji bóksölulistinn fyrir þessi jól fyrir. Að sögn Bryndísar Loftsdóttur hjá Félagi íslenskra bókaútgefenda fer salan vel af stað en ekki er mikil breyting á listanum frá því í síðustu viku. Sem þýðir þá það að bóksalan er að taka á sig mynd og fyrirliggjandi góð vísbending um hvaða bækur höfða helst til íslenskra bókakaupenda.

„Sé litið til skáldverka þá eru Arnaldur og Yrsa áfram á toppnum og Ragnar Jónasson í fimmta sæti, staðan sem sagt óbreytt. Ungfrú Ísland eftir Auði Övu hækkar sig um tvö sæti og er nú í 8. sæti listans og Sextíu kílóin hans Hallgríms Helgasonar hækkar einnig um tvö sæti og er komin upp í 13. sæti. Hástökkvari skáldverka á aðallistanum þessa vikuna er hins vegar Stefán Máni, bók hans, Krýsuvík hækkar sig um heil 5 sæti og er nú komin í 15. sæti aðallistans,“ segir Bryndís en listarnir taka til bóksölu vikunna 28. nóvember til 4. desember.

„Sé litið á ævisögur þá er Ásdís Halla að endurtaka sigurgöngu sína frá síðasta ári, bókin hennar, Hornauga, er nú orðin 10. mest selda bók ársins. Óvænti smellurinn í þessum flokki er hins vegar Aron Einar Gunnarsson. Bókin hans, Aron – sagan mín, fer upp um þrjú sæti og situr nú í 11. sæti listans.“

Ef litið er til annarra óvæntra á lista þá má líta til barnabókanna og þar er Bjarni Fritzson að gera gott mót með Orra óstöðvandi, sem situr í þriðja sæti skáldverkalista barna. Tveir aðrir nýliðar eru einnig áberandi á færði- og handbókalista barna.

„Það er þá fyrst að nefna Steinda jr. eða Steinþór Hróar Steinþórsson sem sent hefur frá sér sína fyrstu bók, Steindi í orlofi, sem er mest selda bókin í þessum flokki í vikunni. Hann skákar þar með sjálfum Vísinda-Villa sem verður að láta sér annað sætið duga þessa vikuna. Í þriðja sæti er svo Gummi Ben, Guðmundur Benediktsson, með Stóru fótboltabókina sína. Það verður pottþétt hörð samkeppni milli þessara þriggja höfunda um lokaniðurstöður ársins.“

Topplistinn - söluhæstu titlarnir

1. Stúlkan hjá brúnni - Arnaldur Indriðason

2. Brúðan - Yrsa Sigurðardóttir

3. Útkall - Þrekvirki í djúpinu - Óttar Sveinsson

4. Þitt eigið tímaferðalag - Ævar Þór Benediktsson

5. Þorpið - Ragnar Jónasson

6. Siggi sítróna - Gunnar Helgason

7. Hornauga - Ásdís Halla Bragadóttir

8. Ungfrú Ísland - Auður Ava Ólafsdóttir

9. Kaupthinking – Bankinn sem átti sig sjálfur - Þórður Snær Júlíusson

10. Orri óstöðvandi - Bjarni Fritzson

11. Aron - sagan mín - Aron Einar Gunnarsson og Einar Lövdahl

12. Jólalögin okkar - Ýmsir - Jón Ólafsson

13. Sextíu kíló af sólskini - Hallgrímur Helgason

14. Hvolparnir bjarga jólunum - Hvolpasveitin

15. Krýsuvík - Stefán Máni

16. Beint í ofninn - Nanna Rögnvaldardóttir

17. Lára fer til læknis - Birgitta Haukdal

18. Fallegu lögin okkar - Ýmsir - Jón Ólafsson

19. Fíasól gefst aldrei upp - Kristín Helga Gunnarsdóttir

20. Henny Hermanns – Vertu stillt! - Margrét Blöndal

Íslensk skáldverk

Stúlkan hjá brúnni - Arnaldur Indriðason
Brúðan - Yrsa Sigurðardóttir
Þorpið - Ragnar Jónasson
Ungfrú Ísland - Auður Ava Ólafsdóttir
Sextíu kíló af sólskini - Hallgrímur Helgason
Krýsuvík - Stefán Máni
Lifandilífslækur - Bergsveinn Birgisson
Stormfuglar - Einar Kárason
Svik - Lilja Sigurðardóttir
Ástin, Texas - Guðrún Eva Mínervudóttir

Þýdd skáldverk

Jól í Litla bakaríinu við Strandgötu - Jenny Colgan
Alein - Mary Higgins Clark
Dag einn í desember - Joise Silver
Lífið heldur áfram - Winne Li
Afhjúpun Ólivers - Liz Nugent
Sagnaseiður - Sally Magnusson
Saga tveggja borga - Charles Dickens
Galdra-Manga - Tapio Koivukari
Mín sök- Clare Machintosh
Þrír dagar og eitt líf - Pierre Lemaitre

Ljóð

Sálumessa - Gerður Kristný
Haustaugu - Hannes Pétursson
Smáa letrið - Linda Vilhjálmsdóttir
Hryggdýr - Sigurbjörg Þrastardóttir
Hjarta landsins - Ómar Ragnarsson
Fiðrildi í rökkrinu - Magnús Skúlason
Vammfirring - Þórarinn Eldjárn
Rof - Bubbi Morthens
Ljóð muna ferð - Sigurður Pálsson
Ellefti snertur af yfirsýn - Ísak Harðarson

Barnabækur - skáldverk

Þitt eigið tímaferðalag - Ævar Þór Benediktsson
Siggi sítróna - Gunnar Helgason
Orri óstöðvandi - Bjarni Fritzson
Jólalögin okkar - Ýmsir - Jón Ólafsson
Hvolparnir bjarga jólunum - Hvolpasveitin
Lára fer til læknis - Birgitta Haukdal
Fallegu lögin okkar - Ýmsir - Jón Ólafsson
Fíasól gefst aldrei upp - Kristín Helga Gunnarsdóttir
Leitið og finnið - Gunnar Kr. Sigurjónsson
Jól með Láru - Birgitta Haukdal

Barna- og ungmennafræði- og handbækur

Steindi í orlofi - Steinþór Hróar Steinþórsson
Vísindabók Villa - Truflaðar tilraunir - Vilhelm Anton Jónsson
Stóra fótboltabókin með Gumma Ben - Guðmundur Benediktsson
Jólaföndur – Bókafélagið
13 þrautir jólasveinanna: Óþekktarormar - Huginn Þór Grétarsson
Brandarar og gátur 3 - Huginn Þór Grétarsson
Fótboltaspurningar 2018 - Bjarni Þór Guðjónsson
Norrænu goðin - Johan Egerkranz
Settu saman allan heiminn - Leon Gray
Slím - Ísabella Sól Huginsdóttir

Ungmennabækur

Ljónið - Hildur Knútsdóttir
Rotturnar - Ragnheiður Eyjólfsdóttir
Pax- Níðstöngin - Åsa Larsson & Ingela Korsell
Hyldýpið - Camilla Sten & Viveca Sten
Skjaldbökur alla leiðina niður - John Green
Bækur duftsins - Villimærin fagra - Philip Pullman
Hvísl hrafnanna 2 - Malene Sølvsten
Vítisvélar - Philip Reeve
Hefnd - Kári Valtýsson
Sölvasaga Daníelssonar - Arnar Már Arngrímsson

Fræði og almennt efni

Útkall - Þrekvirki í djúpinu - Óttar Sveinsson
Kaupthinking – Bankinn sem átti sig sjálfur - Þórður Snær Júlíusson
Beint í ofninn - Nanna Rögnvaldardóttir
Hvað er í matinn? - Jóhanna Vigdís Hjaltadóttir
Flóra Íslands - Hörður Kristinsson, Jón Baldur Hlíðberg, Þóra Ellen Þórhallsdóttir
Prjónað af ást - Lene Holme Samsöe
Ekki misskilja mig vitlaust! - Guðjón Ingi Eiríksson
Stóra Disney uppskriftabókin - Vinsælustu uppskriftirnar - Ýmsir
Reykjanesskagi - Náttúra og undur - Ellert Grétarsson
Hvítabirnir á Íslandi - Rósa Rut Þórisdóttir

Ævisögur