Hertogahjónin af Sussex, Harry Bretaprins og Meghan Markle, eiga von á sínu fyrsta barni nú í vor. Óléttan var tilkynnt í október á síðasta ári og kom þar fram að barnið væri væntanlegt í heiminn á vordögum.
Nákvæm dagsetning hefur ekki verið gefin upp en í heimsókn hjónanna til Birkenhead í dag er Markle sögð hafa ljóstrað því upp að hún væri gengin sex mánuði með fyrsta barn hjónanna.
Carla Gandy var viðstödd heimsókn hjónanna ásamt fjögurra ára dóttur sinni. Hún segist hafa spurt Markle hvernig meðgangan gengi og á Markle að hafa svarað að hún væri gengin sex mánuði.
Í samtali við aðra konu sem einnig fylgdist með heimsókn hjónanna sagði Markle meðgönguna hafa liðið hratt og hún hefði fulla trú á því að Harry yrði frábær faðir.
„Ég spurði hana hvernig það væri að ganga á svo háum hælum á meðan hún væri ólétt og hún svaraði að hún tæki einn dag í einu,“ sagði konan í viðtali við People.
Næsta konunglega barn sagt fæðast í apríl
Tengdar fréttir
Harry og Meghan eiga von á barni
Erfinginn er fyrsta barn hjónanna og er væntanlegur í heiminn í vor.
Drottningin sögð hafa fengið sig fullsadda af meintum deilum Meghan og Katrínar
Í frétt bandaríska slúðurblaðsins Us Weekly segir að Katrín og Meghan hafi grafið hina meintu stríðsöxi yfir hátíðarnar, drottningunni til mikillar ánægju.
Bresku götublöðin uppfull af sögum um „erfiða“ og „stjórnsama“ Meghan Markle
Neikvæður fréttaflutningurinn kemur fréttamanni Sky á óvart.
