Ótrúlega fögur brjóstmyndasmíð Kolbrún Bergþórsdóttir skrifar 18. maí 2019 14:00 Fyrst og fremst var valið fagurfræðilegt, segir Hildur Arna Gunnarsdóttir safnvörður. Fréttablaðið/Stefán Sýning á brjóstmyndum Einars Jónssonar verður opnuð í listasafni hans á Skólavörðuholti í dag, laugardaginn 18. maí, sem er Alþjóðlegi safnadagurinn. Frítt er á sýninguna þennan dag í tilefni dagsins. Í geymslu Listasafns Einars Jónssonar eru varðveittar á fjórða tug afsteypa af brjóstmyndum hans og nú er hluti þeirra kominn á sýningu í safninu. Hildur Arna Gunnarsdóttir er safnvörður í Listasafni Einars Jónssonar. „Hvatinn að þessari sýningu er sá að í desember síðastliðnum fengum við hringingu frá lífeyrissjóðnum Birtu sem bauð okkur að gjöf verk sem þar var í geymslu. Þetta var bronssteypt brjóstmynd af Georgíu Björnsson, eiginkonu Sveins Björnssonar og fyrstu forsetafrú Íslands. Við skoðuðum verkið og í ljós kom að við áttum gifsafsteypu af því í geymslu en merking með nafni fyrirmyndarinnar hafði fallið af og verkið var því merkt sem óþekkt kona, sem hún var svo sannarlega ekki,“ segir hún. „Við fórum þá að skoða og rannsaka þær brjóstmyndir sem við áttum og fannst ástæða til að setja þær á sýningu.“Sýning í gamla eldhúsinu Hildur Arna segir Einar hafa verið ótrúlega afkastamikinn listamann. „Hann vann við að skapa eigin listaverk en gerði einnig brjóstmyndir eftir pöntun til að eiga fyrir salti í grautinn og einnig mótaði hann fólk sem honum var kært. Þarna er á ferð ótrúlega fögur brjóstmyndasmíð. Í verkum sínum notaði Einar sjaldnast fyrirmyndir, þótt einhver dæmi finnist um það. Andlitin í verkum hans eru klassísk og hans eigin sköpun. Þannig var það auðvitað ekki í brjóstmyndagerðinni þar sem hann var með raunverulegar fyrirmyndir. Hann var ótrúlega næmur brjóstmyndasmiður, það er svo raunsær fínleiki, fegurð og mikið líf í þeim verkum. Við vildum sýna þessar myndir en getum ekki sýnt þær allar því hér í safninu er pláss af skornum skammti. Við völdum því fjórtán brjóstmyndir til að setja á sýninguna. Fyrst og fremst var valið fagurfræðilegt en þó var ekki hægt að sleppa ákveðnum persónum sem léku stórt hlutverk í lífi og list Einars og studdu hann til dæmis við byggingu safnsins. Sýningin er sett upp á jarðhæð í gamla eldhúsi hússins þar sem brjóstmyndirnar voru til sýnis í tíð listamannsins.“Tvær af brjóstmyndunum sem eru á sýningunni.Óskað eftir aðstoð gesta Brjóstmyndirnar á sýningunni eru af þekktu fólki. „Þær eru af Sveini Björnssyni forseta og Georgíu konu hans, Bjarna frá Vogi alþingismanni og Guðmundi Finnbogasyni en þau voru öll miklir velgjörðarmenn Einars. Þarna er sjálfsmynd af Einari og mynd af bróður hans, Bjarna Jónssyni sem var kallaður Bíó-Bjarni og var þekktur athafnamaður. Sömuleiðis brjóstmyndir af Indriða Einarssyni skáldi, Sigurði Jónssyni skáldi frá Arnarvatni, Steinþóri Sigurðssyni jarðfræðingi, Samúel Ólafssyni söðlasmiði, Birni Kristjánssyni kaupmanni og alþingismanni, Jónasi frá Hriflu, Sveini Sigurðssyni ritstjóra og svo er einn sem við eigum eftir að bera kennsl á og vonumst til að gestir geti aðstoðað okkur við það á sýningunni,“ segir Hildur Arna. Birtist í Fréttablaðinu Menning Myndlist Mest lesið Vörur sem flugfreyjur kaupa í Bandaríkjunum Lífið VÆB-bræður fyrstir á svið í Eurovision Lífið Stefán Einar og Sara Lind selja parhúsið Lífið Adolescence: Börn ekki lengur örugg ein inni í herbergi Lífið Úr svefnherbergispoppi í drum-n-bass: „Fólkið var ógeðslega mikið að fíla þetta“ Lífið „Þarna brotnaði ég bara niður og grét og grét“ Lífið Richard Chamberlain er látinn Lífið Löng fangelsisvist blasir við popparanum Lífið „Ástarsorg er best í heimi“ Lífið „Þetta má ekki vera feimnismál“ Lífið Fleiri fréttir VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Áhrifavaldar og þingmenn ræddu kærleikann „Þetta má ekki vera feimnismál“ „Ástarsorg er best í heimi“ Fréttatía vikunnar: Eddan, rektorskjör og mannanafnanefnd Fólk spyrji um veganisma af forvitni frekar en til að vera með leiðindi Fimm tíma morgunrútínan sem allir eru að tala um Eiginkona rafrettukóngs keypti eitt dýrasta einbýlishús Garðabæjar Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Bitin Bachelor stjarna Svara auknum fordómum og fáfræði með jákvæðni og list „Ég kalla mig alltaf flugfreyju þó að ég sé strákur“ Tíu skref í átt að nýju starti í svefnherberginu Fjallvegir á Vestfjörðum fengu hjartað til að slá hratt Ástfangin í sextán ár Unnur og Travis orðin tveggja barna foreldrar Sneri við lífinu eftir skyndilegt fráfall frænda í djammferð erlendis Grunaði ekki að fíflalætin myndu ferðast svona víða Tveggja milljóna króna nefaðgerð í Tyrklandi Sjá meira
Sýning á brjóstmyndum Einars Jónssonar verður opnuð í listasafni hans á Skólavörðuholti í dag, laugardaginn 18. maí, sem er Alþjóðlegi safnadagurinn. Frítt er á sýninguna þennan dag í tilefni dagsins. Í geymslu Listasafns Einars Jónssonar eru varðveittar á fjórða tug afsteypa af brjóstmyndum hans og nú er hluti þeirra kominn á sýningu í safninu. Hildur Arna Gunnarsdóttir er safnvörður í Listasafni Einars Jónssonar. „Hvatinn að þessari sýningu er sá að í desember síðastliðnum fengum við hringingu frá lífeyrissjóðnum Birtu sem bauð okkur að gjöf verk sem þar var í geymslu. Þetta var bronssteypt brjóstmynd af Georgíu Björnsson, eiginkonu Sveins Björnssonar og fyrstu forsetafrú Íslands. Við skoðuðum verkið og í ljós kom að við áttum gifsafsteypu af því í geymslu en merking með nafni fyrirmyndarinnar hafði fallið af og verkið var því merkt sem óþekkt kona, sem hún var svo sannarlega ekki,“ segir hún. „Við fórum þá að skoða og rannsaka þær brjóstmyndir sem við áttum og fannst ástæða til að setja þær á sýningu.“Sýning í gamla eldhúsinu Hildur Arna segir Einar hafa verið ótrúlega afkastamikinn listamann. „Hann vann við að skapa eigin listaverk en gerði einnig brjóstmyndir eftir pöntun til að eiga fyrir salti í grautinn og einnig mótaði hann fólk sem honum var kært. Þarna er á ferð ótrúlega fögur brjóstmyndasmíð. Í verkum sínum notaði Einar sjaldnast fyrirmyndir, þótt einhver dæmi finnist um það. Andlitin í verkum hans eru klassísk og hans eigin sköpun. Þannig var það auðvitað ekki í brjóstmyndagerðinni þar sem hann var með raunverulegar fyrirmyndir. Hann var ótrúlega næmur brjóstmyndasmiður, það er svo raunsær fínleiki, fegurð og mikið líf í þeim verkum. Við vildum sýna þessar myndir en getum ekki sýnt þær allar því hér í safninu er pláss af skornum skammti. Við völdum því fjórtán brjóstmyndir til að setja á sýninguna. Fyrst og fremst var valið fagurfræðilegt en þó var ekki hægt að sleppa ákveðnum persónum sem léku stórt hlutverk í lífi og list Einars og studdu hann til dæmis við byggingu safnsins. Sýningin er sett upp á jarðhæð í gamla eldhúsi hússins þar sem brjóstmyndirnar voru til sýnis í tíð listamannsins.“Tvær af brjóstmyndunum sem eru á sýningunni.Óskað eftir aðstoð gesta Brjóstmyndirnar á sýningunni eru af þekktu fólki. „Þær eru af Sveini Björnssyni forseta og Georgíu konu hans, Bjarna frá Vogi alþingismanni og Guðmundi Finnbogasyni en þau voru öll miklir velgjörðarmenn Einars. Þarna er sjálfsmynd af Einari og mynd af bróður hans, Bjarna Jónssyni sem var kallaður Bíó-Bjarni og var þekktur athafnamaður. Sömuleiðis brjóstmyndir af Indriða Einarssyni skáldi, Sigurði Jónssyni skáldi frá Arnarvatni, Steinþóri Sigurðssyni jarðfræðingi, Samúel Ólafssyni söðlasmiði, Birni Kristjánssyni kaupmanni og alþingismanni, Jónasi frá Hriflu, Sveini Sigurðssyni ritstjóra og svo er einn sem við eigum eftir að bera kennsl á og vonumst til að gestir geti aðstoðað okkur við það á sýningunni,“ segir Hildur Arna.
Birtist í Fréttablaðinu Menning Myndlist Mest lesið Vörur sem flugfreyjur kaupa í Bandaríkjunum Lífið VÆB-bræður fyrstir á svið í Eurovision Lífið Stefán Einar og Sara Lind selja parhúsið Lífið Adolescence: Börn ekki lengur örugg ein inni í herbergi Lífið Úr svefnherbergispoppi í drum-n-bass: „Fólkið var ógeðslega mikið að fíla þetta“ Lífið „Þarna brotnaði ég bara niður og grét og grét“ Lífið Richard Chamberlain er látinn Lífið Löng fangelsisvist blasir við popparanum Lífið „Ástarsorg er best í heimi“ Lífið „Þetta má ekki vera feimnismál“ Lífið Fleiri fréttir VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Áhrifavaldar og þingmenn ræddu kærleikann „Þetta má ekki vera feimnismál“ „Ástarsorg er best í heimi“ Fréttatía vikunnar: Eddan, rektorskjör og mannanafnanefnd Fólk spyrji um veganisma af forvitni frekar en til að vera með leiðindi Fimm tíma morgunrútínan sem allir eru að tala um Eiginkona rafrettukóngs keypti eitt dýrasta einbýlishús Garðabæjar Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Bitin Bachelor stjarna Svara auknum fordómum og fáfræði með jákvæðni og list „Ég kalla mig alltaf flugfreyju þó að ég sé strákur“ Tíu skref í átt að nýju starti í svefnherberginu Fjallvegir á Vestfjörðum fengu hjartað til að slá hratt Ástfangin í sextán ár Unnur og Travis orðin tveggja barna foreldrar Sneri við lífinu eftir skyndilegt fráfall frænda í djammferð erlendis Grunaði ekki að fíflalætin myndu ferðast svona víða Tveggja milljóna króna nefaðgerð í Tyrklandi Sjá meira