Sportpakkinn: Íþróttafólk á Íslandi hefur þurft að hætta á toppnum vegna peningaleysis Óskar Ófeigur Jónsson skrifar 12. desember 2019 15:00 Anton Sveinn McKee, Guðlaug Edda Hannesdóttir og Dominiqua Alma Belányi með Lilju Alfreðsdóttur ráðherra í dag. Vísir/S2/Friðrik Þrír fulltrúar íslenskra afreksíþróttamanna mættu í mennta- og menningarmálaráðuneytið í hádeginu og afhentu ráðherra bréf undirritað af hópi íþróttamanna sem vekja athygli á réttindaleysi afreksíþróttamanna. Arnar Björnsson hitti íþróttafólkið í dag. „Við erum að vekja athygli á réttindaleysi afreksíþróttamanna á Íslandi“, segir sundkappinn Anton Sveinn McKee. „Eins og staðan er núna þá er afreksíþróttafólk ekki með nein réttindi að greiða í stéttarfélög, lífeyrissjóði, rétt til fæðingarorlofs og okkur finnst mikilvægt að vekja athygli á þessu og þetta þarf að breytast,“ segir Guðlaug Edda Hannesdóttir þríþrautarkona. Anton Sveinn segir að íþróttamenn standi frammi fyrir þeirri spurningu hvort þeir eigi að þora að halda áfram. „Á ég að þora að halda áfram keppni og sýna hvað í mér býr og sætta mig við það að hafa ekkert þegar ég hætti á mínum afreksferli. Það er mjög erfið ákvörðun að taka þegar maður er ekki með laun eins og í minni einstaklingsíþrótt,“ segir Guðlaug Edda. Nú hafið þið skoðað þetta hjá öðrum Norðurlandaþjóðum, er aðstöðumunur mikill? „Já það er klárlega aðstöðumunur hjá okkur og nágrannaþjóðum. Ekki bara á Norðurlöndum líka öðrum löndum í vestur Evrópu sem við erum að keppa við. Við teljum að með bættri umgjörð hér á landi þá munum við 100 prósent ná að vera nær þeim hvað varðar getu. Það hjálpar mikið að hafa stuðning,“ segir Guðlaug Edda. Afrekssjóðurinn hefur stækkað breytir það einhverju eða þarf að gera miklu meira? „Það var nauðsynlegt að efla afrekssjóðinn en það vantar töluvert til að efla almennt íþróttastarf á Íslandi til að gera okkur samkeppnishæf við önnur lönd. Við erum gífurlega þakklát fyrir allan þann stuðning sem við fáum í dag. Við gerum okkur grein fyrir því að við gætum ekki verið að keppa á þessum stórmótum án þessa stuðnings. Við viljum bara vekja athygli á þessari stöðu eins og hún er í dag,“ segir Anton Sveinn McKee. Þú ert nýkominn frá Glasgow þar sem þú náðir góðum árangri á Evrópumótinu í sundi, ræddir þú þetta eitthvað við keppinauta þína? „Jú maður spyr alltaf hvernig staðan sé hjá þeim. Eftir að hafa miðað sig við marga þá fannst mér kominn tími á að vekja athygli á því hver staðan væri hjá okkur,“ segir Anton Sveinn Hefur það komið til tala að hætta í íþróttinni? „Ég er tiltölulega nýbyrjuð í þríþrautinni, byrjaði 2016. Mig langar ekki til að hætta en ég veit að eftir 2020 þegar Ólympíuleikarnir eru búnir þá missi ég styrk frá Ólympíusamhjálpinni. Eins og staðan er núna þá er ég svo gott sem búin með allan aukapeninginn minn í bankanum til að geta lifað af. Eins og staðan er núna veit ég það ekki en mig langar að halda áfram og fara á Ólympíuleikana 2024. Ég held að ég muni vera í enn betra formi þá. Það verður bara að koma í ljós,“ segir Anton Sveinn. Ef þú hættir núna áttu kannski öll bestu árin eftir? „Já og það er bara mjög sorglegt að staðan sé þannig. Íþróttafólk á Íslandi hefur því miður þurft hætta. Við höfum séð dæmi um það fólk er að hætta á toppnum þegar það á 4-5 góð ár eftir vegna þess að það sér ekki fram á að geta framfleytt sér og það er sorglegt,“ segir Anton Sveinn Ætlið þið að halda þessari baráttu áfram? „Við verðum bara að vona það besta. Það er ekki til meiri heiður en við íþróttafólk fáum en að vera að keppa fyrir Ísland á erlendri grundu og berjast fyrir land og þjóð. Vonandi verður kerfið það gott að við getum haldið áfram að gera það,“ segir Anton Sveinn. Lilja Alfreðsdóttir mennta- og menningarmálaráðherra tók afreksfólkinu fagnandi. „Þetta er afreksfólk ekki bara í íþróttum, þau hafa réttu hugsjónina og rétta andann til að bæta samfélagið okkar. Mér er það bæði ljúft og skylt að taka á móti þeim og fara yfir þessi mál. Við höfum styrkt afrekssjóðinn verulega, verið fjórfaldaður frá 2016. En þau benda ýmis réttindamál og hvernig þau vilja koma inn í það að fá fleira ungt fólk inn í íþróttahreyfinguna. Ég tek þeim fagnandi og fer yfir þetta mál,“ segir Lilja Alfreðsdóttir. Margir afreksíþróttamenn hafa verið að fórna öllu sínu fyrir að ná árangri í íþróttum en svo þegar ferlinum lýkur blasa bara skuldir við og litlar tekjur. „Þetta er einmitt eitt af því sem þau eru að benda á. Við þurfum að sjá hvort hægt er að koma eitthvað til móts við þessar athugasemdir. Ég vil bera þetta saman við Norðurlöndin. Við viljum að umgjörðin í kringum þau sé eins og best verður á kosið,“ sagði Lilja Alfreðsdóttir mennta- og menningarmálaráðherra. Hér fyrir neðan má sjá alla frétt Arnars Björnssonar um þetta mikilvæga mál fyrir afreksfólkið okkar. Klippa: Sportpakkinn: Íþróttafólk á Íslandi hefur þurft hætta á toppnum vegna peningaleysis Íþróttir Ólympíuleikar Sportpakkinn Mest lesið Snéru heim eins og rokkstjörnur og komust á súluna á Astró Fótbolti Íslendingalið í bullandi tapi og getur ekki sótt fleiri stjörnur Handbolti Köstuðu blysum en segja hina hafa hrækt og hellt bjór á leikmenn Handbolti Fékk fjóra bakka af eggjum fyrir að vera maður leiksins Fótbolti Heimsóttu Hásteinsvöll: „Það eru ekkert allir sáttir við þetta“ Íslenski boltinn Hvorki zombie-bit né tattú Fótbolti Sjáðu nýjan þjálfara Íslands kynna sig Körfubolti Hópslagsmál í NBA og sjö hent úr húsi Körfubolti Glódís ekki með í landsleikjunum Fótbolti Pekka Salminen nýr landsliðsþjálfari Körfubolti Fleiri fréttir Uppgjörið: Keflavík - Tindastóll 92-63 | Keflvíkingar gáfu engin grið Haaland væntanlega úr leik í deildinni Brast ítrekað í grát og neitar öllum ásökunum um ofbeldi Í beinni: Haukar - Grindavík | Erfitt verkefni fyrir Grindvíkinga Saka klár í slaginn á ný McIlroy annar til að þéna hundrað milljónir á PGA-mótaröðinni Vildu sjá Kjartan Atla og Rúnar lenda í slag eins og í NBA Íslendingalið í bullandi tapi og getur ekki sótt fleiri stjörnur Eldmóður í nýjum þjálfara: „Meira en spenntur“ Fékk fjóra bakka af eggjum fyrir að vera maður leiksins Heimsóttu Hásteinsvöll: „Það eru ekkert allir sáttir við þetta“ Valgerður ekki af baki dottin: „Ég ætla í stóru beltin“ Hvorki zombie-bit né tattú Pekka Salminen nýr landsliðsþjálfari Vel vopnaðir tökumenn: „Djöfull er þetta góður klútur“ Sjáðu nýjan þjálfara Íslands kynna sig Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Hópslagsmál í NBA og sjö hent úr húsi Lýsa miklum áhuga Arsenal á manninum sem Man. Utd þráir Köstuðu blysum en segja hina hafa hrækt og hellt bjór á leikmenn Snéru heim eins og rokkstjörnur og komust á súluna á Astró Hafa engar áhyggjur af hugarfari Njarðvíkinga Dagskráin í dag: Úrslitakeppnin af stað Búinn að skora gegn öllum en bíður enn eftir titli Haaland yfirgaf völlinn á hækjum og í spelku Tryggvi með rifu í vöðva og verður frá næstu vikur Sjá meira
Þrír fulltrúar íslenskra afreksíþróttamanna mættu í mennta- og menningarmálaráðuneytið í hádeginu og afhentu ráðherra bréf undirritað af hópi íþróttamanna sem vekja athygli á réttindaleysi afreksíþróttamanna. Arnar Björnsson hitti íþróttafólkið í dag. „Við erum að vekja athygli á réttindaleysi afreksíþróttamanna á Íslandi“, segir sundkappinn Anton Sveinn McKee. „Eins og staðan er núna þá er afreksíþróttafólk ekki með nein réttindi að greiða í stéttarfélög, lífeyrissjóði, rétt til fæðingarorlofs og okkur finnst mikilvægt að vekja athygli á þessu og þetta þarf að breytast,“ segir Guðlaug Edda Hannesdóttir þríþrautarkona. Anton Sveinn segir að íþróttamenn standi frammi fyrir þeirri spurningu hvort þeir eigi að þora að halda áfram. „Á ég að þora að halda áfram keppni og sýna hvað í mér býr og sætta mig við það að hafa ekkert þegar ég hætti á mínum afreksferli. Það er mjög erfið ákvörðun að taka þegar maður er ekki með laun eins og í minni einstaklingsíþrótt,“ segir Guðlaug Edda. Nú hafið þið skoðað þetta hjá öðrum Norðurlandaþjóðum, er aðstöðumunur mikill? „Já það er klárlega aðstöðumunur hjá okkur og nágrannaþjóðum. Ekki bara á Norðurlöndum líka öðrum löndum í vestur Evrópu sem við erum að keppa við. Við teljum að með bættri umgjörð hér á landi þá munum við 100 prósent ná að vera nær þeim hvað varðar getu. Það hjálpar mikið að hafa stuðning,“ segir Guðlaug Edda. Afrekssjóðurinn hefur stækkað breytir það einhverju eða þarf að gera miklu meira? „Það var nauðsynlegt að efla afrekssjóðinn en það vantar töluvert til að efla almennt íþróttastarf á Íslandi til að gera okkur samkeppnishæf við önnur lönd. Við erum gífurlega þakklát fyrir allan þann stuðning sem við fáum í dag. Við gerum okkur grein fyrir því að við gætum ekki verið að keppa á þessum stórmótum án þessa stuðnings. Við viljum bara vekja athygli á þessari stöðu eins og hún er í dag,“ segir Anton Sveinn McKee. Þú ert nýkominn frá Glasgow þar sem þú náðir góðum árangri á Evrópumótinu í sundi, ræddir þú þetta eitthvað við keppinauta þína? „Jú maður spyr alltaf hvernig staðan sé hjá þeim. Eftir að hafa miðað sig við marga þá fannst mér kominn tími á að vekja athygli á því hver staðan væri hjá okkur,“ segir Anton Sveinn Hefur það komið til tala að hætta í íþróttinni? „Ég er tiltölulega nýbyrjuð í þríþrautinni, byrjaði 2016. Mig langar ekki til að hætta en ég veit að eftir 2020 þegar Ólympíuleikarnir eru búnir þá missi ég styrk frá Ólympíusamhjálpinni. Eins og staðan er núna þá er ég svo gott sem búin með allan aukapeninginn minn í bankanum til að geta lifað af. Eins og staðan er núna veit ég það ekki en mig langar að halda áfram og fara á Ólympíuleikana 2024. Ég held að ég muni vera í enn betra formi þá. Það verður bara að koma í ljós,“ segir Anton Sveinn. Ef þú hættir núna áttu kannski öll bestu árin eftir? „Já og það er bara mjög sorglegt að staðan sé þannig. Íþróttafólk á Íslandi hefur því miður þurft hætta. Við höfum séð dæmi um það fólk er að hætta á toppnum þegar það á 4-5 góð ár eftir vegna þess að það sér ekki fram á að geta framfleytt sér og það er sorglegt,“ segir Anton Sveinn Ætlið þið að halda þessari baráttu áfram? „Við verðum bara að vona það besta. Það er ekki til meiri heiður en við íþróttafólk fáum en að vera að keppa fyrir Ísland á erlendri grundu og berjast fyrir land og þjóð. Vonandi verður kerfið það gott að við getum haldið áfram að gera það,“ segir Anton Sveinn. Lilja Alfreðsdóttir mennta- og menningarmálaráðherra tók afreksfólkinu fagnandi. „Þetta er afreksfólk ekki bara í íþróttum, þau hafa réttu hugsjónina og rétta andann til að bæta samfélagið okkar. Mér er það bæði ljúft og skylt að taka á móti þeim og fara yfir þessi mál. Við höfum styrkt afrekssjóðinn verulega, verið fjórfaldaður frá 2016. En þau benda ýmis réttindamál og hvernig þau vilja koma inn í það að fá fleira ungt fólk inn í íþróttahreyfinguna. Ég tek þeim fagnandi og fer yfir þetta mál,“ segir Lilja Alfreðsdóttir. Margir afreksíþróttamenn hafa verið að fórna öllu sínu fyrir að ná árangri í íþróttum en svo þegar ferlinum lýkur blasa bara skuldir við og litlar tekjur. „Þetta er einmitt eitt af því sem þau eru að benda á. Við þurfum að sjá hvort hægt er að koma eitthvað til móts við þessar athugasemdir. Ég vil bera þetta saman við Norðurlöndin. Við viljum að umgjörðin í kringum þau sé eins og best verður á kosið,“ sagði Lilja Alfreðsdóttir mennta- og menningarmálaráðherra. Hér fyrir neðan má sjá alla frétt Arnars Björnssonar um þetta mikilvæga mál fyrir afreksfólkið okkar. Klippa: Sportpakkinn: Íþróttafólk á Íslandi hefur þurft hætta á toppnum vegna peningaleysis
Íþróttir Ólympíuleikar Sportpakkinn Mest lesið Snéru heim eins og rokkstjörnur og komust á súluna á Astró Fótbolti Íslendingalið í bullandi tapi og getur ekki sótt fleiri stjörnur Handbolti Köstuðu blysum en segja hina hafa hrækt og hellt bjór á leikmenn Handbolti Fékk fjóra bakka af eggjum fyrir að vera maður leiksins Fótbolti Heimsóttu Hásteinsvöll: „Það eru ekkert allir sáttir við þetta“ Íslenski boltinn Hvorki zombie-bit né tattú Fótbolti Sjáðu nýjan þjálfara Íslands kynna sig Körfubolti Hópslagsmál í NBA og sjö hent úr húsi Körfubolti Glódís ekki með í landsleikjunum Fótbolti Pekka Salminen nýr landsliðsþjálfari Körfubolti Fleiri fréttir Uppgjörið: Keflavík - Tindastóll 92-63 | Keflvíkingar gáfu engin grið Haaland væntanlega úr leik í deildinni Brast ítrekað í grát og neitar öllum ásökunum um ofbeldi Í beinni: Haukar - Grindavík | Erfitt verkefni fyrir Grindvíkinga Saka klár í slaginn á ný McIlroy annar til að þéna hundrað milljónir á PGA-mótaröðinni Vildu sjá Kjartan Atla og Rúnar lenda í slag eins og í NBA Íslendingalið í bullandi tapi og getur ekki sótt fleiri stjörnur Eldmóður í nýjum þjálfara: „Meira en spenntur“ Fékk fjóra bakka af eggjum fyrir að vera maður leiksins Heimsóttu Hásteinsvöll: „Það eru ekkert allir sáttir við þetta“ Valgerður ekki af baki dottin: „Ég ætla í stóru beltin“ Hvorki zombie-bit né tattú Pekka Salminen nýr landsliðsþjálfari Vel vopnaðir tökumenn: „Djöfull er þetta góður klútur“ Sjáðu nýjan þjálfara Íslands kynna sig Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Hópslagsmál í NBA og sjö hent úr húsi Lýsa miklum áhuga Arsenal á manninum sem Man. Utd þráir Köstuðu blysum en segja hina hafa hrækt og hellt bjór á leikmenn Snéru heim eins og rokkstjörnur og komust á súluna á Astró Hafa engar áhyggjur af hugarfari Njarðvíkinga Dagskráin í dag: Úrslitakeppnin af stað Búinn að skora gegn öllum en bíður enn eftir titli Haaland yfirgaf völlinn á hækjum og í spelku Tryggvi með rifu í vöðva og verður frá næstu vikur Sjá meira