Íslandsvinur sér eftir grimmúðlegum þjálfunaraðferðum Sindri Sverrisson skrifar 31. júlí 2020 08:30 Gerrit Beltman og Stasja Köhler á móti snemma á 10. áratug síðustu aldar. Köhler hefur ásamt Simone Heitinga skrifað bók þar sem þær lýsa andlegu og líkamlegu ofbeldi sem þjálfarinn beitti. mynd/ANP Hollenski fimleikaþjálfarinn Gerrit Beltman er mikill Íslandsvinur og hefur átt í samstarfi við Fimleikasamband Íslands og Gróttu á síðustu tveimur áratugum. Hann hefur til að mynda hjálpað til við æfingabúðir hér á landi og tekið á móti íslenskum fimleikastelpum til æfinga í Belgíu þegar hann starfaði þar, og leyft þeim að gista á heimili sínu. Beltman viðurkenndi í viðtali í Hollandi á dögunum að hann hefði beitt grimmúðlegum þjálfunaraðferðum á sínum ferli, til að mynda þegar hann var landsliðsþjálfari Hollands á síðustu öld. Hann hafi niðurlægt iðkendur með það eitt að markmiði að þeir ynnu til verðlauna, og hann skammist sín. Dregin eftir gólfinu og kastað út í vegg Fyrrverandi fimleikakonur í Hollandi hafa í kjölfarið stigið fram og sakað hann um að gera lítið úr því hvernig hann hagaði sér, og bent á fleiri þjálfara sem séu tæplega skárri. Núverandi landsliðsþjálfarar hafa verið settir til hliðar tímabundið á meðan að rannsókn á málinu fer fram, í óþökk Eyþóru Elísabetar Þórsdóttur (sem á íslenska foreldra) og annarra núverandi landsliðskvenna Hollands. Stasja Köhler og Simone Heitinga skrifuðu bók árið 2013 og lýstu því andlega og líkamlega ofbeldi sem þær urðu fyrir af hendi Beltman, sem landsliðskonur Hollands seint á síðustu öld. Heitinga sagði eftir viðtalið við Beltman, sem birtist í Noordhollands Dagblad fyrir skömmu, að hún hefði reiðst við að sjá að hann reyndi að fegra hlutina. „Ef Beltman var reiður við mig, til dæmis ef ég gerði ekki einhverja æfingu, réðst hann á mig í búningsklefanum. Ég var dregin eftir gólfinu, mér lyft upp á hálsinum og hent niður, hrækt á mig og mér kastað út í vegg,“ sagði Heitinga meðal annars. Köhler og fleiri urðu vitni að þessu, þá jafnvel ungar stúlkur, á lokaáratug síðustu aldar. „Virkilega góður þjálfari“ en ekki gallalaus Sif Pálsdóttir, fyrrverandi afrekskona í fimleikum, þekkir Beltman vel en hún æfði til að mynda hjá honum 15 ára gömul í lok árs 2002 og dvaldi á heimili hans, ásamt æfingafélaga sem og þáverandi þjálfara sínum hjá Gróttu, Berglindi Pétursdóttur. Beltman hefur síðan haldið góðu sambandi við fimleikaforkólfa á Íslandi og var síðast hér á landi í fyrra með belgískt lið við æfingar, að sögn Sifjar. Hann starfar nú í Singapúr. Sif kynntist Beltman talsvert síðar en þær Köhler og Heitinga. Hún segir þjálfunaraðferðir hans vissulega hafa verið harkalegar, stundum hafi hann gengið of langt, en þó aldrei beitt líkamlegu ofbeldi svo að hún vissi til, eins og hann er sakaður um að hafa gert áður en hann kynntist Íslendingunum. „Ég myndi aldrei segja að hann hafi niðurlægt mig sem iðkanda, aldrei,“ segir Sif, og telur að upplifun annarra íslenskra fimleikakvenna sem komist hafi í kynni við Beltman sé sú sama. Sif Pálsdóttir og Harpa Snædís Hauksdóttir fóru ásamt þjálfaranum Berglindi Pétursdóttur og dvöldu hjá Beltman í lok ás 2002.Úr DV 6. janúar 2003. „Ég fer ekki ofan af því að hann sé virkilega góður fimleikaþjálfari. Hann kann að búa til góðar fimleikastelpur. Hvort að það sé allt fullkomið sem hann gerir? Það er náttúrulega ekki til sá þjálfari sem er ekki með einhverja galla,“ segir Sif við Vísi. „Fimleikarnir eru „hardcore“. Þetta er mjög andleg íþrótt – þú þarft að vera rosalega sterkur andlega. Hann beitti ýmsum aðferðum, sem maður er ekki endilega sáttur með, og hann hefði getað gert hlutina öðruvísi. En fyrir mér var hann mjög góður þjálfari og ég var mjög ánægð með hann.“ „Braut mig svolítið niður andlega“ Sif, sem varð meðal annars Norðurlandameistari í fjölþraut 2006 og fimmfaldur Íslandsmeistari í fjölþraut á sínum ferli, lýsir sinni upplifun af Beltman svona: „Hann braut mig svolítið niður andlega. Ég man eftir einu tilviki þar sem hann sagði að ég yrði of glöð yfir litlum hlutum. Að ég þyrfti að vera harðari við sjálfa mig ef ég ætlaði að ná lengra. Þetta var hans leið til að ýta mér lengra, sem hann sagði að ég gæti ef ég vildi. Ég ætti að setja mér stærri markmið í stað þess að gleðjast yfir litlum hlutum. Ég var unglingur þarna, 15-16 ára, og þetta særði mig smá. En þetta var ekki alvarlegra en þetta. Hann beitti mig og íslensku fimleikastelpurnar ekki neinu líkamlegu ofbeldi. Ég hef aldrei orðið vitni af slíku,“ segir Sif. Sif Pálsdóttir varð Evrópumeistari í hópfimleikum eftir að ferlinum í áhaldafimleikum lauk. Hér er hún, lengst til vinstri, með liðsfélögum úr Evrópumeistaraliðinu.Mynd/FSÍ Eyþóra Elísabet Þórsdóttir, landsliðskona Hollands sem á íslenska foreldra, hefur ásamt liðsfélögum sínum sent út yfirlýsingu. Þær segjast hafa samúð með þeim sem hafi neikvæða reynslu af því að æfa fimleika en að sá veruleiki sem lýst hafi verið, þar sem líkamlegar og andlegar refsingar voru hluti af þjálfun, tilheyri fortíðinni. Slíkt sé ekki eitthvað sem þær hafi upplifað í sinni þjálfun. STATEMENT De afgelopen periode vormt er een opeenstapeling van triest nieuws vanuit de turnwereld. Eerst...Posted by Eythora Thorsdottir on Mánudagur, 27. júlí 2020 Sif bendir á að með meiri þekkingu sé þjálfun betri í dag, og sjálfsagt „mannúðlegri“ í augum þeirra sem standa fyrir utan fimleikasalinn. Henni hafi þó aldrei fundist Beltman niðurlægja sig, þó að hann gæti verið „leiðinlegur“ og hún verið sár út í hann. „Ég var afreksmaður í fimleikum og þú þarft að hafa bein í nefinu til þess, og það komast ekki allir þangað sem að ég komst. Þú þarft ákveðna hörku til þess. Þetta var hans leið til að ýta mér lengra áfram,“ segir Sif sem er sjálf menntaður íþróttafræðingur og starfar hjá fimleikafélaginu Gerplu. Aðrar aðferðir í dag „Í gamla daga má segja að þetta hafi verið þannig að iðkandinn var brotinn niður til þess að byggja hann upp. Sú aðferð er nú ekki notuð í dag held ég, heldur meiri jákvæði og hvatning. En þeir sem þekkja hvernig fimleikarnir eru, þar sem þú færð einn séns fyrir framan dómara sem dæma þig og reyna að finna það sem er að, skilja að þjálfarinn er alltaf að benda á það sem þú þarft að gera betur. Þú ert alltaf að leitast eftir því að gera eitthvað fullkomið, sem er náttúrulega ekki hægt. Það er alltaf hægt spenna meira úr ristunum, strekkja betur úr hnjánum og svo framvegis. Það er því eðlilegt að þjálfarinn sé alltaf að pikka í þig. Í dag eru fræðin meiri, og ég sem þjálfari segi kannski hvað þarf að gera betur en bendi þá um leið á það sem er gott og hvet áfram.“ Fimleikar Holland Mest lesið Vandræði KR við nýja völlinn: „Hér var bara mýri og ruslahaugur“ Íslenski boltinn Uppgjörið: Tindastóll - Álftanes 100-78 | Ótrúlegur sigur Stólanna Körfubolti Uppgjörið: Þór/KA - Tindastóll 2-1 | Endurkoma í Boganum Íslenski boltinn Leik Alberts og öllum öðrum á Ítalíu frestað vegna andláts páfa Fótbolti Segir að Alexander-Arnold eigi ekki að byrja fleiri leiki ef hann er á förum Enski boltinn Liverpool gæti orðið meistari strax á miðvikudag Enski boltinn Valur og KR unnu Scania Cup Körfubolti Dagskráin í dag: Íslenskt góðgæti með erlendu kryddi Sport „Hagsmunum félagsins best borgið með sölu á leikmanninum“ Íslenski boltinn Uppgjörið: FHL - Valur 0-2 | Valskonur sóttu þrjú stig austur Íslenski boltinn Fleiri fréttir „Kemur einn leikmaður sem við getum staðfest í kringum næsta leik” „Við stóðum af okkur storminn“ Í beinni: Stjarnan - Grindavík | Hörkueinvígi hefst Burnley og Leeds United aftur upp í ensku úrvalsdeildina Í beinni: Tottenham - Nott. Forest | Gestirnir á góðum stað FCK tímabundið á toppinn Höfðu betur eftir framlengdan leik Leik lokið: Tindastóll - Álftanes 100-78 | Ótrúlegur sigur Stólanna Alfons með sitt fyrsta mark fyrir Birmingham Aldís Ásta og stöllur einum sigri frá úrslitunum Uppgjörið: Þór/KA - Tindastóll 2-1 | Endurkoma í Boganum Uppgjörið: FHL - Valur 0-2 | Valskonur sóttu þrjú stig austur Guðrún og Katla með stoðsendingar í Íslendingaslag Valur og KR unnu Scania Cup Lewandowski frá næstu vikurnar og missir af stórleikjum Enn eitt jafnteflið hjá Lyngby Fimmtán ára bjargaði stigi fyrir Brøndby „Vonandi fáum við fulla stúku í dag“ Fjörutíu mínútna hlé eftir að peningi var kastað í dómara „Þetta var hræðilegt og 2025 verður sársaukafullt“ Warriors vann leik sem var eins og frá 1997 Leik Alberts og öllum öðrum á Ítalíu frestað vegna andláts páfa Segir að Alexander-Arnold eigi ekki að byrja fleiri leiki ef hann er á förum Vandræði KR við nýja völlinn: „Hér var bara mýri og ruslahaugur“ Liverpool gæti orðið meistari strax á miðvikudag Saka ekki alvarlega meiddur Dagskráin í dag: Íslenskt góðgæti með erlendu kryddi „Vonast til að vera sendiherra fyrir alla leikmenn Palestínu“ „Hagsmunum félagsins best borgið með sölu á leikmanninum“ Ástbjörn missir af næstu leikjum KR Sjá meira
Hollenski fimleikaþjálfarinn Gerrit Beltman er mikill Íslandsvinur og hefur átt í samstarfi við Fimleikasamband Íslands og Gróttu á síðustu tveimur áratugum. Hann hefur til að mynda hjálpað til við æfingabúðir hér á landi og tekið á móti íslenskum fimleikastelpum til æfinga í Belgíu þegar hann starfaði þar, og leyft þeim að gista á heimili sínu. Beltman viðurkenndi í viðtali í Hollandi á dögunum að hann hefði beitt grimmúðlegum þjálfunaraðferðum á sínum ferli, til að mynda þegar hann var landsliðsþjálfari Hollands á síðustu öld. Hann hafi niðurlægt iðkendur með það eitt að markmiði að þeir ynnu til verðlauna, og hann skammist sín. Dregin eftir gólfinu og kastað út í vegg Fyrrverandi fimleikakonur í Hollandi hafa í kjölfarið stigið fram og sakað hann um að gera lítið úr því hvernig hann hagaði sér, og bent á fleiri þjálfara sem séu tæplega skárri. Núverandi landsliðsþjálfarar hafa verið settir til hliðar tímabundið á meðan að rannsókn á málinu fer fram, í óþökk Eyþóru Elísabetar Þórsdóttur (sem á íslenska foreldra) og annarra núverandi landsliðskvenna Hollands. Stasja Köhler og Simone Heitinga skrifuðu bók árið 2013 og lýstu því andlega og líkamlega ofbeldi sem þær urðu fyrir af hendi Beltman, sem landsliðskonur Hollands seint á síðustu öld. Heitinga sagði eftir viðtalið við Beltman, sem birtist í Noordhollands Dagblad fyrir skömmu, að hún hefði reiðst við að sjá að hann reyndi að fegra hlutina. „Ef Beltman var reiður við mig, til dæmis ef ég gerði ekki einhverja æfingu, réðst hann á mig í búningsklefanum. Ég var dregin eftir gólfinu, mér lyft upp á hálsinum og hent niður, hrækt á mig og mér kastað út í vegg,“ sagði Heitinga meðal annars. Köhler og fleiri urðu vitni að þessu, þá jafnvel ungar stúlkur, á lokaáratug síðustu aldar. „Virkilega góður þjálfari“ en ekki gallalaus Sif Pálsdóttir, fyrrverandi afrekskona í fimleikum, þekkir Beltman vel en hún æfði til að mynda hjá honum 15 ára gömul í lok árs 2002 og dvaldi á heimili hans, ásamt æfingafélaga sem og þáverandi þjálfara sínum hjá Gróttu, Berglindi Pétursdóttur. Beltman hefur síðan haldið góðu sambandi við fimleikaforkólfa á Íslandi og var síðast hér á landi í fyrra með belgískt lið við æfingar, að sögn Sifjar. Hann starfar nú í Singapúr. Sif kynntist Beltman talsvert síðar en þær Köhler og Heitinga. Hún segir þjálfunaraðferðir hans vissulega hafa verið harkalegar, stundum hafi hann gengið of langt, en þó aldrei beitt líkamlegu ofbeldi svo að hún vissi til, eins og hann er sakaður um að hafa gert áður en hann kynntist Íslendingunum. „Ég myndi aldrei segja að hann hafi niðurlægt mig sem iðkanda, aldrei,“ segir Sif, og telur að upplifun annarra íslenskra fimleikakvenna sem komist hafi í kynni við Beltman sé sú sama. Sif Pálsdóttir og Harpa Snædís Hauksdóttir fóru ásamt þjálfaranum Berglindi Pétursdóttur og dvöldu hjá Beltman í lok ás 2002.Úr DV 6. janúar 2003. „Ég fer ekki ofan af því að hann sé virkilega góður fimleikaþjálfari. Hann kann að búa til góðar fimleikastelpur. Hvort að það sé allt fullkomið sem hann gerir? Það er náttúrulega ekki til sá þjálfari sem er ekki með einhverja galla,“ segir Sif við Vísi. „Fimleikarnir eru „hardcore“. Þetta er mjög andleg íþrótt – þú þarft að vera rosalega sterkur andlega. Hann beitti ýmsum aðferðum, sem maður er ekki endilega sáttur með, og hann hefði getað gert hlutina öðruvísi. En fyrir mér var hann mjög góður þjálfari og ég var mjög ánægð með hann.“ „Braut mig svolítið niður andlega“ Sif, sem varð meðal annars Norðurlandameistari í fjölþraut 2006 og fimmfaldur Íslandsmeistari í fjölþraut á sínum ferli, lýsir sinni upplifun af Beltman svona: „Hann braut mig svolítið niður andlega. Ég man eftir einu tilviki þar sem hann sagði að ég yrði of glöð yfir litlum hlutum. Að ég þyrfti að vera harðari við sjálfa mig ef ég ætlaði að ná lengra. Þetta var hans leið til að ýta mér lengra, sem hann sagði að ég gæti ef ég vildi. Ég ætti að setja mér stærri markmið í stað þess að gleðjast yfir litlum hlutum. Ég var unglingur þarna, 15-16 ára, og þetta særði mig smá. En þetta var ekki alvarlegra en þetta. Hann beitti mig og íslensku fimleikastelpurnar ekki neinu líkamlegu ofbeldi. Ég hef aldrei orðið vitni af slíku,“ segir Sif. Sif Pálsdóttir varð Evrópumeistari í hópfimleikum eftir að ferlinum í áhaldafimleikum lauk. Hér er hún, lengst til vinstri, með liðsfélögum úr Evrópumeistaraliðinu.Mynd/FSÍ Eyþóra Elísabet Þórsdóttir, landsliðskona Hollands sem á íslenska foreldra, hefur ásamt liðsfélögum sínum sent út yfirlýsingu. Þær segjast hafa samúð með þeim sem hafi neikvæða reynslu af því að æfa fimleika en að sá veruleiki sem lýst hafi verið, þar sem líkamlegar og andlegar refsingar voru hluti af þjálfun, tilheyri fortíðinni. Slíkt sé ekki eitthvað sem þær hafi upplifað í sinni þjálfun. STATEMENT De afgelopen periode vormt er een opeenstapeling van triest nieuws vanuit de turnwereld. Eerst...Posted by Eythora Thorsdottir on Mánudagur, 27. júlí 2020 Sif bendir á að með meiri þekkingu sé þjálfun betri í dag, og sjálfsagt „mannúðlegri“ í augum þeirra sem standa fyrir utan fimleikasalinn. Henni hafi þó aldrei fundist Beltman niðurlægja sig, þó að hann gæti verið „leiðinlegur“ og hún verið sár út í hann. „Ég var afreksmaður í fimleikum og þú þarft að hafa bein í nefinu til þess, og það komast ekki allir þangað sem að ég komst. Þú þarft ákveðna hörku til þess. Þetta var hans leið til að ýta mér lengra áfram,“ segir Sif sem er sjálf menntaður íþróttafræðingur og starfar hjá fimleikafélaginu Gerplu. Aðrar aðferðir í dag „Í gamla daga má segja að þetta hafi verið þannig að iðkandinn var brotinn niður til þess að byggja hann upp. Sú aðferð er nú ekki notuð í dag held ég, heldur meiri jákvæði og hvatning. En þeir sem þekkja hvernig fimleikarnir eru, þar sem þú færð einn séns fyrir framan dómara sem dæma þig og reyna að finna það sem er að, skilja að þjálfarinn er alltaf að benda á það sem þú þarft að gera betur. Þú ert alltaf að leitast eftir því að gera eitthvað fullkomið, sem er náttúrulega ekki hægt. Það er alltaf hægt spenna meira úr ristunum, strekkja betur úr hnjánum og svo framvegis. Það er því eðlilegt að þjálfarinn sé alltaf að pikka í þig. Í dag eru fræðin meiri, og ég sem þjálfari segi kannski hvað þarf að gera betur en bendi þá um leið á það sem er gott og hvet áfram.“
Fimleikar Holland Mest lesið Vandræði KR við nýja völlinn: „Hér var bara mýri og ruslahaugur“ Íslenski boltinn Uppgjörið: Tindastóll - Álftanes 100-78 | Ótrúlegur sigur Stólanna Körfubolti Uppgjörið: Þór/KA - Tindastóll 2-1 | Endurkoma í Boganum Íslenski boltinn Leik Alberts og öllum öðrum á Ítalíu frestað vegna andláts páfa Fótbolti Segir að Alexander-Arnold eigi ekki að byrja fleiri leiki ef hann er á förum Enski boltinn Liverpool gæti orðið meistari strax á miðvikudag Enski boltinn Valur og KR unnu Scania Cup Körfubolti Dagskráin í dag: Íslenskt góðgæti með erlendu kryddi Sport „Hagsmunum félagsins best borgið með sölu á leikmanninum“ Íslenski boltinn Uppgjörið: FHL - Valur 0-2 | Valskonur sóttu þrjú stig austur Íslenski boltinn Fleiri fréttir „Kemur einn leikmaður sem við getum staðfest í kringum næsta leik” „Við stóðum af okkur storminn“ Í beinni: Stjarnan - Grindavík | Hörkueinvígi hefst Burnley og Leeds United aftur upp í ensku úrvalsdeildina Í beinni: Tottenham - Nott. Forest | Gestirnir á góðum stað FCK tímabundið á toppinn Höfðu betur eftir framlengdan leik Leik lokið: Tindastóll - Álftanes 100-78 | Ótrúlegur sigur Stólanna Alfons með sitt fyrsta mark fyrir Birmingham Aldís Ásta og stöllur einum sigri frá úrslitunum Uppgjörið: Þór/KA - Tindastóll 2-1 | Endurkoma í Boganum Uppgjörið: FHL - Valur 0-2 | Valskonur sóttu þrjú stig austur Guðrún og Katla með stoðsendingar í Íslendingaslag Valur og KR unnu Scania Cup Lewandowski frá næstu vikurnar og missir af stórleikjum Enn eitt jafnteflið hjá Lyngby Fimmtán ára bjargaði stigi fyrir Brøndby „Vonandi fáum við fulla stúku í dag“ Fjörutíu mínútna hlé eftir að peningi var kastað í dómara „Þetta var hræðilegt og 2025 verður sársaukafullt“ Warriors vann leik sem var eins og frá 1997 Leik Alberts og öllum öðrum á Ítalíu frestað vegna andláts páfa Segir að Alexander-Arnold eigi ekki að byrja fleiri leiki ef hann er á förum Vandræði KR við nýja völlinn: „Hér var bara mýri og ruslahaugur“ Liverpool gæti orðið meistari strax á miðvikudag Saka ekki alvarlega meiddur Dagskráin í dag: Íslenskt góðgæti með erlendu kryddi „Vonast til að vera sendiherra fyrir alla leikmenn Palestínu“ „Hagsmunum félagsins best borgið með sölu á leikmanninum“ Ástbjörn missir af næstu leikjum KR Sjá meira