Hrafnhildur Andrésdóttir stendur vaktina í veitingatjaldi ÍBV í dalnum um helgina og segir lundann yfirleitt seljast upp á hátíðinni en hún segir krakkana vera spennta að smakka.
Aðspurð hvort að hún hafi sjálf smakkað kjötið stendur ekki á svörunum: „Já oft, það var alltaf í matinn í gamla daga heima hjá mér.“ Hún segir kjötið yfirleitt klárast og vekja mikla lukku: „krakkarnir vilja endilega prufa hann.“
Sjálf er hún alin upp við Þjóðhátíð þó að hún búi í landi í dag„þau eru öll svo glöð og ánægð, allir svo hamingjusamir, loksins Þjóðhátíð og mjög gaman að loksins hafðist þetta hjá okkur.“
Eva Doyle kom til Íslands í maí frá Írlandi þess að sinna sjálfboðastörfum en endaði á Þjóðhátíð þar sem hún er spennt að kynnast íslenskri tónlist betur.
Lil Curly er mættur á Þjóðhátíð í sitt þriðja skipti en óttast þó að ná ekki að skemmta sér að sökum þess að uppáhalds tónlistarmaðurinn hans er ekki að koma fram.
Guðbjörg Hrönn Sigursteinsdóttir hefur aldrei misst af Þjóðhátíð á allri sinni lífstíð. Jafnvel þegar hátíðin féll niður tvö ár í röð vegna Covid var helgin haldin hátíðlega á Lóðahátíð sem fangaði andann.
