Skýrsla Sindra: Þið tókuð af okkur HM Sindri Sverrisson skrifar 11. október 2022 22:54 Glódís Perla Viggósdóttir reynir að hughreysta Söru Björk Gunnarsdóttur. Hver veit hvort þær fái aftur tækifæri saman til að komast á HM? VÍSIR/VILHELM Það var líkt og að sár grátur fyrirliðans Söru Bjarkar Gunnarsdóttur, sitjandi í miðjuhringnum á Estádio da Mata Real, bergmálaði um leikvanginn og yfirgnæfði fagnaðaróp Portúgala í kvöld. Svo bersýnileg voru vonbrigðin. HM-draumurinn var úti og það með eins ósanngjörnum hætti og hugsast getur. Þetta var mögulega síðasti séns Söru á að komast á HM. Það viðurkenndi hún sjálf eftir leik. Eina rósin sem vantaði í hnappagatið fölnaði undir furðulegum flautukonsert hins virta, franska dómara Stéphanie Frappart sem einfaldlega átti langverstu frammistöðuna í Pacos de Ferreira þetta kvöld. Vonbrigðin eru svo ofboðsleg að það er vart hægt að lýsa þeim. Sérstaklega fyrir leikmenn eins og Söru, Gunnhildi Yrsu Jónsdóttur, Söndru Sigurðardóttur og Dagnýju Brynjarsdóttur sem hafa afrekað svo margt og áttu skilið að komast á HM. Ósanngjörn ákvörðun UEFA og dýrkeypt mistök dómarans En þær töpuðu leiknum? Jú, vissulega, en það er ekki hægt að horfa framhjá þeirri staðreynd að UEFA lagði keppnina upp með afar ósanngjörnum hætti, þannig að þó að Ísland ætti betri undankeppni en Portúgal, og væri ofar á öllum styrkleikalistum eftir árangur síðustu ára, fékk Portúgal að spila á heimavelli bara sökum heppni. Ég efast ekki eina sekúndu um að Ísland hefði klárað dæmið á Laugardalsvelli. Á meðan að þessi ákvörðun UEFA um að láta HM-farseðil velta á einum umspilsleik, þar sem dregið er um heimavöll, er afar ósanngjörn þá voru auk þess stórar ákvarðanir Frappart í leiknum einfaldlega rangar. Mér dettur ekki í hug að efast um heilindi dómarans en hún gerði svo dýrkeypt mistök að það er ekki hægt að horfa framhjá þeim. Stéphanie Frappart gaf Áslaugu Mundu rauða spjaldið og neitaði að breyta dómnum þrátt fyrir ábendingu myndbandsdómara.VÍSIR/VILHELM Þar á ég auðvitað sérstaklega við rauða spjaldið sem hún gaf Áslaugu Mundu Gunnlaugsdóttur snemma í seinni hálfleik, rétt eftir að Sveindís Jane Jónsdóttir virtist hafa komið Íslandi yfir. Í bæði skiptin nýtti Frappart ábendingu frá myndbandsdómara en varðandi rauða spjaldið sá hún ekki það sem allir ættu þó að geta séð, að Áslaug Munda rændi leikmann Portúgals ekki upplögðu marktækifæri og ef að á annað borð um brot var að ræða, sem ég efast stórlega um, þá verðskuldaði það í versta falli gult spjald. Portúgal komst svo yfir úr vítinu sem dæmt var við sama tilefni. Íslenska liðið, eins og íslenska þjóðin, var reitt eftir þessi mistök og reiðin braust út í sennilega besta kafla liðsins sem uppskar fljótt jöfnunarmark úr smiðju Glódísar Perlu Viggósdóttur. Engu að síður var þetta rauða spjald vendipunkturinn sem að lokum réði úrslitum í leiknum. Glódís var sú eina á vellinum í kvöld sem lék í allra hæsta klassa og var gjörsamlega frábær í að stöðva kvika og erfiða sóknarmenn Portúgals hvað eftir annað, auk þess að skora markið laglega. Ísland var ekkert ólíklegra en Portúgal til að tryggja sér sigur í venjulegum leiktíma en í framlengingunni virtist bensínið búið á tanknum hjá ansi mörgum, og Portúgal raðaði inn þremur mörkum til að tryggja sér sigur (en þó ekki öruggt sæti á HM nærrum því strax). Eftir stendur því að þrátt fyrir frábæra undankeppni, þar sem einu töp Íslands komu gegn Hollandi, þurfa stelpurnar okkar enn á ný að bíða eftir því að spila í fyrsta sinn á HM. Elstu leikmenn liðsins þurfa væntanlega að kveðja þann möguleika endanlega. Rétt eins og á EM skilur afskaplega lítið á milli feigs og ófeigs, og erfitt að vera með stórar fullyrðingar um annað en að Ísland sé á ágætri leið undir stjórn Þorsteins Halldórssonar. Samkvæmt gildandi samningi hans við KSÍ fær hann annan séns á að komast á HM, mótið sem fram fer 2027, og þó að einhverjir leikmenn detti út á næstu árum er ljóst að í íslenska hópnum er efniviður til að ná á endanum HM-takmarkinu. Um það er hins vegar erfitt að hugsa þegar svekkelsið er eins mikið og í kvöld, þegar rangar og ósanngjarnar ákvarðanir annarra aðila hafa haft eins afdrifaríkar afleiðingar og raun ber vitni. Þá er kannski bara betra að leyfa tárunum að streyma í grasið, og tímanum að græða sárin. Landslið kvenna í fótbolta HM 2023 í Ástralíu og Nýja-Sjálandi Fótbolti Mest lesið Pulis skellihló er hann gerði grín að íslensku eigendunum Enski boltinn Sigurlíkur Liverpool minnkuðu Fótbolti Bitlausu liði Arsenal mistókst að minnka forskot Liverpool Enski boltinn Tottenham vill ekki láta kalla sig Tottenham Enski boltinn Hætti við að dæma víti og United slapp með jafntefli Enski boltinn „Ég lét þetta ekki brjóta mig niður og hafa áhrif á mig“ Fótbolti Gaf unnustu sinni vænt olnbogaskot í leik Fótbolti Uppgjörið: Valur - Slavía Prag 28-21 | Valskonur skrefi nær undanúrslitum Handbolti Í beinni: Aston Villa - Chelsea | Áhugaverður slagur á Villa Park Enski boltinn Uppgjörið: Haukar - Hazena Kynzvart 27-22 | Frækin framganga Hauka dugði því miður ekki til Handbolti Fleiri fréttir Þrenna Óla Vals í stórsigri Blika Magnaður Hákon tryggði Lille stigin þrjú Góður sigur Vestra og Fram tapaði gegn Lengjudeildarliði Öruggur sigur Spurs og Wolves vann óvænt Í beinni: Aston Villa - Chelsea | Áhugaverður slagur á Villa Park Bitlausu liði Arsenal mistókst að minnka forskot Liverpool Moyes: Greinilegt peysutog en við áttum að vera komnir í 3-0 Hafa ekki enn fagnað sigri eftir jól Amorim: Við þurfum að lifa þetta tímabil af Samþykktu að taka áminningu af leikmönnum og fjölga útlendingum Hætti við að dæma víti og United slapp með jafntefli Kom inn á í fyrri háfleik og skoraði í fyrsta sinn í fimm mánuði Arnór Ingvi skoraði tvö mörk í bikarsigri Urðu að ósk Mourinho og kölluðu á útlenskan dómara Ein af þeim sem hefur haldið oftast hreinu í Evrópu Tók vítið í leyfisleysi og var skipt út af þótt hann hefði skorað Sigurlíkur Liverpool minnkuðu Gaf unnustu sinni vænt olnbogaskot í leik Pulis skellihló er hann gerði grín að íslensku eigendunum „Ég lét þetta ekki brjóta mig niður og hafa áhrif á mig“ Tottenham vill ekki láta kalla sig Tottenham ÍR heldur áfram að hrella liðin úr Bestu deildinni Frakkar á toppinn fyrir slaginn við Ísland Brentford bætti við algjöra martröð Leicester Elísabet grátlega nærri því að fella heimsmeistarana í fyrsta leik „Ég hafði trú á því að þær gætu gert þetta betur“ Jón Dagur í frystiklefa í Berlín Uppgjörið: Sviss - Ísland 0-0 | Engin flugeldasýning í fyrsta leik Dagný byrjar á sama stað og hún endaði síðast Zlatan segir skammarverðlaunin verðskulduð Sjá meira
Þetta var mögulega síðasti séns Söru á að komast á HM. Það viðurkenndi hún sjálf eftir leik. Eina rósin sem vantaði í hnappagatið fölnaði undir furðulegum flautukonsert hins virta, franska dómara Stéphanie Frappart sem einfaldlega átti langverstu frammistöðuna í Pacos de Ferreira þetta kvöld. Vonbrigðin eru svo ofboðsleg að það er vart hægt að lýsa þeim. Sérstaklega fyrir leikmenn eins og Söru, Gunnhildi Yrsu Jónsdóttur, Söndru Sigurðardóttur og Dagnýju Brynjarsdóttur sem hafa afrekað svo margt og áttu skilið að komast á HM. Ósanngjörn ákvörðun UEFA og dýrkeypt mistök dómarans En þær töpuðu leiknum? Jú, vissulega, en það er ekki hægt að horfa framhjá þeirri staðreynd að UEFA lagði keppnina upp með afar ósanngjörnum hætti, þannig að þó að Ísland ætti betri undankeppni en Portúgal, og væri ofar á öllum styrkleikalistum eftir árangur síðustu ára, fékk Portúgal að spila á heimavelli bara sökum heppni. Ég efast ekki eina sekúndu um að Ísland hefði klárað dæmið á Laugardalsvelli. Á meðan að þessi ákvörðun UEFA um að láta HM-farseðil velta á einum umspilsleik, þar sem dregið er um heimavöll, er afar ósanngjörn þá voru auk þess stórar ákvarðanir Frappart í leiknum einfaldlega rangar. Mér dettur ekki í hug að efast um heilindi dómarans en hún gerði svo dýrkeypt mistök að það er ekki hægt að horfa framhjá þeim. Stéphanie Frappart gaf Áslaugu Mundu rauða spjaldið og neitaði að breyta dómnum þrátt fyrir ábendingu myndbandsdómara.VÍSIR/VILHELM Þar á ég auðvitað sérstaklega við rauða spjaldið sem hún gaf Áslaugu Mundu Gunnlaugsdóttur snemma í seinni hálfleik, rétt eftir að Sveindís Jane Jónsdóttir virtist hafa komið Íslandi yfir. Í bæði skiptin nýtti Frappart ábendingu frá myndbandsdómara en varðandi rauða spjaldið sá hún ekki það sem allir ættu þó að geta séð, að Áslaug Munda rændi leikmann Portúgals ekki upplögðu marktækifæri og ef að á annað borð um brot var að ræða, sem ég efast stórlega um, þá verðskuldaði það í versta falli gult spjald. Portúgal komst svo yfir úr vítinu sem dæmt var við sama tilefni. Íslenska liðið, eins og íslenska þjóðin, var reitt eftir þessi mistök og reiðin braust út í sennilega besta kafla liðsins sem uppskar fljótt jöfnunarmark úr smiðju Glódísar Perlu Viggósdóttur. Engu að síður var þetta rauða spjald vendipunkturinn sem að lokum réði úrslitum í leiknum. Glódís var sú eina á vellinum í kvöld sem lék í allra hæsta klassa og var gjörsamlega frábær í að stöðva kvika og erfiða sóknarmenn Portúgals hvað eftir annað, auk þess að skora markið laglega. Ísland var ekkert ólíklegra en Portúgal til að tryggja sér sigur í venjulegum leiktíma en í framlengingunni virtist bensínið búið á tanknum hjá ansi mörgum, og Portúgal raðaði inn þremur mörkum til að tryggja sér sigur (en þó ekki öruggt sæti á HM nærrum því strax). Eftir stendur því að þrátt fyrir frábæra undankeppni, þar sem einu töp Íslands komu gegn Hollandi, þurfa stelpurnar okkar enn á ný að bíða eftir því að spila í fyrsta sinn á HM. Elstu leikmenn liðsins þurfa væntanlega að kveðja þann möguleika endanlega. Rétt eins og á EM skilur afskaplega lítið á milli feigs og ófeigs, og erfitt að vera með stórar fullyrðingar um annað en að Ísland sé á ágætri leið undir stjórn Þorsteins Halldórssonar. Samkvæmt gildandi samningi hans við KSÍ fær hann annan séns á að komast á HM, mótið sem fram fer 2027, og þó að einhverjir leikmenn detti út á næstu árum er ljóst að í íslenska hópnum er efniviður til að ná á endanum HM-takmarkinu. Um það er hins vegar erfitt að hugsa þegar svekkelsið er eins mikið og í kvöld, þegar rangar og ósanngjarnar ákvarðanir annarra aðila hafa haft eins afdrifaríkar afleiðingar og raun ber vitni. Þá er kannski bara betra að leyfa tárunum að streyma í grasið, og tímanum að græða sárin.
Landslið kvenna í fótbolta HM 2023 í Ástralíu og Nýja-Sjálandi Fótbolti Mest lesið Pulis skellihló er hann gerði grín að íslensku eigendunum Enski boltinn Sigurlíkur Liverpool minnkuðu Fótbolti Bitlausu liði Arsenal mistókst að minnka forskot Liverpool Enski boltinn Tottenham vill ekki láta kalla sig Tottenham Enski boltinn Hætti við að dæma víti og United slapp með jafntefli Enski boltinn „Ég lét þetta ekki brjóta mig niður og hafa áhrif á mig“ Fótbolti Gaf unnustu sinni vænt olnbogaskot í leik Fótbolti Uppgjörið: Valur - Slavía Prag 28-21 | Valskonur skrefi nær undanúrslitum Handbolti Í beinni: Aston Villa - Chelsea | Áhugaverður slagur á Villa Park Enski boltinn Uppgjörið: Haukar - Hazena Kynzvart 27-22 | Frækin framganga Hauka dugði því miður ekki til Handbolti Fleiri fréttir Þrenna Óla Vals í stórsigri Blika Magnaður Hákon tryggði Lille stigin þrjú Góður sigur Vestra og Fram tapaði gegn Lengjudeildarliði Öruggur sigur Spurs og Wolves vann óvænt Í beinni: Aston Villa - Chelsea | Áhugaverður slagur á Villa Park Bitlausu liði Arsenal mistókst að minnka forskot Liverpool Moyes: Greinilegt peysutog en við áttum að vera komnir í 3-0 Hafa ekki enn fagnað sigri eftir jól Amorim: Við þurfum að lifa þetta tímabil af Samþykktu að taka áminningu af leikmönnum og fjölga útlendingum Hætti við að dæma víti og United slapp með jafntefli Kom inn á í fyrri háfleik og skoraði í fyrsta sinn í fimm mánuði Arnór Ingvi skoraði tvö mörk í bikarsigri Urðu að ósk Mourinho og kölluðu á útlenskan dómara Ein af þeim sem hefur haldið oftast hreinu í Evrópu Tók vítið í leyfisleysi og var skipt út af þótt hann hefði skorað Sigurlíkur Liverpool minnkuðu Gaf unnustu sinni vænt olnbogaskot í leik Pulis skellihló er hann gerði grín að íslensku eigendunum „Ég lét þetta ekki brjóta mig niður og hafa áhrif á mig“ Tottenham vill ekki láta kalla sig Tottenham ÍR heldur áfram að hrella liðin úr Bestu deildinni Frakkar á toppinn fyrir slaginn við Ísland Brentford bætti við algjöra martröð Leicester Elísabet grátlega nærri því að fella heimsmeistarana í fyrsta leik „Ég hafði trú á því að þær gætu gert þetta betur“ Jón Dagur í frystiklefa í Berlín Uppgjörið: Sviss - Ísland 0-0 | Engin flugeldasýning í fyrsta leik Dagný byrjar á sama stað og hún endaði síðast Zlatan segir skammarverðlaunin verðskulduð Sjá meira
Uppgjörið: Haukar - Hazena Kynzvart 27-22 | Frækin framganga Hauka dugði því miður ekki til Handbolti
Uppgjörið: Haukar - Hazena Kynzvart 27-22 | Frækin framganga Hauka dugði því miður ekki til Handbolti