KA átti allan tímann undir högg að sækja í dag og var komið fimm mörkum undir þegar gengið var til búningsherbergja í hálfleik. Það gekk ill að minnka muninn í síðari hálfleik en mest náðu heimamenn að minnka muninn niður í tvö mörk undir lok leiks.
Allt kom þó fyrir ekki og HC Fivers vann fjögurra marka sigur, 26-30, sem skilar liðinu í þriðju umferð Evrópubikarkeppninnar.
Einar Rafn Eiðsson var markahæstur í liði KA með átta mörk, þar á eftir kom Skarphéðinn Ívar Einarsson með fimm mörk.
