Leitin að Gunnari Svan Björgvinssyni í Eskifirði og Reyðarfirði hefur engan árangur boðið. Hans hefur verið leitað frá því á sunnudaginn en í morgun var leitað á þyrlu landhelgisgæslunnar.
Í tilkynningu frá Lögreglunni á Austurlandi segir að fyrr í vikunni hafi upplýsingar um ferðir Gunnars enn verið óljósar og þá hafi verið leitað í fjörum Eskifjarðar og í bænum. Því verður haldið áfram.
Leitað verður í fjörum og hlíðum Eskifjarðar, auk þess sem leitað verður í bænum. Íbúar eru beðnir um að láta sér ekki bregða sjáist björgunarsveitarfólk nærri heimilum þeirra á næstu dögum.
Þá eru Íbúar beðnir um að kanna sitt nærumhverfi, einkum skúra, geymslur og önnur mannlaus rými.
Lögreglan á Austurlandi lýsir eftir Gunnari Svan Björgvinssyni. Síðast er vitað um ferðir Gunnars 24. febrúar síðastliðinn við heimili sitt á Eskifirði. Gunnar er liðlega fertugur að aldri, 186 cm á hæð, grannvaxinn með áberandi sítt brúnt hár.
Greint hefur verið frá því í dag að leit sé hafin á Eskifirði að manni sem ekkert hefur spurst til um nokkurra daga skeið. Upplýsingafulltrúi Landsbjargar segir að frekar sé um eftirgrennslan að ræða.
