„Ég er svo hrikalega sár yfir þessu“ Oddur Ævar Gunnarsson skrifar 3. maí 2023 07:01 Elísabet vill að íslenskt samfélag dragi lærdóm af andláti frænda síns. Samsett Föðursystir Stefáns Arnars Gunnarssonar kallar eftir því að íslenskt samfélag læri af þeim harmleik sem fólst í andláti hans. Hún hugsar hlýlega til forseta Íslands sem huggaði aðstandendur með hjónabandssælu þegar leit stóð yfir að Stefáni. „Ég er ekki að ásaka einn eða neinn. Mig langar bara að vekja okkur,“ segir Elísabet Sveinsdóttir í samtali við Vísi. Stefán Arnar Gunnarsson var borinn til grafar síðastliðinn föstudag. Hann fannst látinn í Reykjanesbæ þann 5. apríl. Hvarf sama dag Stefán Arnar starfaði sem þjálfari 3. flokk karla í HK og hefur bróðir hans Samúel Ívar Árnason, áður gagnrýnt aukna hörku í samskiptum foreldra barna við þjálfara. Sagði Samúel frá því að bróðir hans hefði verið rekinn úr starfi sínu hjá HK og vísað til samskiptavanda. Viku fyrir það hefði Íþróttasambandi Íslands (ÍSÍ) borist nafnlaust bréf byggt á sögusögnum sem að sögn Samúels eigi ekki við rök að styðjast. Stefán var látinn vita af bréfinu tveimur vikum síðar og þá óskaði hann eftir fundi með samskiptafulltrúa ÍSÍ. Samúel segir þar hafa verið farið yfir þessar ásakanir. Þeim hafi verið auðsvarað og þær auðleystar. „Að því sem við fáum best séð er það bara tilbúningur. Fundinum lýkur svo á því að hann er skilinn eftir með það að HK geti vísað í staðreyndir málsins ef eitthvað félag vill ráða hann. Sama dag þá hverfur hann,“ sagði Samúel í Bítinu. Snýst um vinnufrið fólks Elísabet segir í Facebook færslu í tilefni af útför frænda síns að mikilvægt sé að íslenskt samfélag læri af þessum harmleik svo andlát Arnars verði ekki gjörsamlega tilgangslaust, heldur djúpur lærdómur. „Þetta er svo hroðalegur missir, þegar svona fólk bugast. Ég er svo hrikalega sár yfir þessu,“ segir Elísabet í samtali við Vísi. Hún segir það sitja í sér það stöðuga áreiti sem Stefán Arnar virðist hafa orðið fyrir í starfi sínu sem þjálfari. „Það var hamast á honum og allskonar dylgjur hafðar í frammi. Hann lá vel við höggi, var einstæðingur, handboltanörd og lifði fyrir að þjálfa og ná árangri með sinn hóp. Lífið var handbolti 24/7. Hann var ekki mikið fyrir að „kyssa rassa“ - og nennti engu „búllsjitti“ svo ég tali nú bara íslensku.“ Elísabet segir mikilvægt að fólk sem vinni með börnum fái vinnufrið. Elísabet segir að mikilvægt sé að fólk sem starfi með börnum, kennarar og þjálfarar, fái vinnufrið. „Þetta er fólk sem er að reyna að gera sitt besta en á sama tíma er allt morandi í kommentum gagnvart þessu fólki ef þau dirfast að gera ekki það sem fólk biður um.“ Í dag sé varla þverfótað fyrir mömmum og pöbbum, ömmum og öfum á hliðarlínunni, ekki bara á leikjum heldur einnig á æfingum. „Þjálfarar hafa engan vinnufrið. Það er andað ofan í hálsmálið á þeim og hnefinn steyttur ef „barnið mitt“ fær ekki „rétta“ meðhöndlun. Eigum við ekki að segja þetta gott og reyna að finna milliveginn?“ Hún hvetur fólk til þess að hugsa um öll sín samskipti við aðra. Stefán Arnar hafi verið góður kennari með góða stjórn á bekknum sínum. „Fyrir vikið þá hafa börn dýrkað hann og dáð þar sem hann kenndi, því auðvitað vilja börn fá svona stýringu og aga þar sem enginn veður yfir annan.“ Sárt að vita að Stefán Arnar hafi aldrei fengið að sjá bréfið Þá segir Elísabet að bréfið sem sent hafi verið til samskiptastjóra ÍSÍ vegna Stefáns Arnars sitji í sér. Kvittað hafi verið undir það með nafni sem ekki finnst í þjóðskrá og símanúmeri frá vinsælum pizzastað. „Svo er líka svo sárt að vita að hann hafi aldrei fengið að sjá þetta bréf. Honum var meinað að sjá það. Hann er mjög glöggur maður og ég veit að hann hefði komið augu á þetta númer strax og að þetta hefði nú ekki staðist skoðun.“ Hún segist velta vöngum yfir því hvað þeim sem skrifaði bréfið hafi staðið til. Hvort um hafi verið að ræða grín. „Hversu sjúkur húmor… Þegar við fengum vitneskju um þetta athæfi varð mér allri lokið. Hver gerir svona? Hversu mikill heigulsháttur? Guð minn almáttugur! Var ekki nóg að láta reka Arnar sem þjálfara? Var ekki nóg að koma óorði á hann sem kennara? Þurfti líka að svifta hann mannorðinu og koma því þannig fyrir að hann gæti aldrei stundað sína ástríðu það er að þjálfa handbolta?“ Samskiptaráðgjafi ÍSÍ er með aðsetur hjá Domus Mentis-Geðheilsustöð. Hjálmar Karlsson, samskiptaráðgjafi hjá stöðinni, segist í samtali við Vísi vera bundinn trúnaði vegna málsins. Hann geti því ekki staðfest það sem fram kemur í færslu Elísabetar, það er hvort umrætt bréf hafi verið undirritað nafni sem ekki er til í þjóðskrá og með símanúmeri vinsæls pizzastaðar. Þakklát Guðna og Elizu Elísabet segist gríðarlega þakklát þeim sem lögðu lóðar á vogarskálina við leitina að Stefáni Arnari. Hún rifjar það upp þegar Guðni Th. Jóhannesson, forseti Íslands og Eliza Reid, forsetafrú, mættu í leitarstöðina við Bessastaði. „Þessi stund var náttúrulega með ólíkindum, þegar þau Eliza komu labbandi inn og Guðni með fullt box af nýbakaðri hjónabandssælu fyrir leitarfólkið. Hvar gerist þetta annars staðar í heiminum? Við vorum þarna niðurlútin og forsetinn kemur og umvefur okkur. Þetta var ótrúlegt.“ Fjölskylda Stefáns Arnars var gríðarlega þakklát forsetahjónunum fyrir sýndan samhug þegar leit stóð yfir.Elísabet Sveinsdóttir Hún segist aldrei munu gleyma þessu. „Og heldur ekki því þegar Guðni tók utanum mig þegar ég beygði af.“ Elísabet hvetur landsmenn til þess að vera vakandi fyrir ofbeldi og einelti af öllum toga. Ekki bara gagnvart börnum heldur líka fullorðnum. „Því einelti þrífst víða - já og munum að aðgát skal höfð í nærveru sálar - alltaf! Sýnum skilning og umburðarlyndi.“ Í þessari grein er fjallað um sjálfsvíg. Fólk með sjálfsvígshugsanir getur hringt í Pieta-samtökin. Píeta síminn er opinn allan sólarhringinn og er 552-2218 og vefsíðan pieta.is. Lögreglumál Forseti Íslands Guðni Th. Jóhannesson Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Segir orðræðu varaforsetans ósanngjarna Erlent Tala látinna komin yfir þúsund Erlent Nýtt hverfi innblásið af gömlu Reykjavík Innlent Bein útsending: Deildarmyrkvi á sólu Innlent RÚV leiðréttir umfjöllun um mál Ásthildar Lóu Innlent Borgarfulltrúi sagður hafa sýnt ógnandi hegðun á íbúafundi Innlent „Það er skítkalt hérna“ Erlent Jagúar, skrautleg ferð, Baltasar Kormákur og fullt af „ís“ Innlent Fleiri fréttir Bein útsending: Deildarmyrkvi á sólu Unglingur hrækti á lögreglumann Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Harmsögur af stríði, fjöldagrafir og tíðar árásir taka á líkama og sál Sjá meira
„Ég er ekki að ásaka einn eða neinn. Mig langar bara að vekja okkur,“ segir Elísabet Sveinsdóttir í samtali við Vísi. Stefán Arnar Gunnarsson var borinn til grafar síðastliðinn föstudag. Hann fannst látinn í Reykjanesbæ þann 5. apríl. Hvarf sama dag Stefán Arnar starfaði sem þjálfari 3. flokk karla í HK og hefur bróðir hans Samúel Ívar Árnason, áður gagnrýnt aukna hörku í samskiptum foreldra barna við þjálfara. Sagði Samúel frá því að bróðir hans hefði verið rekinn úr starfi sínu hjá HK og vísað til samskiptavanda. Viku fyrir það hefði Íþróttasambandi Íslands (ÍSÍ) borist nafnlaust bréf byggt á sögusögnum sem að sögn Samúels eigi ekki við rök að styðjast. Stefán var látinn vita af bréfinu tveimur vikum síðar og þá óskaði hann eftir fundi með samskiptafulltrúa ÍSÍ. Samúel segir þar hafa verið farið yfir þessar ásakanir. Þeim hafi verið auðsvarað og þær auðleystar. „Að því sem við fáum best séð er það bara tilbúningur. Fundinum lýkur svo á því að hann er skilinn eftir með það að HK geti vísað í staðreyndir málsins ef eitthvað félag vill ráða hann. Sama dag þá hverfur hann,“ sagði Samúel í Bítinu. Snýst um vinnufrið fólks Elísabet segir í Facebook færslu í tilefni af útför frænda síns að mikilvægt sé að íslenskt samfélag læri af þessum harmleik svo andlát Arnars verði ekki gjörsamlega tilgangslaust, heldur djúpur lærdómur. „Þetta er svo hroðalegur missir, þegar svona fólk bugast. Ég er svo hrikalega sár yfir þessu,“ segir Elísabet í samtali við Vísi. Hún segir það sitja í sér það stöðuga áreiti sem Stefán Arnar virðist hafa orðið fyrir í starfi sínu sem þjálfari. „Það var hamast á honum og allskonar dylgjur hafðar í frammi. Hann lá vel við höggi, var einstæðingur, handboltanörd og lifði fyrir að þjálfa og ná árangri með sinn hóp. Lífið var handbolti 24/7. Hann var ekki mikið fyrir að „kyssa rassa“ - og nennti engu „búllsjitti“ svo ég tali nú bara íslensku.“ Elísabet segir mikilvægt að fólk sem vinni með börnum fái vinnufrið. Elísabet segir að mikilvægt sé að fólk sem starfi með börnum, kennarar og þjálfarar, fái vinnufrið. „Þetta er fólk sem er að reyna að gera sitt besta en á sama tíma er allt morandi í kommentum gagnvart þessu fólki ef þau dirfast að gera ekki það sem fólk biður um.“ Í dag sé varla þverfótað fyrir mömmum og pöbbum, ömmum og öfum á hliðarlínunni, ekki bara á leikjum heldur einnig á æfingum. „Þjálfarar hafa engan vinnufrið. Það er andað ofan í hálsmálið á þeim og hnefinn steyttur ef „barnið mitt“ fær ekki „rétta“ meðhöndlun. Eigum við ekki að segja þetta gott og reyna að finna milliveginn?“ Hún hvetur fólk til þess að hugsa um öll sín samskipti við aðra. Stefán Arnar hafi verið góður kennari með góða stjórn á bekknum sínum. „Fyrir vikið þá hafa börn dýrkað hann og dáð þar sem hann kenndi, því auðvitað vilja börn fá svona stýringu og aga þar sem enginn veður yfir annan.“ Sárt að vita að Stefán Arnar hafi aldrei fengið að sjá bréfið Þá segir Elísabet að bréfið sem sent hafi verið til samskiptastjóra ÍSÍ vegna Stefáns Arnars sitji í sér. Kvittað hafi verið undir það með nafni sem ekki finnst í þjóðskrá og símanúmeri frá vinsælum pizzastað. „Svo er líka svo sárt að vita að hann hafi aldrei fengið að sjá þetta bréf. Honum var meinað að sjá það. Hann er mjög glöggur maður og ég veit að hann hefði komið augu á þetta númer strax og að þetta hefði nú ekki staðist skoðun.“ Hún segist velta vöngum yfir því hvað þeim sem skrifaði bréfið hafi staðið til. Hvort um hafi verið að ræða grín. „Hversu sjúkur húmor… Þegar við fengum vitneskju um þetta athæfi varð mér allri lokið. Hver gerir svona? Hversu mikill heigulsháttur? Guð minn almáttugur! Var ekki nóg að láta reka Arnar sem þjálfara? Var ekki nóg að koma óorði á hann sem kennara? Þurfti líka að svifta hann mannorðinu og koma því þannig fyrir að hann gæti aldrei stundað sína ástríðu það er að þjálfa handbolta?“ Samskiptaráðgjafi ÍSÍ er með aðsetur hjá Domus Mentis-Geðheilsustöð. Hjálmar Karlsson, samskiptaráðgjafi hjá stöðinni, segist í samtali við Vísi vera bundinn trúnaði vegna málsins. Hann geti því ekki staðfest það sem fram kemur í færslu Elísabetar, það er hvort umrætt bréf hafi verið undirritað nafni sem ekki er til í þjóðskrá og með símanúmeri vinsæls pizzastaðar. Þakklát Guðna og Elizu Elísabet segist gríðarlega þakklát þeim sem lögðu lóðar á vogarskálina við leitina að Stefáni Arnari. Hún rifjar það upp þegar Guðni Th. Jóhannesson, forseti Íslands og Eliza Reid, forsetafrú, mættu í leitarstöðina við Bessastaði. „Þessi stund var náttúrulega með ólíkindum, þegar þau Eliza komu labbandi inn og Guðni með fullt box af nýbakaðri hjónabandssælu fyrir leitarfólkið. Hvar gerist þetta annars staðar í heiminum? Við vorum þarna niðurlútin og forsetinn kemur og umvefur okkur. Þetta var ótrúlegt.“ Fjölskylda Stefáns Arnars var gríðarlega þakklát forsetahjónunum fyrir sýndan samhug þegar leit stóð yfir.Elísabet Sveinsdóttir Hún segist aldrei munu gleyma þessu. „Og heldur ekki því þegar Guðni tók utanum mig þegar ég beygði af.“ Elísabet hvetur landsmenn til þess að vera vakandi fyrir ofbeldi og einelti af öllum toga. Ekki bara gagnvart börnum heldur líka fullorðnum. „Því einelti þrífst víða - já og munum að aðgát skal höfð í nærveru sálar - alltaf! Sýnum skilning og umburðarlyndi.“ Í þessari grein er fjallað um sjálfsvíg. Fólk með sjálfsvígshugsanir getur hringt í Pieta-samtökin. Píeta síminn er opinn allan sólarhringinn og er 552-2218 og vefsíðan pieta.is.
Lögreglumál Forseti Íslands Guðni Th. Jóhannesson Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Segir orðræðu varaforsetans ósanngjarna Erlent Tala látinna komin yfir þúsund Erlent Nýtt hverfi innblásið af gömlu Reykjavík Innlent Bein útsending: Deildarmyrkvi á sólu Innlent RÚV leiðréttir umfjöllun um mál Ásthildar Lóu Innlent Borgarfulltrúi sagður hafa sýnt ógnandi hegðun á íbúafundi Innlent „Það er skítkalt hérna“ Erlent Jagúar, skrautleg ferð, Baltasar Kormákur og fullt af „ís“ Innlent Fleiri fréttir Bein útsending: Deildarmyrkvi á sólu Unglingur hrækti á lögreglumann Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Harmsögur af stríði, fjöldagrafir og tíðar árásir taka á líkama og sál Sjá meira