Lífið á Vísi fékk sérstaka álitsgjafa til liðs við sig til að velja eftirsóttustu piparsveina landsins.
Árni Hauksson fjárfestir (1966)
„Ljúfmennið uppmálað sem er með með lúkkið og fjármálin á hreinu.“
Brynjar Steinn Gylfason, þekktur sem Binni Glee (1999)
„Binni Glee er súperstjarna og með því! Ótrúlega ljúfur, hjartahlýr og einlægur. Hann er smá feiminn en þegar maður kemst að þá er hann algjör meistari og fyndinn.“
Arnór Dan Arnarson, söngvari Agent Fresco, tónlistarmaður (1985)
„Hæfileikabúntið Arnór er afar geðslegur og kynngimagnaður einstaklingur sem gott er að vera í kringum.“
Leifur Welding, hönnuður og athafnamaður (1976)
„Það er ekki nóg með að þessi maður sé einn hæfileikaríkasti hönnuður landsins þá ber hann listmannshæfileikana utan á sér þar sem fasið, útlitið og klæðaburðurinn er upp á tíu.“
Birgir Olgeirsson, sérfræðingur í almannatengslum hjá flugfélaginu Play (1984)
„Hlýi hjartaknúsarinn sem ber góðmennskuna utan á sér. Hann er hinn fullkomni kærasti ef þú spyrð mig.“
Garpur Ingason Elísabetarson dagskrárgerðarmaður og fjallagarpur (1984)
„Ef þú ert ævintýramanneskja, jákvæð og markmiðadrifin ættir þú að tékka á Garpi. One hell of a body, skemmtilegur og með fallegsta bros landsins.“
Sindri Snær Einarsson, heilbrigðisstarfsmaður og lífskúnstner (1991)
„Hjartahlýr, gullfallegur og með flottasta stíl landins. Hann er alltaf með puttann á púlsinum þegar kemur að nýjustu tísku og því sem er flott. Hann er sömuleiðis ótrúlega hnyttinn og fyndinn, með bestu frasana. Hann er algjört catch!“
Vilhelm Einarsson, þekktur sem Villi Wilson, athafnamaður og pítsabakari (1984)
„Töffari af Guðs náð sem er ekki aðeins snillingur í eldhúsinu heldur lífinu einnig.“
Jón Kári Eldon hönnuður (1989)
„Brosmilda ljúfmennið úr Vesturbænum sem heillar dömurnar með augnaráðinu einu saman.“
Vilhjálmur Hans Vilhjálmsson, þekktur sem Villi Vill, lögmaður (1971)
„Hvað er meira aðlaðandi en töffari á mótorhjóli sem er kallaður stjörnulögmaðurinn? Ég bara spyr.“
Björn Boði Björnsson flugþjónn og nemi (1999)
„Sætur, heitur og sjarmerandi sem bræður alla með sínu töfrandi brosi.“
Heimir Bergmann fasteignasali (1965)
„Ljúfur, léttur og kátur. Hvað er annað hægt að segja um þennan öðling?“
Nökkvi Fjalar Orrason, frumkvöðull (1994)
„Fróðleiksfús þúsundþjalasmiður sem er með skeggrót og bros sem slær öllu öðru við.“
Oddur Atlason rekstrarstjóri Petersen svítunnar (1996)
„Oddur er mesti lífskúnstner sem þekkist. Hann er ótrúlega lífsglaður, kúltíveraður, alltaf gaman að tala við hann og ræða daginn og veginn. Hann lítur ávallt á björtu hliðar lífsins og er mikið sjarmatröll.“
Björn Bragi Arnarsson fjölmiðla- og athafnamaður (1984)
„Þessi maður hefur allan pakkan. Ríkur, myndarlegur og fyndinn!“
Ágúst Beinteinn, þekktur sem Gústi B, útvarpsmaður og plötusnúður (2001)
„Sjarmatröll sem kanna að heilla kvenpeninginn upp úr skónum með sínu blíða brosi. Töffari en samt svo mjúkur.“
Daniil Moroshkin, íslensk-rússneskur tónlistarmaður og rappari (2001)
„Ungur og efnilegur töffari sem býr yfir ákveðinni dulúð. Þig langar alltaf að vita meira. Svo er hann á sama tíma með hlýlegt bros og afslappaða nærveru.“
Bassi Maraj raunveruleikastjarna (1998)
„Bassi er fyndnasti maður landsins með heillandi nærveru og sjarma og hlátur sem nær manni í hvert einasta skipti. Svo er hann bara svo sætur.“
Snorri Ásmundsson listamaður (1966)
„Snorri er ótrúlega lífsglaður og tekur lífinu ekki of alvarlega. Hann býr yfir djúpri og skemmtilegri visku og heldur í barnið í sér. Hann smitar út frá sér mikilli gleði.“
