Kjartan Henry Finnbogason knattspyrnumaður og sérfræðingur hjá stöð 2 Sport og Helga Björnsdóttir lögfræðingur hafa fest kaup á íbúð við Grenimel í Vesturbæ Reykjavíkur. Um er að ræða sérhæð í húsi sem teiknað var af Halldóri H. Jónssyni arkitekt árið 1945.
Hjónin færa sig því ekki langt en í síðasta mánuði settu þau íbúð sína að Meistaravöllum í Vesturbænum á sölu. Gamla íbúðin var hundrað fermetrar að stærð en sú nýja er 172,3 fermetrar auk þess sem 33,4 fermetra bílskúr fylgir eigninni.
Þau Kjartan Henry og Helga eignuðust sitt þriðja barn í desember og má því ætla að betur muni fara um fjölskylduna á hinum nýja stað. Fjögur svefnherbergi eru í íbúðinni en uppsett verð samkvæmt söluskrá var 159,9 milljónir króna.
Kjartan Henry Finnbogason, knattspyrnumaður og sérfræðingur hjá Stöð 2 Sport, og Helga Björnsdóttir lögfræðingur hafa sett íbúð sína við Meistaravelli í Vesturbæ Reykjavíkur á sölu. Ásett verð fyrir eignina er 89,9 milljónir.
