Fáðu að vita strax hvort þú hafir efni á drauma­eigninni

En með núverandi fasteignaleit á netinu er bara hálf sagan sögð. Þegar draumaeignin er fundin með plássi fyrir kött og páfagauk, heimilismeðlimi og herbergi fyrir öll áhugamálin, þá getur tekið við fullkomin óvissa um hvort við höfum síðan efni á því að kaupa þessa eign. Því eftir að eignin er fundin, þá þarf að:

• Eiga nægt sparifé fyrir útborgun
• Standast greiðslumat lánastofnunarinnar
• Finna lán sem hentar
• Fá lánsloforð frá þeirri lánastofnun sem hentar best

Núverandi fasteignaleit tekur ekki tillit til þessara liða. Það er alveg hægt að velja uppáhaldspóstnúmer og risherbergi fyrir börnin langt frá hjónasvítunni, en fjármálahliðin situr á hakanum á meðan. Fasteignasalar og eigendur fasteigna til sölu hafa margar sögur að segja af vænlegum kaupendum sem hafa sent gullslegin kauptilboð í húseign en hafa svo ekki getað staðist greiðslumat eða fjármögnun. Það er bara hundleiðinlegt - fyrir alla aðila.

En hér koma góðu fréttirnar. Það er komin ný og betri fasteignaleit netinu sem getur klárað öll þessi skref.

Hún heitir Eignavakt Aurbjargar og fylgir með áskrift Aurbjargar. Með Eignavaktinni getur þú loksins leitað að fasteignum sem þú hefur efni á og fengið tilkynningar um fullkomnar eignir um leið og þær koma í sölu.

Svona lítur leitarsíða Eignavaktarinnar út. Í grunninn er leitin mjög svipuð þessari hefðbundnu fasteignaleit sem Íslendingar elska að grúska í á vinnutíma meðan enginn sér til, nema ef frá eru taldir þrír dálkar, Verðmat, Lánareiknir og Greiðslumat.

Áður en þú byrjar að nota Eignavakt Aurbjargar, þá þarftu bara að fylla út létt greiðslumat. Í því þarf að koma fram hverjar heimilistekjurnar þínar eru ásamt sparnaðinum þínum. Eftir það þarftu að taka fram hver mánaðarlegu gjöldin þín eru, afborganir núverandi heimilislána á mánuði ásamt því hve margir eru í heimili auk fjölda bifreiða á heimilinu þínu. Þetta er alls ekki flókið og flestar þessar upplýsingar finnur þú í banka-appinu þínu eða heimabankanum.

Þegar þessu greiðslumati er lokið færðu þrjár lykiltölur sem hjálpa þér við fasteignaleitina.

Hámarks lánsgeta:

Hve hátt lán þú getur tekið að hámarki. Þá er almennt verið að tala um allt að 80% veðsetningu, 85% ef þú ert að kaupa fasteign í fyrsta skiptið.

Hámarks kaupgeta:

Hér er hámarks lánsgetan þín plús sparnaðinn þinn og þannig kemst þú að því hvað þú hefur efni á dýrri eign. Með þessu móti er vel hægt að tryggja að hinn rammíslenski bogi verði bara hæfilega spenntur.

Hámarks greiðslugeta:

Hér sérðu hámark þeirrar greiðslu sem þú ættir að greiða í afborganir fasteignalána í hverjum mánuði. Greiðslumat Eignavaktar Aurbjargar tekur sérstaklega mið af hámarks greiðslubyrði fasteignalána miðað við reglur frá Seðlabanka Íslands. Þetta er afar mikilvægt því mörg kauptilboð stranda á því að hafa verið sett upp miðað við bráðabirgðagreiðslumöt sem taka ekki tillit til skilyrða Seðlabankans.

Þegar öllu þessu er lokið byrjar gamanið. Eignavaktin getur leitað að öllum fasteignum í sölu á landinu og raðað leitarniðurstöðurnar niður eftir uppáhalds póstnúmerinu þínu eða hentugustu fasteignastærðinni þinni, fjölda svala til suðurs og svo framvegis. En kirsuberið á leitar-kökunni er það að Eignavakt Aurbjargar raðar líka fasteignunum eftir greiðslumatinu þínu og sýnir þér þá fyrst þær eignir sem þú hefur efni á.

Já. Fyrst það sem þú hefur efni á.

Á sama tíma sýnir Eignavakt Aurbjargar þér hugmynd að þeim mánaðarlegu lánagreiðslum sem þú þarft að standa skil á ef þú vilt stökkva á viðeigandi eign. Það er meira að segja hægt að henda í eitt verðmat á eigninni til að kanna hvert markaðsverðið á eigninni gæti verið, samanborið við það sem er sett á hana.

Með Eignavaktinni er því hægt að stilla okkar mestu bjartsýnis-væntingum í hóf og það er lítið sem þarf að koma á óvart í framhaldinu.

Og Eignavaktin heldur áfram að leita að eign fyrir þig. Hún lætur þig vita - aftur og aftur - þegar nýjar eignir koma í sölu sem þú hefur augastað og efni á.

Með Eignavakt Aurbjargar er því fasteignaleitin orðin svo miklu auðveldari. Með greiðslumati Aurbjargar getur þú sniðið fasteignaleitina að þínum fjárhag og þínum óskum. Samanburður margra eigna er orðinn leikur einn því með aðstoð gervigreindar er búið að búa til staðlaða samanburðartöflu fyrir allar fasteignir sem þú vilt skoða. Viðskiptavinir Aurbjargar sem tóku þátt í þróun Eignavaktarinnar tóku samanburðartöflunni fagnandi, því með sjálfvirkri og gervigreindar-drifinni samanburðartöflu fyrir margar fasteignir sparast mikill tími fasteignakaupenda sem annars færi í að halda þessum upplýsingum til haga.

Ef þér líst á fasteignina, þá finnur þú söluaðila fasteignarinnar í umfjöllun um eignina. Það eru líka allar líkur á því að sá aðili taki þér fagnandi því Eignavakt Aurbjargar er tryggasta leitartólið til að finna fasteign sem þú hefur raunverulega efni á.

Hverjir geta notað Eignavaktina?

Eignavaktin þjónustar fjölbreyttan hóp, þar sem bæði fyrstu kaupendur, fjölskyldur, konur, karla og kvár og eldra fólk sem vill stækka við sig, minnkar við sig, færa sig um set og finna ný ævintýri. Ef þú ert í einu af þessum hópum, þá er Eignavaktin hinn fullkomni félagi í fasteignaleitinni!

Ertu tilbúinn að finna draumaeignina þína?

Fáðu Eignavakt með áskrift að Aurbjörgu, byrjaðu á greiðslumati og finndu réttu eignina strax í dag!