Viðskipti innlent

Segja upp 52 sjó­mönnum

Jón Ísak Ragnarsson skrifar
Tveimur áhöfnum Vigra RE 71, frystitogara frá Brim hf., hefur verið sagt upp.
Tveimur áhöfnum Vigra RE 71, frystitogara frá Brim hf., hefur verið sagt upp. Vísir/Vilhelm

Brim hf. hefur sagt upp tveimur áhöfnum, sem samtals telja 52 manns, á frystitogaranum Vigra RE 71. Allt bendir til þess að yfirstandandi veiðitúr sé síðasti túr skipsins.

Þetta er samkvæmt heimildum Fiskifrétta, en þar kemur fram að uppsagnirnar megi rekja til samdráttar í aflaheimildum.

„Er það meðal annars vegna þorskkvóta í Barentshafi sem ekki hefur verið hægt að sækja vegna aðgerða í sambandi við innrás Rússa í Úkraínu, samdráttar í djúpkarfa og takmarkaðs afla í ufsa.“

„Úthlutun í djúpkarfa var engin í upphafi ársins og einnig hömluðu stjórnvöld Brimi að veiða stóran hluta síns þorskkvóta í Barentshafi á árinu,“ segir í ársuppgjöri Brims fyrir 2024.

Vigri er að öllum líkindum í sínum síðasta veiðitúr, en skipið varð fyrir valinu vegna aldurs og ástands. Skipið er smíðað 1992 og frystikerfi þess er sagt komið til ára sinna.

Sjómennirnir 52 fá forgang í laus pláss á öðrum skipum Brims hf.

Formaður Sjómannafélags Íslands segir að ekki hafi verið leitað til félagsins vegna uppsagnanna, í samtali við Morgunblaðið.

Brim


Mest lesið


Fleiri fréttir

Sjá meira


×

Mest lesið