BYKO opnar nýja og glæsi­lega timbur­verslun

„Það er óhætt að segja að ný og endurbætt timburverslun, sýningarsalir og skrifstofurými hafi farið fram úr okkar björtustu vonum,“ segir Sigurður B. Pálsson, forstjóri BYKO. „Frásagnir viðskiptavina okkar er besti vitnisburður því til staðfestu. Sama má segja um starfsfólk okkar og þá helst er snýr að öllum aðbúnaði og vistgæðum. Vinnuaðstaðan í nýju skrifstofurými hefur einfaldlega haft þau áhrif að okkur líður betur, sem hefur aukið enn frekar á starfsánægju og gleði. Við erum líka með öll stoðsvið okkar undir sama þaki í fyrsta skipti í langan tíma sem stuðlar enn betur að samvirkni milli sviða. Allt eru þetta lykilþættir til árangurs.“

Tendra arkitektar teiknuðu nýja fimm hæða skrifstofuhúsið sem er byggt upp af svokölluðum CLT timbureiningum. „Við stefnum á BREEAM umhverfisvottun sem talar inn í okkar stefnu þegar kemur að sjálfbærni,“ bætir Sigurður við. „Lærdómsferlið var afar dýrmætt sem hefur aukið enn frekar þekkingu okkar í sjálfbærnivegferð byggingariðnaðarins. Það sem einkennir einnig skrifstofurýmið að þar eru engar skrifstofur sem hefur styrkt enn frekar sterka menningu og liðsheild BYKO.“

Mikið fjör var í opnunarteitinu í gær og er óhætt að segja að gestum hafi litist vel á breytingarnar og þær nýjungar sem voru kynntar til sögunnar. Viktor Richardsson ljósmyndari leit við og tók nokkrar skemmtilegar myndir.

Uppfyllum þarfir viðskiptavina

Sigurður segir nýja og endurbætta timburverslun vera afrakstur mikillar stefnumótunarvinnu. „Framtíðarsýn BYKO snýst um að skapa bestu heildarupplifunina fyrir viðskiptavini okkar og þar viljum við vera samstarfsaðili viðskiptavina okkar. Því það skiptir okkur einfaldlega máli að viðskiptavinum okkar gangi vel í þeim framkvæmdum sem þeir eru að fást við hverju sinni.“

Renzo Passaro, verslunarstjóri timburverslunarinnar, vöruframboð hennar byggja á þeim vörum sem viðskiptavinir hennar hafi óskað eftir. „Við eru að leggja áherslu á nýjar lausnir, byggingarefni og leggjum að sama skapi metnað í að vera leiðandi jafn sem fræðandi í þróun byggingarefnis og byggingarlausna. Starfsfólk BYKO er sífellt að gera sitt besta til að uppfylla þarfir viðskiptavina og væntingar þegar kemur að vörum og þjónustu. Það kom skýrt fram í samtölum við viðskiptavini okkar að kaupferlið verði að vera sem einfaldast þar sem hægt er að sækja vörur og þjónustu frá einum stað.“

Hann segir BYKO einnig vera að mæta loforði sínu um að einfaldast sé að versla í BYKO. „Rétt vöruframboð skiptir máli en það sem greinir á milli fyrsta og annars sætis er fólk. Þar liggur okkar mikli styrkleiki. Sá mikli auður sem við búum yfir sem endurspeglast í mannauðinum þar sem traust og hæfni samstarfsfélaga er að okkar mati undirstaða árangurs.“

Stolt yfir nýjum sýningarsölum

Sigurður, Renzo og Kjartan Long, verkefnastjóri á fyrirtækjasviði BYKO, eru sammála um að starfsfólk BYKO sé ákaflega stolt yfir nýju sýningarsölunum. „Það má segja að í langri og farsælli sögu BYKO höfum nú í fyrsta skipti haft tækifæri til að setja upp sýningarsali þar sem við getum sýnt okkar helstu vöruliði og lausnir. Mikil vöruþróun hefur átt sér stað á byggingavörum og lausnum honum tengdum undanfarin ár og er því mikilvægt að geta birt þær með skýrum og áþreifanlegum hætti.“

Sýningasalirnir hafa að geyma fjölbreytt vöruval og má þar nefna gluggalausnir, utanhúsklæðningar, glerveggjakerfi, valkosti í pallaefnum, uppbyggingu á þaki, húsgrindur og svo mætti áfram telja.

BYKO og framtíð byggingaframkvæmda í nýjum sýningarsal.

BYKO er í fararbroddi þegar kemur að nýsköpun og hagkvæmum lausnum í byggingariðnaði segir Kjartan Long. „Samhliða opnun nýrrar timburverslunar kynnum við spennandi kosti fyrir byggingargeirann – þar á meðal BYKO Boxið, forsteypt baðherbergi, fullbúin heilsárshús og glænýjan sýningarsal. Þar geta arkitektar, verktakar og húseigendur sótt sér innblástur og fengið innsýn í helstu byggingarefni framtíðarinnar, m.a. margar gerðir af utanhússklæðningum, allar tegundir af gluggum og forsniðin hús og margt fleira.“

BYKO býður landsmenn velkomna í nýju timburverslunina og nýja sýningarsali að Skemmuvegi 2a í Kópavogi.