Formúla 1

Máttur Indlands trónir á toppnum

Force India bíllinn hefur reynst vel upp á síðkastið og virkar vel á Monza brautinni á Ítalíu.
Force India bíllinn hefur reynst vel upp á síðkastið og virkar vel á Monza brautinni á Ítalíu.

Máttur Indlands, eða Force India liðið var með besta tíma á seinni æfingu keppnisliða á Monza brautinni á Ítalíu í dag. Adrian Sutil var sneggstur um brautina og hlýtur að fara um Giancarlo Fisichella sem ekur nú Ferrari. Hann var í tuttugasta sæti á æfingunni og fyrrum liðsmaður Force India.

Hann kaus að færa sig um set til Ferrari fyrir fimm síðustu mót ársins, en arftaki hans, Ítalinn Viantonio Liuzzi var með tíunda besta tíma á Force India. Romain Groesjan sem er nýkominn til Renault var með næst besta tíma og sló við Fernando Alonso á samskonar bíl. Báðir eru með KERS kerfi í bílum sínum.

Monza er hraðasta keppni ársins og Force India bílar hafa löngum verið með góðan hámarkshraða í mótum og Fisichella varð í öðru sæti í síðustu keppni á slíkum bíl. Sýnd verður ítarleg útekt á æfingum dagsins kl. 20.30 á Stöð 2 Sport í kvöld.

Sjá tíma ökumanna á Monza





Mest lesið


Fleiri fréttir

Sjá meira


×

Mest lesið