Perú kom til baka eftir að hafa lent undir gegn Bólivíu og vann 3-1 sigur í A-riðli Suður-Ameríkukeppninnar í gærkvöld.
Bólivía, sem hefur ekki unnið Suður-Ameríkukeppnina síðan 1963, hafði ekki skorað mark í fimm leikjum en þeir áttu frumkvæðið gegn Perú. Marcelo Moreno skoraði eftir vítaspyrnu sem myndbandsdómgæslan dæmdi þeim.
Á síðustu mínútu fyrri hálfleiks jafnaði Paolo Guerrero metin fyrir Peru. Guerrero var aftur á ferðinni í seinni hálfleik þegar hann lagði upp mark Jefferson Farfan.
Perú var mun sterkari aðilinn í seinni hálfleik en markmaður Bólivíu Carlos Lampe hélt þeim inn í leiknum. Í uppbótartíma seinni hálfleiks skoraði Edison Flores hins vegar þriðja markið, 3-1 sigur Perú.
Perú er nú með fjögur stig í A-riðli fyrir lokaumferð riðlakeppninnar, líkt og Brasilía, en liðin mætast í lokaumferðinni.
Fyrsta mark Bólivíu í fimm mánuði dugði ekki til
