Danir á EM og Ítalía skoraði níu | Öll úrslit kvöldsins

Danmörk tryggði sér í kvöld sæti á EM 2020, sem fer meðal annars fram í Kaupmannahöfn, en þetta varð klárt eftir 1-1 jafntefli gegn Írlandi á útivelli.

Danmörk þurfti bara jafntefli og Martin Braithwaite kom þeim yfir á 73. mínútu. Matt Doherty jafnaði á 85. mínútu en þeir dönsku héldu út.

Í sama riðli vann Sviss 6-1 sigur á Gíbraltar og Sviss vinnur því riðilin. Dannmörk er stigi á eftir Sviss en í 3. sætinu er Írland. Danirnir fá að minnsta kosti tvo leiki á heimavelli næsta sumar.

Herrelandsholdet spiller 1-1 mod Irland og skal til EURO2020

På hjemmebane!!!#ForDanmark#DENIRL

: @fbbillederdkpic.twitter.com/GageO56QfT

— Fodboldlandsholdene  (@dbulandshold) November 18, 2019

Ítalía gerði sér lítið fyrir og skoraði níu mörk í 9-1 sigri á Armenía. Ciro Immobile og Nicolo Zaniolo gerðu tvö mörk og þeir Nicolo Barella, Jorginho, Riccardo Orsolini, Alessio Romagnoli og Federico Chiesa gerðu eitt mark hver.

 

Í sama riðli unnu Grikkir 2-1 sigur á Finnum í þýðingalausum leik þar sem Finnarnir voru fyrir leikinn búnir að tryggja sér sæti á EM fyrir leik kvöldsins.

- Only 4 teams have scored more goals in a EURO qualifier than Italy vs Armenia (9-1).

GER - SMR 13-0 (2006)

ESP - MLT 12-1 (1983)

NED - SMR 11-0 (2011)

FRA - AZE 10-0 (1995)#EURO2020#ItaArm

— Gracenote Live (@GracenoteLive) November 18, 2019

Helgi Kolviðsson og lærisveinar töpuðu 3-0 fyrir Bosníu og Hersegóvínu á heimavelli. Liechtenstein endar á botni riðilsins með tvö stig.

Lars Lagerback og lærisveinar unnu 2-1 sigur á Möltu, Svíþjóð vann 3-0 sigur á Færeyjum og Spánn vann fimm marka sigur á Rúmeníu, 5-0. Fabian, Gerard Moreno, Alvaro Morata, Mikel Oyarzabal og sjálfsmark tryggðu Spáni sigur.

Öll úrslit kvöldsins:

D-riðill:

Gíbraltar - Sviss 1-6

Írland - Danmörk 1-1

F-riðill:

Malta - Noregur 1-2

Spánn - Rúmenía 5-0

Svíþjóð - Færeyjar 3-0

J-riðill:

Grikkland - Finnland 2-1

Italia - Armenía 9-1

Liechtenstein - Bosnía og Hersegóvína 0-3