Ætluðu bara að opna matarvagn en bættu við veitingastað eftir óvænt símtal Tryggvi Páll Tryggvason skrifar 22. maí 2020 11:00 Inga Þór Arngrímsson og Nikolina Gracanin opnuðu veitingastaðinn Mosa á dögunum. Mynd/Aðsend Það er ekki á hverjum degi sem nýr veitingastaður er opnaður á Akureyri, hvað þá í miðjum kórónuveirufaraldri, þegar almennt er verið að draga saman seglin á þessum markaði. Það stoppaði þó ekki veitingahjónin Inga Þór Arngrímsson og Nikolina Gracanin í að opna veitingastaðinn Mosa um helgina. Þau ætluðu sér í fyrstu aðeins að opna matarvagn, en bættu við veitingastað eftir óvænt símtal. Matarvagninn Mosi Streetfood var opnaður í byrjun mánaðar við Torfunefsbryggju, rétt hjá Menningarhúsinu Hofi. Í samtali við Veitingageirinn sagði Ingi að áherslan væri á svokallaðan „streetfood“ með „fine dining infusion“. Vatt hratt upp á sig Flestir myndu ef til vill láta sér nægja að byrja með matarvagninn en eftir óvænt símtal fyrir nokkrum vikum bættu þau við sig veitingastað, á Hótel Akureyri í miðbæ Akureyrar. „Þetta vatt rosalega hratt upp á sig. Við kaupum matarvagninn í febrúar og vorum að vinna í að koma honum í gang. Þegar allt var klárt og við ætluðum að opna hann og þá heyra þau í okkur frá Hótel Akureyri,“ segir Ingi Þór í samtali við Vísi. Var þetta óvænt símtal? „Alveg mjög, þetta var ekkert á prjónunum hjá okkur að opna stað. Þetta átti bara að vera lítill krúttlegur vagn sem endaði í 40 sæta veitingastað,“ segir Ingi Þór. Þau tóku sér smá stund til að hugsa málið en ákváðu að slá til þar sem hugmyndin um að reka veitingastað á hótelinu væri heillandi. Ingi Þór og Nikolina í matarvagninum.Mynd/Aðsend Ingi Þór og Nikolina kynntust þegar þau unnu saman á veitingastað. Dalvíkingurinn Ingi Þór er matreiðslumaður að mennt og aðspurður af hverju Akureyri hafi orðið fyrir valinu segir hann að þeim hafi einfaldlega vantað eitthvað að gera eftir að hafa komið heim úr ferðalögum í desember. En eins og fyrr segir var í fyrstu aðeins pælingin að opna matarvagn, enda ekki mikið um þá á Akureyri. „Ég bjó fyrir sunnan meðan ég var í náminu og ég smitaðist af þessu,“ segir Ingi Þór en á undanförnum árum hefur þar sprottið upp blómstrandi matarvagnamenning. Sú menning hefur ekki borist til Akureyrar. „Það er ekkert að frétta í þessum málum hérna á Akureyri,“ segir Ingi Þór og því var ákveðið að opna matarvagninn, og svo veitingastaðinn líka. Maturinn á boðstólnum kemur víða að. „Konseptið er mjög vítt, við ferðuðumst rosalgea mikið og við erum að taka rétti sem okkur fannst góðir. Við erum með rétt á seðli núna frá Serbíu, Marókko, Mexíkó,“ segir Ingi Þór og bætir við að viðtökurnar hafi verið rosalega góðar frá því að matarvagninn opnaði, og ekki síðri eftir að veitingastaðurinn opnaði um helgina. „Eina vesenið var að það var ekki nóg af sætum,“ segir Ingi Þór. Matarvagninn er rétt hjá Hofi.Mynd/Aðsend Það vekur óneitanlega athygli að veitingastaðurinn er að opna í miðjum heimsfaraldri. ferðamenn, sem eru stór hluti af viðskiptavinum veitingastaða Akureyrar eru fáir á svæðinu og veitingastaður og hótel eru frekar að draga saman seglin í rekstrinum, fremur en að bæta í. „Ég er búinn að heyra frá nokkuð mörgum að við séum þokkalega djörf,“ segir Ingi Þór og hlær. Blaðamanni heyrist á honum að hann sé hvergi banginn, markmiðið nú sé að stíla á heimamenn og aðra Íslendinga, ferðamennirnir komi bara þegar þeir koma. „Það eru allir orðnir þreyttir á að hanga heima,“ segir Ingi Þór og reiknar með því að heimamenn séu þyrstir í að prófa eitthvað nýtt. Veitingastaðurinn er staðsettur á Hótel Akureyri, skammt frá Samkomuhúsinu.Mynd/Ja.is Akureyri Ferðamennska á Íslandi Veitingastaðir Mest lesið Trump boðar „frelsun“ Bandaríkjanna Viðskipti erlent Einsleitni er ekki málið: „Ætlum við að gera þetta aftur?“ Atvinnulíf Vilja minnka líkurnar á því að vinna í Lottóinu Viðskipti innlent Milljarður í afgang í Garðabæ Viðskipti innlent Plasttappamálið flaug í gegnum þingið Neytendur Fyrsta íslenska grænkera ostagerðin í hættu Viðskipti innlent Í fullkomnu frelsi: „Þar sem er heyskapur er ég“ Atvinnulíf Íhuga hærri tolla á alla Viðskipti erlent „Við bara tókum íslensku brjáluðu bjartsýnina á þetta“ Atvinnulíf Útflutningur gefur eftir en einkaneyslan stígur fram á sviðið Viðskipti innlent Fleiri fréttir Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum „Þetta er afnotagjald“ Play komið með flugrekstrarleyfi á Möltu Jón Ólafur í framboði til formanns SA Eigendaskipti hjá Fótbolta.net Feðgarnir nú aftur einu hluthafarnir í Eyri Invest Eyjólfur Árni hættir hjá SA Hagnaðist um tvo milljarða: Ljóst að greinin megi ekki við hækkunum Verðbólga heldur áfram að hjaðna Versta sviðsmyndin sé að lenda á milli Evrópu og Bandaríkjanna í tollastríði Íhuga að sameina lífeyrissjóði „Reiðarslag fyrir þau þorp þar sem stundaðar eru veiðar og vinnsla“ Tollastríðið gæti vel haft áhrif á lífskjör almennings Salóme tekur við af stofnanda Ísorku Helgi ráðinn sölustjóri Bein útsending: Kynna yfirlýsingu fjármálastöðugleikanefndar Kemur nýr inn í fjármálastöðugleikanefnd Mikil óvissa í alþjóðamálum gæti reynt á þjóðarbúið Segir útlitið svart fyrir sjávarútveginn og breytingarnar illa unnar „Íslenskur sjávarútvegur er burðarás í atvinnulífinu“ Lýsa yfir verulegum áhyggjum af tvöföldun veiðigjalda Allt að tvöfalda veiðigjöldin og segja útgerðina þola það vel Sjá meira
Það er ekki á hverjum degi sem nýr veitingastaður er opnaður á Akureyri, hvað þá í miðjum kórónuveirufaraldri, þegar almennt er verið að draga saman seglin á þessum markaði. Það stoppaði þó ekki veitingahjónin Inga Þór Arngrímsson og Nikolina Gracanin í að opna veitingastaðinn Mosa um helgina. Þau ætluðu sér í fyrstu aðeins að opna matarvagn, en bættu við veitingastað eftir óvænt símtal. Matarvagninn Mosi Streetfood var opnaður í byrjun mánaðar við Torfunefsbryggju, rétt hjá Menningarhúsinu Hofi. Í samtali við Veitingageirinn sagði Ingi að áherslan væri á svokallaðan „streetfood“ með „fine dining infusion“. Vatt hratt upp á sig Flestir myndu ef til vill láta sér nægja að byrja með matarvagninn en eftir óvænt símtal fyrir nokkrum vikum bættu þau við sig veitingastað, á Hótel Akureyri í miðbæ Akureyrar. „Þetta vatt rosalega hratt upp á sig. Við kaupum matarvagninn í febrúar og vorum að vinna í að koma honum í gang. Þegar allt var klárt og við ætluðum að opna hann og þá heyra þau í okkur frá Hótel Akureyri,“ segir Ingi Þór í samtali við Vísi. Var þetta óvænt símtal? „Alveg mjög, þetta var ekkert á prjónunum hjá okkur að opna stað. Þetta átti bara að vera lítill krúttlegur vagn sem endaði í 40 sæta veitingastað,“ segir Ingi Þór. Þau tóku sér smá stund til að hugsa málið en ákváðu að slá til þar sem hugmyndin um að reka veitingastað á hótelinu væri heillandi. Ingi Þór og Nikolina í matarvagninum.Mynd/Aðsend Ingi Þór og Nikolina kynntust þegar þau unnu saman á veitingastað. Dalvíkingurinn Ingi Þór er matreiðslumaður að mennt og aðspurður af hverju Akureyri hafi orðið fyrir valinu segir hann að þeim hafi einfaldlega vantað eitthvað að gera eftir að hafa komið heim úr ferðalögum í desember. En eins og fyrr segir var í fyrstu aðeins pælingin að opna matarvagn, enda ekki mikið um þá á Akureyri. „Ég bjó fyrir sunnan meðan ég var í náminu og ég smitaðist af þessu,“ segir Ingi Þór en á undanförnum árum hefur þar sprottið upp blómstrandi matarvagnamenning. Sú menning hefur ekki borist til Akureyrar. „Það er ekkert að frétta í þessum málum hérna á Akureyri,“ segir Ingi Þór og því var ákveðið að opna matarvagninn, og svo veitingastaðinn líka. Maturinn á boðstólnum kemur víða að. „Konseptið er mjög vítt, við ferðuðumst rosalgea mikið og við erum að taka rétti sem okkur fannst góðir. Við erum með rétt á seðli núna frá Serbíu, Marókko, Mexíkó,“ segir Ingi Þór og bætir við að viðtökurnar hafi verið rosalega góðar frá því að matarvagninn opnaði, og ekki síðri eftir að veitingastaðurinn opnaði um helgina. „Eina vesenið var að það var ekki nóg af sætum,“ segir Ingi Þór. Matarvagninn er rétt hjá Hofi.Mynd/Aðsend Það vekur óneitanlega athygli að veitingastaðurinn er að opna í miðjum heimsfaraldri. ferðamenn, sem eru stór hluti af viðskiptavinum veitingastaða Akureyrar eru fáir á svæðinu og veitingastaður og hótel eru frekar að draga saman seglin í rekstrinum, fremur en að bæta í. „Ég er búinn að heyra frá nokkuð mörgum að við séum þokkalega djörf,“ segir Ingi Þór og hlær. Blaðamanni heyrist á honum að hann sé hvergi banginn, markmiðið nú sé að stíla á heimamenn og aðra Íslendinga, ferðamennirnir komi bara þegar þeir koma. „Það eru allir orðnir þreyttir á að hanga heima,“ segir Ingi Þór og reiknar með því að heimamenn séu þyrstir í að prófa eitthvað nýtt. Veitingastaðurinn er staðsettur á Hótel Akureyri, skammt frá Samkomuhúsinu.Mynd/Ja.is
Akureyri Ferðamennska á Íslandi Veitingastaðir Mest lesið Trump boðar „frelsun“ Bandaríkjanna Viðskipti erlent Einsleitni er ekki málið: „Ætlum við að gera þetta aftur?“ Atvinnulíf Vilja minnka líkurnar á því að vinna í Lottóinu Viðskipti innlent Milljarður í afgang í Garðabæ Viðskipti innlent Plasttappamálið flaug í gegnum þingið Neytendur Fyrsta íslenska grænkera ostagerðin í hættu Viðskipti innlent Í fullkomnu frelsi: „Þar sem er heyskapur er ég“ Atvinnulíf Íhuga hærri tolla á alla Viðskipti erlent „Við bara tókum íslensku brjáluðu bjartsýnina á þetta“ Atvinnulíf Útflutningur gefur eftir en einkaneyslan stígur fram á sviðið Viðskipti innlent Fleiri fréttir Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum „Þetta er afnotagjald“ Play komið með flugrekstrarleyfi á Möltu Jón Ólafur í framboði til formanns SA Eigendaskipti hjá Fótbolta.net Feðgarnir nú aftur einu hluthafarnir í Eyri Invest Eyjólfur Árni hættir hjá SA Hagnaðist um tvo milljarða: Ljóst að greinin megi ekki við hækkunum Verðbólga heldur áfram að hjaðna Versta sviðsmyndin sé að lenda á milli Evrópu og Bandaríkjanna í tollastríði Íhuga að sameina lífeyrissjóði „Reiðarslag fyrir þau þorp þar sem stundaðar eru veiðar og vinnsla“ Tollastríðið gæti vel haft áhrif á lífskjör almennings Salóme tekur við af stofnanda Ísorku Helgi ráðinn sölustjóri Bein útsending: Kynna yfirlýsingu fjármálastöðugleikanefndar Kemur nýr inn í fjármálastöðugleikanefnd Mikil óvissa í alþjóðamálum gæti reynt á þjóðarbúið Segir útlitið svart fyrir sjávarútveginn og breytingarnar illa unnar „Íslenskur sjávarútvegur er burðarás í atvinnulífinu“ Lýsa yfir verulegum áhyggjum af tvöföldun veiðigjalda Allt að tvöfalda veiðigjöldin og segja útgerðina þola það vel Sjá meira