Umsjónarmaður þáttanna er íþróttafréttamaðurinn Henry Birgir Gunnarsson en í þáttunum ræðir hann við helstu íþróttaforingja landsins síðustu áratugi.
FH-ingurinn Jón Rúnar Halldórsson situr fyrir svörum í fyrsta þættinum en hann hefur heldur betur látið til sín taka í Hafnarfirði síðan hann fyrst settist í formannsstólinn árið 1985.
Hér að neðan má sjá stutta stiklu úr fyrsta þætti en þættirnir verða á dagskrá Stöðvar 2 Sports næstu sex sunnudaga.
„Ég sé rautt þegar það er talað um þetta,“ sagði Jón Rúnar Halldórsson meðal annars í stiklunni.
