Atvinnulíf

Engin bólusetning ræður við fjölmiðlabakteríuna

Rakel Sveinsdóttir skrifar
Steingrímur Sævarr Ólafsson, fjölmiðlaráðgjafi og fyrrum fréttastjóri Stöðvar 2 staðfestir að fyrirbærið fjölmiðlabaktería er í alvörunni til og við hana fær ekkert ráðið. Steingrímur byrjar alla daga á því að brosa framan í heiminn og fagna því að vera til. Hann viðurkennir hins vegar að fara helst ekki að sofa á kvöldin, svo mikil B-týpa er hann.
Steingrímur Sævarr Ólafsson, fjölmiðlaráðgjafi og fyrrum fréttastjóri Stöðvar 2 staðfestir að fyrirbærið fjölmiðlabaktería er í alvörunni til og við hana fær ekkert ráðið. Steingrímur byrjar alla daga á því að brosa framan í heiminn og fagna því að vera til. Hann viðurkennir hins vegar að fara helst ekki að sofa á kvöldin, svo mikil B-týpa er hann. Vísir/Vilhelm

Steingrímur Sævarr Ólafsson er kunnugt andlit enda starfaði hann lengi í fjölmiðlum, meðal annars sem fréttastjóri Stöðvar 2. 

Steingrímur staðfestir að fyrirbærið fjölmiðlabaktería er til en við hana fær víst ekkert ráðið. Steingrímur starfar í dag sem fjölmiðlaráðgjafi og byrjar hvern dag á því að brosa.

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem gerist þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Líkamlega upp úr klukkan sjö. Andlega svona um það bil tíu mínútum síðar!“

Hvað er það fyrsta sem þú gerir á morgnana?

„Brosi framan í heiminn, fagna því að bæta við einum degi í líf mitt og hlakka til að vera til.“

Einu sinni fréttamaður og fréttastjóri: Er eitthvað til í alvörunni sem heitir fjölmiðlabaktería eða fréttafíkill?

Uhhhh...já! 

Þetta er baktería sem engar bólusetningar í heiminum duga við.“

Steingrímur segir vélritunarkennsluna úr Verzló og tæplega þrjátíu ára blaðamannareynslu koma sér vel í þeim verkefnum sem hann vinnur. Þá byrjar hann á því að safna upplýsingum, meltir þær í huganum í nokkurn tíma en er síðan eldsnöggur að koma þeim frá sér á blað þegar niðurstaða liggur fyrir. Vísir/Vilhelm

Í hvaða verkefni ertu að vinna helst í þessa dagana?

„Trúnaður er lykilorðið í mínum bransa, svo hér koma engar upplýsingar, en næstum öll verkefnin eru stórskemmtileg, hvert með sínum hætti.“

Hvernig skipuleggur þú þig í vinnu?

Fæ eins mikið af upplýsingum og ég get, drekk þær í mig og svo hefst meltingartímabil sem fer fram í höfðinu á mér. 

Þegar úrvinnslu þar er lokið, kemur vélritunarkennslan úr Verzló og tæplega þrjátíu ára blaðamannareynsla sér vel og niðurstaðan er sett á blað.“

Hvenær ferðu að sofa á kvöldin?

„Helst ekki bara. Ég er B-manneskja að eðlisfari og vil helst vaka sem lengst. Ég kemst upp með að sofa lítið og þakka Guði reglulega fyrir það.“

Kaffispjallið Fjölmiðlar

Tengdar fréttir

Svefnvenjurnar að vetri eins og opnunartími í Kringlunni

Hera Björk Þórhallsdóttir tónlistarkona og löggiltur fasteignasali segist líka vera almennur „græjari og gerari.“ Til að skipuleggja ólíku verkefnin sín gefur hún þeim heiti í TRELLO eins og FasteignaHera og Ilmur af jólum.

190 ástæður fyrir árangrinum segir forstjórinn og nýkrýndur afi

Hermann Björnsson, forstjóri Sjóvá, er í því átaki sem margir þekkja að reyna að rjúka ekki strax í símann þegar hann vaknar. Hermann er nýkrýndur afi, fyrsta barnabarnið fæddist í sumar og það næsta á að fæðast á allra næstu dögum. Fjölskyldan stefnir á að sameinast á Ítalíu um jólin.

Liverpool bestir í svarthvíta Finlux túbusjónvarpinu með pabba

Í fimmtán ár hefur Hugi Sævarsson, framkvæmdastjóri Birtingahússins, verið í karlahópi í ræktinni sem hefur það markmið að endast lengur á dansgólfinu en aðrir. Fótboltaáhuginn hefur fylgt honum alla tíð en í vinnunni leggur hann áherslu á forgangsröðun verkefna.



Mest lesið


Fleiri fréttir

Sjá meira


×

Mest lesið