Formúla 1

Leclerc enn og aftur á ráspól

Hjörvar Ólafsson skrifar
Mónakómaðurinn Charles Leclerc náði besta tímanum í tímatökunni í dag. 
Mónakómaðurinn Charles Leclerc náði besta tímanum í tímatökunni í dag.  Vísir/Getty

Ökuþórinn Charles Leclerc, sem keyrir fyrir Ferrari, hafði betur í baráttunni sinni við Red Bull-manninn Sergio Perez um að komast á ráspól í Formúlu 1-kappakstrinum sem fram fer í Bakú í Aserbaídsjan á morgun.

Leclerc verður fremstur þegar ræst verður í Bakú annað keppnistímabilið í röð. Þetta verður í sjötta skipti af átta sem Leclerc ræsir fremstur. Besti tími dagsins var 1:41.359. 

Mjótt var á mununum á milli Leclerc og Perez sem var svo á undan sínum hjá Red Bull, Max Verstappen. Perez freistar þess á morgun að fylgja eftir sigri sínum í  síðasta kappakstri Formúlu 1-mótaraðarinnar sem fram fór í Mónakó. 

Lance Stroll lenti í árekstri á lokaspretti tímatökunnar en Kanadamaðurinn klessti bar Aston Martin bíl sinn. 

Hér að neðan má sjá efstu 10 ökuþóra tímatökunnar:

1) Charles Leclerc, Ferrari

2) Sergio Perez, Red Bull

3) Max Verstappen, Red Bull

4) Carlos Sainz, Ferrari

5) George Russell, Mercedes

6) Pierre Gasly, AlphaTauri

7) Lewis Hamilton, Mercedes

8) Yuki Tsunoda, AlphaTauri

9) Sebastian Vettel, Aston Martin

10) Fernando Alonso, Alpine

Formúla

Mest lesið


Fleiri fréttir

Sjá meira


×

Mest lesið