Förðunarfræðingurinn og samfélagsmiðlastjarnan Fanney Dóra Veigarsdóttir er trúlofuð. Fanney birti fallega færslu á Instagram síðu sinni þar sem hún sagði frá því að unnusti hennar Aron Ólafsson hefði beðið hennar.
„Þúsund sinnum já. Verð alltaf þín, hef vitað það frá degi eitt,“ skrifar Fanney undir fallegar myndir af nýtrúlofaða parinu.
Fanney og Aron skelltu sér á stefnumót á veitingastað í gærkvöldi. Fanney skildi ekkert í því hvers vegna Aron vildi ekki geyma jakkann sinn í fatahenginu. Ástæðan var einföld, hann var með trúlofunarhringinn í vasanum.
Parið hefur verið saman í tæp þrjú ár. Í mars árið 2021 eignuðust þau dótturina Thaliu Guðrúnu.
Fanney Dóra Veigarsdóttir er förðunarfræðingur, samfélagsmiðlastjarna, bloggari og leikskólakennaranemi. Hún hefur lengi haft áhuga á tísku og segir stórar stelpur ekki þurfa að fela sig, þær megi tjá sig og vera áberandi.
Förðunarfræðingurinn Fanney Dóra fer yfir förðunartískuna fyrir sumarið 2018. Hún segir léttan farða verða aðalmálið í sumar og að skærir litir muni ráða ríkjum.
Förðunarfræðingurinn Fanney Dóra Veigarsdóttir upplifir að það sé erfitt að kaupa föt í stórum stærðum á Íslandi. Hún segir úrvalið af fötum í stórum stærðum vera lítið og skipulagið vera skrýtið.
