Framkvæmdasýslan: Ríkiseignir f.h. ríkissjóðs óska eftir húsnæði til leigu fyrir pípulagningadeild Borgarholtsskóla

Framkvæmdasýslan - Ríkiseignir f.h. ríkissjóðs 26. maí 2023 06:16

Gerð er krafa um staðsetningu húsnæðis innan Grafarvogs og að það verði helst í göngufæri við aðalbyggingu skólans.

Miðað er við að húsnæðið verði tekið á leigu í 5 ár með möguleika á framlengingu í 2–3 ár í viðbót.

Húsnæðið skal afhendast fullbúið og tilbúið til notkunar í síðasta lagi 15. ágúst 2023.

Heildarstærð húsnæðis, brúttó, er áætluð 500 – 520 fermetrar. Nánar um stærðir rýma og aðrar kröfur sem húsnæðið verður að uppfylla verða aðgengilegar á www.utbodsvefur.is þriðjudaginn 30. maí 2023.

Gott aðgengi skal vera fyrir hreyfihamlaða, hjólandi og gangandi.

Við mat á hagkvæmni tilboða verður m.a. tekið tillit til leiguverðs, stærðar húsnæðis og skipulags þess út frá fyrirhugaðri nýtingu, öryggis, afhendingartíma, staðsetningu og aðkomu.

Fyrirspurnir varðandi verkefnið Pípulagningadeild í Borgarholtsskóla, skulu sendar á netfangið [email protected].

Fyrirspurnarfrestur rennur út 1. júní 2023 en svarfrestur er til og með 2. júní 2023.

Leigutilboð skal senda á [email protected], eigi síðar en kl. 13:00 föstudaginn 9. júní 2023.

Merkja skal tilboðin; nr. 230525 – Pípulagningadeild í Borgarholtsskóla – Leiguhúsnæði

Leiga á grundvelli þessarar auglýsingar er undanskilin lögum um opinber innkaup nr. 120/2016, sbr. a. lið 1. mgr. 11. gr