Lee hóf ferilinn hjá Bolton Wanderers þar sem hann raðaði inn mörkum. Samkvæmt Wikipedia-síðu hans spilaði hann 189 leiki fyrir félagið og skoraði 92 mörk. Lee fór frá Bolton til ljósbláa hluta Manchester-borgar.
Hann lék fyrir félagið í átta ár, spilaði 330 leiki og skoraði 148 mörk. Lee var stór ástæða þess að City stóð uppi sem Englandsmeistari árið 1968. Á tíma sínum hjá félaginu vann hann einnig ensku bikarkeppnina, deildarbikarinn, Evrópukeppni bikarhafa og Samfélagsskjöldinn.
Þá var hann formaður Man City frá 1994 til 1998.
It is with the deepest sadness and heaviest of hearts we announce the passing of former Manchester City player and Chairman Francis Lee.
— Manchester City (@ManCity) October 2, 2023
Everyone at Manchester City would like to send their condolences to the friends and family of Francis at this very difficult time.
Eftir dvölina í Manchester gekk Lee í raðir Derby og lék með liðinu frá 1974-1976. Þá spilaði hann 27 A-landsleiki fyrir Englands hönd og skoraði 10 mörk.
