Tónleikarnir Bylgjan órafmögnuð eru á dagskrá næstu fimmtudagskvöld klukkan 20:00 á Bylgjunni, Vísi og Stöð 2 Vísi. Í ár koma fram Jóhanna Guðrún, Klara Elías, Friðrik Dór, Una Torfa, Ragga Gísla, Jónas Sig og svo er síðasti þátturinn sýndur 16. desember og er það sérstakur jólaþáttur.
Ívar Guðmundsson, dagskrárstjóri Bylgjunnar, er spenntur fyrir tónleikaröðinni sem hefur vakið mikla athygli síðustu ár.
„Við byrjum í kvöld og að þessu sinni erum við með sjö fimmtudagskvöld. Við byrjum á algjörri neglu þar sem Jóhanna Guðrún tekur allt frá dívu-ballöðum upp í Mamma þarf að djamma. Þá ræðir hún einnig hvernig hún átta ára gömul sem barnastjarna tróð upp á bensínstöðvum og við allskonar tækifæri,“ segir Ívar.
Búið er að taka alla tónleikana upp og var stemmingin alveg stórkostleg að sögn viðstaddra.
Hér fyrir neðan má sjá dagskránna:
Jóhanna Guðrún - 2. nóvember
Klara Elías - 9. nóvember
Friðrik Dór - 16. nóvember
Una Torfa - 23. nóvember
Ragga Gísla - 30. nóvember
Jónas Sig - 7. desember
Jólaþáttur með öllum - 16. desember
