„Yndislegur staður með góð vibes, hér er gott að búa,“ skrifar Katla og deilir eigninni á samfélagsmiðlum.
Um er að ræða rúmlega 90 fermetra eign á besta stað í Hlíðunum í húsi sem var byggt árið 1947. Samtals eru tvö svefnherbergi og eitt baðherbergi. Ásett verð fyrir eignina er 64,9 milljónir
Parið hefur komið sér afar vel fyrir og nostrað við þessa fallegu íbúð á ævintýralegan máta. Í stofunni má sjá grænt veggfóður með frumskógarmynstri sem gefur heildarmyndinni skemmtilegt yfirbragð. Græni liturinn virðist heilla parið, en veggir í eldhúsi og á baðherbergi eru málaðir í svipuðum lit.
Nánari upplýsingar um eignina má finna á fasteignavef Vísis.
Barnalán á árinu
Óhætt er að segja að árið byrji með trompi hjá parinu en 1. janúar tilkynntu þau að þau ættu von á sínu fyrsta barni saman.
„Ég er ólétt. Nýtt ár verður fallegt og gjöfult,“ skrifaði Katla við færslu á samfélagsmiðlum og birti mynd af sónarmynd og verðandi foreldrunum.
Atli Már starfar sem dagskrárgerðarmaður á Rás 2 þar sem hann er umsjónarmaður þáttanna Þú veist betur á Rás 2 á sunnudagsmorgnum.
