Bandaríkin sprengdu enn eitt skotmark uppreisnarmanna Húta í loft upp í Jemen í nótt eftir umfangsmiklar árásir í félagi við Breta síðustu daga. Sameinuðu þjóðirnar segja stórhættulega vegferð farna af stað á svæðinu, sem haft gæti áhrif á milljónir manna um heim allan.
Við sýnum einnig myndir frá fjölmennri samstöðugöngu fyrir Palestínu í Miðborginni í dag og förum á vettvang á Hringbraut í Vesturbænum, þar sem ökuníðingur olli stórtjóni í morgun.
Þá hittum við sjálfboðaliða hjá Dýrahjálp sem forðuðu þrjátíu og tveimur naggrísum frá aflífun. Naggrísirnir leita nú að framtíðarheimili. Þetta og margt fleira í kvöldfréttum Stöðvar 2 klukkan 18:30.
