Man. City saknaði ekki Haaland í kvöld

Manchester City komst upp í fjórða sæti ensku úrvalsdeildarinnar eftir 2-0 heimasigur á Leicester City í kvöld.

Þetta var fyrsti leikur City eftir að í ljós kom að norski framherjinn Erling Braut Haaland verður ekki með liðinu næstu vikurnar vegna meiðsla.

Stuðningsmenn City þurftu ekki á bíða lengi eftir marki í kvöld því Jack Grealish kom liðinu í 1-0 strax á annarri mínútu eftir sendingu frá Savinho.

Omar Marmoush, sem tók sæti Haaland í framlínunni, bætti síðan við öðru marki á 29. mínútu.

Þetta reyndust vera einu mörkin í leiknum.

Þetta var lífsnauðsynlegur sigur fyrir lærisveina Pep Guardiola sem fengu aðeins eitt stig í síðustu tveimur deildarleikjum sínum fyrir landsleikjahlé.

Liðið er í mikilli baráttu um sæti í Meistaradeildinni á næstu leiktíð og þessi þrjú stig komu sér vel.