Sif Atladóttir er barnshafandi og leikur því ekkert með íslenska landsliðinu eða Kristianstad á þessu ári.
Hún greindi frá þessu á samfélagsmiðlum í dag. Sif á fyrir eina dóttur sem fæddist 2015.
+ = 2020 knattspyrnuárið verður tekið á hliðarlínunni. #KDFF#fyririsland#dottirhttps://t.co/eLEpTDzCad
— Sif Atladóttir (@sifatla) March 4, 2020
Sif hefur leikið 82 A-landsleiki. Hún lék síðast með landsliðinu gegn Lettlandi í undankeppni EM 2021 á síðasta ári. Sá leikur vannst, 0-6.
Ísland er í 2. sæti F-riðils undankeppni EM með níu stig af níu mögulegum. Liðið á fimm leiki eftir í undankeppninni og ljóst er að Sif missir af þeim öllum.
Íslenska landsliðið hefur leik á Pinatar-mótinu á Spáni í dag. Ísland mætir Norður-Írlandi klukkan 14:00.
Sif hefur verið í herbúðum Kristianstad frá 2011. Þar leikur hún undir stjórn Elísabetar Gunnarsdóttur.
