Elvar Örn Jónsson gerði þrjú mörk fyrir Skjern sem vann leikinn með þremur mörkum, 34-31, eftir að staðan í leikhléi var 16-14, Skjern í vil. Bjarte Myrhol atkvæðamestur í liði Skjern með átta mörk.
Rúnar Kárason var markahæstur Ribe Esbjerg með sex mörk en Daníel Þór Ingason skoraði eitt mark.
Sveinn Jóhannsson og félagar í SönderjyskE steinlágu fyrir Bjerringbro Silkeborg, 37-18 á sama tíma. Sveinn fékk að líta rauða spjaldið eftir að hafa verið vikið af velli með tveggja mínútna brottvísun í þrígang.
